本帖最後由 Lunglung9 於 2013-5-14 07:55 編輯
我細老哥既時候, 當時住公屋, 個陣時出面有個露台, 我阿媽當時搵左d野擺係露台到種,老豆睇唔順眼, 跟住整黎整去包括重新安排一d掛既野啦, 又整引水, 又開去水位等等, 不知攪到佢鬼咁忙, 跟住就乜都種D(種左D乜真係有D已經唔得左啦), 但最深刻既係見過鐵樹同曇花開花既時候, 感覺好興奮, 佢地半夜就叫我起身睇住佢開花同聞佢d花香, 需然過左過幾十年, 但呢個感覺仲係度.
舊年, 自己都覺得年紀大, 心境又老左, 唔想咁勞碌 (其實依家仲忙左TIM), 見到有個天台仔空左係度於是搵番d細藝, 所以不如諗下種野啦. 跟住就咁様開始左, 及後又發覺, 如果真係要種得好既話, 故勿論任何花草樹木等等應該一開始你就要儘量做到佢地想需要既野(依家仲有排學) 之後發現有呢個網站 慢慢開始係度爬下文 (呢度好多人寫既野真係好勁), 感覺非常好, 我曾經係度拜讀以下文章包括有講泥, 種植經驗及技巧 如何做肥, 點打基肥, 施肥方法同時間, 下種時間表, DIY(見到d DIY真係佩服佩服)高低壓, 扞插, 嫁接呀, 虫害..等等 令我係見識上吸收左好多同埋多谢前辈既無私既分享 如果換早以前, 我都冇可能有咁快就知道有咁多野.
我依家都係新手一個, 隨時都有問題等緊我迎接, 唯有邊種邊學...
有系統地分類令人睇得非常暢順, 無私既分享係一種快樂.
係呢度祝所有花友種植快樂, 生機勃勃, 花開富貴,長種長有, 蒸蒸日上 |