"愛心城市種植活動^^歡迎新會員加入"

Hello, 你們好呀！我是在某一角生活，當初只是種花玩玩的，因為這裡的東西質素太好，隨便買包泥一些花苖，淋些水，都會種出美麗的花，連要種植物種子發芽方法，要放基肥、追肥的知識完全不知道，直至今年想種菜，由種子種起，去homecenter買野，嘩，太多太多，我要什麼東西呢？而且在這裡種植實在太方便成日靚靚咁一套套賣，種植的東西太貴啦，可以用代替品吧，想想香港種植鐵人是怎樣種植，怎樣用東西工具diy來種植，上網搵資料，偶然就咁入佐來啦，由4月開始每一日都入來睇睇，都成為習慣，這裡得知各位園友的友善，熱心解答問題，分享心得，種種知識吸收不少，好感動，而且緣份吧，在這裡認識了一位在另一方的園友（廣東話超準的香港人）半年中種植收穫仍是吉，但仍然努力，發掘中，希望大家繼續yoroshiku ne

我加入的原因很平凡，就是以前家中有天台，種花種菜都不算成功。之後租田，如沒有收成就完全蝕本了，於是上網找資料和嘗試找人交流。於是加入園藝館就順理成章了。

加入後驚喜不斷，原來網上論壇除了網上討論，還會有東西分享，還會有聚會。花友們卧虎藏龍，多才多藝，令我眼界大開。原來閙市中會有一片農田，原來香港真的可以有田園生活，原來嬌滴滴的女士會揸鋤頭，原來以為只種花的花友都會種瓜，仲種得好好，原來田邊的野草可以煲涼茶，街邊的野花又是治癌良藥。我以往只種瓜菜，但在花友薰陶下，家中已有十多棵花花草草，其中九成九是分享回來的

當然不得不提，最意想不到的是會有 9.29 的分享活動，更想不到的是竟然會參與，其中得到的經驗和滿足，實在很難形容。

愛上種植，加入了園藝館和認識了一班志同道合的朋友後，看世界都不樣了。

2年前因為家裡的變遷, 突然搬到村屋居住, 因為事出突然, 對居所沒有特別要求, 當然沒有因為想種植而要搬來這裡住
稍為安頓過後, 不想浪費露台的空間, 想種花種菜, 才燃起自己其實一直都想種植的心願
上網找資料時看到這個討論區, 就開始中毒生涯, 平日上園藝館, 放假就想逛花墟
開始這個興趣讓我更快適應和享受現在的生活, 也成了我減壓的方法
人也活得有盼望, 夏天就望快點可種秋植品種; 冬天就盼春天的到來可以種多點花
平日在街上也會多了留意花花草草
還有在這裡認識了很多朋友, 也與鄰居,同事, 家長相遇, 很神奇
真的要向minmin和有份建構這個網上平台的大大致敬~
感謝你們讓我們藉著這裡連繫起來~

金剛, 我真是受之有愧, 我只覺得人與人可以連繫上是一件很美好很美好的事, 值著這裡認識到的每個朋友我都很珍惜~

自小我就好鐘意種嘢，睇完Jamie Oliver試過用新鮮香草，就更加嘗試種香草，不過種死居多：p

真正令我走上園藝館係緣自接收一位離職同事嘅無名AV,由好醜樣種到佢開花，之後插葉，出苗又再開花；種唔死喎，咪向高難度挑戰，揾D靚av種，一揾，就揾到園藝館紫版！都係今年年頭嘅事！

自此就中毒啦，除咗香草，av,仲係呢度得花友們分享唔同苦科植物，酢漿草，秋海棠等。又學咗好多種植知識，原來以前棵無名av唔死係佢命大，我之前唔識溝泥㗎！呢度花友們無私分享知識同花花，真係令我受用無窮！

原來我黎咗4年幾....

以前住公屋, 媽媽在騎樓種了好些植物, 看見石蓮一片葉可以長新一棵, 覺得很有趣。我也會把用來煲糖水的豆偷偷掉在土中, 植物長大居然也有收成。然而我對盆內的蚯蚓, 馬陸及蜈蚓的興趣大得多！

2006年夏一個普通的家庭活動, 目的地是花墟, 兩歲半的女兒選了一盆食蟲植物給我, 所謂給當然也是自己付款。那盆土瓶草很快成了仙, 而我也成了食蟲植物的俘虜, 在尋找資料時又遇上香港園藝館。當年有兩位熱心花友, 包括阿行及sundewrex, 他們有真本領又最愛放毒, 在他們帶領下我也參與了幾次活動. 上述兩位之後也當上版主, 詳情離題不詳述了。不得不提水母, 她的生活態度及生花妙筆令小的拜服。

