室內蔬果園－2011年回顧#608

因為我未試過,又好難答你.
你家貓貓用木糠代替貓砂?
但如果本身尿味很重,應該不多不少都會有味道.
你可以放少少貓尿同木糠再加泥混合,再係面頭加一層泥,再係面頭加一片廚房紙,應該可以分隔一些味道.
之前網友都提過,如果用天然貓砂,都可以直接加泥做堆肥.

我用木砂是天然貓砂
這樣說只要將用過的貓砂加泥就ok ?
那就太好啦

係呀~ 木砂係天然砂,應該無問題.

更新一下先

車厘茄慢慢大,其他的花都開始變果果.
不過,昨日我整理盆栽,不小心撞跌二朵花花
我又少了二粒車厘茄,很難過.
它太高了,以前同事又無幫佢摘頂芽,回來的時候已經高,不久就開花.
我真想自己由種子再種起.
等它所有花先結果果後再決定吧.


四個多月大既蘋果苗.
其中二棵越來越高,還有很多葉片在長大.
我真是要想想,用不用找東西把它扶一下.
但我又想,它是樹木,應該莖部會再長粗去支持自己.
再觀察一下吧!


丸子分享的白菜和牛油豆
其實菜菜我真不太會種,一切都在實驗階段.
這二棵白菜成長速度超慢,人家已經就快收成,它們還是三塊葉.
之前盆太深,於是我改了一個食物盒代替.


牛油豆就很不錯.
葉片依舊亂生,我每日要看它的生長情況.
把它的葉片矯正位置,否則有時葉片會重疊影響下面葉片的成長.

你好好心機啊~
我的牛油豆也長了幾片新葉, 明天天氣不太差的話我會送佢去園圃種, 希望大得快d啦!

牛油豆同車厘茄真係好似好容易種咁,都唔駛點理佢都生得幾好.
相反蘋果同士多啤梨同菜菜就無咁容易.
好似蘋果咁,之前停左一斷時間都無大過,葉尖仲開始黃,我不知幾擔心.
但我又無野可以做,但突然佢地黎一個第二期發育,生左好多新葉同長高左好多.
宜家我都放心曬.
至於菜菜就始終係失敗,發左芽三片葉後都係唔大.
我開始壞疑菜生長有問題,可能係同泥有關,尋日我出去左買包靚土.

我棵牛油豆最大的兩塊葉有潛潛偷襲, 唯有忍痛剪左..... 依家個樣好怪!!!   
我覺得豆, 瓜, 蕃茄 和 蘿勒, 一放室外都會好易野到潛潛架!

睇完 sandy 個帖, 好難想像.... 一間房,一張床,一個盒. 可以......做到咁多 + 種到咁好既農物.. 勁!!

好勁 ...

我棵牛油豆經過我幫佢補習,終於似返一棵正常既植物.
雖然室內比室外少好多蟲,但我個房近黎都有蚊患呀~
今次個堆肥箱造得唔好,蚊滋仔出世黎開party.
所以堆肥箱一定要夠通風,唔可以積到水氣,否則後果嚴重.
我宜家將佢一家大細用捕蟲貼紙大量消滅.
捕蟲貼真係好野黎架!

[ 本帖最後由 sandylam 於 2008-9-10 00:31 編輯 ]

maymay靚,曇花:
多謝先~
不過,我已經不勝負荷,加肥分株換盆堆肥等等,每日放工搞到好夜都未掂,或者我新手,好多野都唔掂.
仲要照顧一隻龍貓一隻倉鼠一隻天竺鼠同一隻貓.
暈低

me too 每日工作量都唔少.. 好辛苦. 不過是自己的興趣..  忙都會開心  

室內點種蘋果請問, 會不會唔夠光呢?

蘋果唔可以太曬同太熱架!
我放佢係窗邊已經夠光.
我個窗每日都有三至四小時陽光.
而且室內有冷氣,保持涼快.
特別蘋果苗,太曬太熱葉會立即變黃,好快會枯架!
4月開始種,現在蘋果苗長得好高

室內既:
我原本將蘋果bb放係冷氣房,
之後怕佢地唔夠太陽就放佢地係開左既窗邊,
結果新出既bb葉就咁就曬濃左,
我拔走濃葉再放回無開既窗枱(這裡只有陽光不曬),
佢地就繼續生長喇,
結論就係佢地bb好易死,
佢地要陽光但唔要太陽直曬,
咁佢地既生存機會大好多,

室外既:
另外我又放兩盆在上台,
天台溫度幾高下要墊磚座底,
一盆放係無傘檔既地方最後死左,
另一盆放係太陽無法直射既地方,
結果佢生得好好無死到,
所以如果要種戶外既話只要唔好直曬佢地,
應該可以揍到幾個月大,
但可唔可以揍到佢大個仔就未知喇,
因為我都係第一次種現在只種得幾個月.

原帖由 maymay靚 於 2008-9-9 17:42 發表
睇完 sandy 個帖, 好難想像.... 一間房,一張床,一個盒. 可以......做到咁多 + 種到咁好既農物.. 勁!!
61421

絕對認同, 環境仲同我好似....
真係要學下SANDY先得

原帖由 maymay靚 於 2008-9-10 11:26 發表
me too 每日工作量都唔少.. 好辛苦. 不過是自己的興趣..  忙都會開心  61475

哈哈! 我都係半夜(5點半)起身淋花,
打理下D花花, 施下肥.
無辦法, 一早返工, 夜一夜收工.
不過見到開花有成績都好開心.

其實我覺得室內種,功夫好多,要整得好乾淨先會無蟲無味.
好多野室內種植物係唔用得架.
花生麩同骨粉我都無辦法用,就算用堆肥都要好小心.
我平日都係朝早起身淋花,但修剪換盆拖肥都係要留返假期先得.

好慘!  我棵黃色牛油豆移田後攪成甘!

種蘋果好得意架!
佢唔會一直咁生高,佢會先生到一定高度,之後就增肥生毛毛同生葉,過多一段時間又再生高.
宜家大哥同二哥都定左型生緊葉,開始無再高.
最細既細仔剛剛開始生高嚕!
佢梗係驚我唔要佢呢個矮仔.