後來香港園藝館改版, 我也置業買了有小窗台的方便種植, 沒想到這個窗台原來向北, 用來種食蟲及多肉只是一個笑話, 而工作又開始忙碌, 這興趣亦漸漸遠去。

兩年前轉了工作環境, 空閒時再上香港園藝館, 發現物轉星移, 而我只愛當一個小小遊客。上年夏天一個無聊下午, 為想解答一位新人的提問令我重新登入香港園藝館, 回想當時的確有點衝動。從來館內都是臥虎藏龍, 回來後更被花友的熱心深深感動, 難怪本館能成為中文系首屈一指的園藝網站！

萬惡之源


土豆貓  monks大大, 我見到你成日好熱心答新花友既問題架.....仲有你呢盆真係幾萬惡, 我都開始沉淪係食蟲毒海中, 請多多指教  答非所問就真

hugopoodle  大大, 多謝你的熱心, 而家新花友好多, 你要多多喺度坐陣, 我哋好需要你哋呢啲前輩分享心得同指導GA~ 很多前輩坐陣, 我只在後排看戲

Monk's......我老喇

我都係在網上search資料時，糊裡糊塗的走咗入嚟。
由細細個開始，我已經係「種毒」高手（因為俾我種親嘅都毒死曬，無一幸免）。
所以以前嘅我，一D都唔喜歡種植（有損我弱小的自尊心）；後來住的地方有個小平台，
心想有地方唔好side,就開始買D花花草草嚟種，怖置下地方。
但草花多數一年生，季季買年年買會好肉痛；於是改種瓜瓜菜菜，心想种子平D又有得食。
看完花園仔老師及各花友的經驗分享，經過不斷嘗試，終於種得出幾條瓜、幾碟菜了。
雖然我種得唔係幾好，但我已經愛上咗種植，打破咗「到手就死」嘅宿命。

------------------------------------------------------

謝謝各位賞分。

以前住樓, 得個窗台, 冇咩種到, 只係種左一棵文竹, 種左兩年, 點知比我老公一個唔該, 襯我入醫院生B時, 送左比佢個當時4歲既甥仔, 只因甥仔一句"棵野好得意呀!", 激到我跳起~

後來搬左入村屋, 有D地方, 就開始買好多不同種類既植物返去種, 可惜買既時候冇問清楚特性之類, 全部擺哂出屋外哂, 自己又唔多理, 最後瓜哂~

直至2011年, 屋企附近開左一間小小花店, 見到一棵雞旦花, 終於又買左, 仲同花店老闆成日吹水, 買下買下, 又周圍都係喇, 有一日, 上網搵有關園藝既野, 無意中見到"香港園藝館"幾隻字, 入去睇下, 又好似幾好, 最重要係"香港", 同聲同氣, 咪加入玩下lor~

我依家終於的起心肝, 勤力d日日同d植物淋水, 成年喇, 大部份都安然無恙, 好開心~

係呢度我可以搵到好多種植既資料, 學到唔同植物用唔同既方法種植, 有時d花友仲會公享小苗同種子, 自已又學下人採種子發芽, 真係好有成功感架~ 仲可以同d花友吹下水, 開心之餘, 又學到野, 真係一舉兩得呀~

我加入園藝館這個大家庭是身痕想種很多靚花比自己，起初都唔知D花是什麼花，見佢咁鬼靚咪種下囉。有一天有意無意間發現了這網站，內裡有很多資料性的種植知識便立即登記做了會員。係依短短9個星期內由我不認識自己種緊什麼花已經認識了、不懂得什樣種植已經開始掌握了一點，由好幾棵花種到幾十棵花全賴園藝館花友無私的分享心得。除了係種植方面得益不少，最開心的是係9個星期內我認識了很多志同道合嘅花友使我獲益良多。現在上花網已經係我生活的一部份，每天上嚟睇下潛下水不知幾開心。

如有朋友見到我這帖而未登記做花友就唔好諗啦！立即行動吧！你會有意想不到的收獲。係真㗎la！

copyright by 帖 14 Sergio

我加入呢度快四個月了, 自小都喜歡種植同養小動物, 但因乜都容易上癮, 我喜歡電子, 電腦, 相機等, 自己係IT人,  除出街同訓教外都係對著電腦, 可以上網, 所以經常都去高登, 298, 鴨寮街之類, 因怕上癮所以盡量避免去花墟, 買的都是10多20蚊超市花, 本來並不多花種的, 但因搵植物資料無意中走到來園藝館, 自此可以不用一分一毫就可分享到花友的珍藏, 花種開始多了, 自然是覺得地方不夠用, 於是將重覆的花花送給花友, 如此就識了很多朋友, 很開心, 大家一齊分享種植心得, 又可以互相交換珍藏, 正是一舉數得, 最重要的是所費無幾(郵費同交通費),
所以都呼籲有意加盟的花友唔好再等啦, 火速登記啦, 真係好野來的


金剛  powergun 你好!我第一次見到有人分享植物都感到好開心同有種溫馨的感覺!
係呀, 但收到分享物後就有無形壓力, 萬一種唔到就浪費左人地一番心意, 雖然盡力想種生佢, 但有時未必天從人願的

tomtomtom  係有壓力，我一枝分享回來的大天鵝分3次插，就係驚死。終於好彩第三次成功咗。  
我都係咁做, 枝條, 走莖或球根, 可分的都盡分, 以減低風險, 但AV葉, 尤其是迷你形的, 真是超高難度

hugopoodle  "所以都呼籲有意加盟的花友唔好再等啦, 火速登記啦, 真係好野來的"呢句不妨bold大佢^^  
bold 大左啦

以前住大廈, 都有在窗邊種些小植物, 最初的 Rosemary 是在 City super 買了一盤特價品 (較正常的殘 d, 所以平 d), 沒有什麼知識, 只是依時淋水, 一種就種了幾年, 後來工作俞來俞忙, 幾乎連看一眼都無時間, 植物也一盤一盤的 bye bye 了, 只剩下一盤很細小的 Rosemary 插枝.  直到上一年, 生活上有些改變, 也搬了去村屋居住, 有一個陽光非常充足的大露臺, 就再次開始種植多些植物, 由於時間多了, 想植物種得好些就上網找相關資料, 無意間就來到這裡, 初時一直都只是觀看, 後來見有花友分享菜種, 就大胆問也想分享 (多謝 mirry), 這樣就開始了種瓜菜, 之後又參加了幾次園友的活動, 也認識了一些花友. 今年夏天到 Dick 哥處仲拉埋我老公一起, 他都不知幾喜歡Dick 哥那處的環境.

現在每天對住 d 植物, 整理它們就算做到大汗疊細汗都無所謂 (換轉是夏天行街出晒汗, 我就會好繃憎), 最近這兩星期因身體出現了些問題, 一出汗身體就會好唔舒服, 但是很多植物的事宜都不可以處理又令到個心唔舒服  

我種的以食得為主, 因為我地兩個都好為食. 閒時剪些香草煮嘢食, 唔錯 ga

hugopoodle  Sylvia, 很高興認識你~祝你身體快些康復, 種瓜得瓜, 種菜好收成~  
多謝你, 現在已好多了, 最差的情況時一邊面腫到似豬頭似. 也祝這裡所有朋友 "種瓜得瓜, 種菜好收成~".

金剛  csw_sylvia 你好!我也很喜歡香草^^因為香草色香俱全!種植如同親近大自然,令人心廣神怡!  
贊成你所說, 同時也因為我喜歡煮和食.

tomtomtom  你好，Dick哥處真是冇得頂。我都記得你先生個好雀躍嘅樣。
失禮晒 ~

我係一出世就睇公公種花...到大個.可能因為公公的原因.一直好種意花.
冇意間發現尼度.一入就4年幾.時間過得好多.

多年前(都唔記得幾耐), 我在花墟買左一棵蝴蝶蘭苗(呢隻係大膽嘗試... 之前都係種下鬱金香, 風信子, 百合, 三色堇之類), 點知亞媽話好難種...
我便上網搵資料, 就搵到嚟呢度(但當時都冇登記成會員...). 知到蝴蝶蘭的特性, 我就把她改用泥種, 經過一年時間, 終於開花, 但很失望. 因為同我揀的花色唔同...但我冇停止.
之後, 我一直都有種花, 蝴蝶蘭, 加多利亞, AV... 直到年頭見到有酢醬草同迷岩出售, 我才正式登記成為會員, 仲認識到一班志同道合我花友, 真你很高興認識大家!

金剛 你好.真係過好快

從小已喜歡種植。屋企種，公司種，始終只得一個人種，沒有同好。
偶然有朋友問我如何救活一棵垂死的捲柏，上網查資料是不二之選，從此就連繫了花網。
花網內除了大量的花草樹木，豐富的種植知識，還有花友們珍貴的情誼。
在花網快兩年了，無論在種植上及人生路上都有意想不到的成長。

如有朋友見到我這帖而未登記做花友就唔好諗啦！立即行動吧！你會有意想不到的收獲。係真架！
上句copyright by 帖 14 Sergio


re: hugopoodle__同意, 結識到志同道合的朋友, 令到種植日子不再孤獨
re: 金剛__謝謝, 互勉之, 加油


謝謝 金剛 malike 評分

我係係綱上搵到LEE個綱站,好多花友種好多唔同嘅野,好有趣,見到你地嘅成果,連自己睇都睇到好開心, 我種植嘅知識係貧乏,希望大家多多指教

2009年屋企有D空位，開始無意識咁種野，有成功有失敗，慢慢覺得唔可以再咁落去。舊年年中發現園藝館，最初追睇花園仔個帖，後來就發現喱度真係好多猛人！

種野樣樣要學，樣樣對我黎講都難：介質，水份，肥料，蟲害病毒， 好天晒，落雨淋，打風擔心

但係，但係

睇住D香草插枝長根長葉，睇住D種籽發芽長真葉長大，食自己種旣香草同菜，係好難用文子去形容個份開心同滿足 ！
上園藝館遇到D都係鐘意種野旣人，睇人地旣花，人地旣收成，人地旣失敗，交流學野或者齊齊哀悼吹水，又係好開心 ！
而家淨係掛住食，遲吓都會種花，因為睇住D花友D花開到咁靚好羨慕 ！都想一早起身飲杯茶賞吓花！

好同意園友tomtomtom話：看世界都不樣了，對泥土，時間，蟲蟲旣睇法唔同晒，係打開左一道大門！

金剛  yukyo 你好!當心念一轉世界自然就不同^^心如工畫師能畫諸世間!親切大自然令身心都健康!

金剛大大你好，我係鐘意睇畫架，但係自問心不如工畫師，睇見蟲蟲我個心念轉好多轉，要練定力

我自小都鐘意種植, 種過好多東西, 尤其係AV.  但因自小住公屋, 不能一次種太多植物!! 3年前搬入村屋, 開始越種越多, 仲越種越大棵
並開始從網上搜集種植資料, 機緣巧合下發現園藝館, 有野學又有野拎, 仲可以識朋友tim.....好開心ga

hugopoodle  而且呢度又附有其他版面, 如寵物, 煮嘢食, 攝影等等, 不知不覺又吸引我們培養其他興趣, 平衡大家平日繁忙的生活  發表於 昨天 21:08
係呀! 係呀! 我都有養狗仔, 又鐘意貓仔, 得閒會去睇下花友d寵物, 都好開心ga.  而且我都係响呢度學浸梅酒, 好正ga! 又見識都平時未見過嘅植物, 就算自己唔夠地方種, 睇下都開心

金剛  chanpyhilda 午安^^有同感啊!依度真係好好玩!未加入嘅,快d入會,親身感受吓依度嘅氣氛啦,haha  發表於 昨天 14:09
我都有介紹朋友入館ga, 但唔知佢地有冇入囉

劍狼  很高興認識你, 我都係av迷, 有機會交流下.  發表於 昨天 13:36
我依家少種AV喇, 因為唔想响屋企室內種野, 本來响公司種左好多, 但早前霸左嘅窗台位置, 被公司橺左位畀同事坐 .....D AV畀晒人啦


嘩! 嘩! 嘩! 多謝各位大大加分呀

屋企有個組合櫃裡面有個位對住冷氣機隔離隻窗,由唔知幾時開始就會放一盆植物係果到~
等屋企有d綠色野~~種過..好多,都唔記得有d咩lu~又唔會點打理佢地,就係死左一棵就換過一棵咁啦~
對上死左果棵係一棵檸檬薄荷,第一次死左棵植物有d好唔開心既感覺...
因為我買佢番黎果日,我暈左係條街到入左廠~~佢係e院陪我過左一個好悶+唔開心既夜晚~
所以佢死左特別傷感/-\"
之後男朋友見我死左棵植物咁唔開心, 就送左棵百里香比我~~
點知棵百里香番左黎幾日..就死左9成(死剩一條木質化的)..心諗今次一定唔可以再比佢死~~
於是就上網搵資料睇下應該點種, 無意中見到左"香港園藝館"(心諗~~原來香港都有園藝館)
跟住就梗係救番左棵百里香啦~ 仲1棵變6棵tim~~
真係好鐘意呢個forum~~~" 又可以搵到d種植資訊又可以分享唔同既植物番黎~
仲可以識到唔同既朋友~~ =]
初初諗住靜係會種香草..整整下中晒毒咁, av,貓貓,士多啤梨都有

多謝咁多位大大評分

tomtomtom  9.29見你講解得好清楚，好叻女  發表於 半小時前
多謝, 其實我本來咩都唔識~~ 講解既野都係係呢到學番黎

金剛  suki午安^^好開心聽到你嗰句 " 仲1棵變6棵tim~~" 嘩!妳很犀利呀)))  發表於 2 小時前
呢到d花友直頭係我d植物既恩人啦~~ 早排買左條橘子貓既枝條~~
番到黎越黎越dup, 半死狀態咁~~ 多得呢到既花友們教路~~唔單只救左果棵,剪出黎果條蟲蟲仲生多左2棵芽出黎

hugopoodle  929嗰日很高興認識你, 好多謝你的參與, 我覺得香草好難種, 所以你一定係植物恩人, 可以幫佢哋開枝散葉, 叻叻^^  發表於 昨天 21:12
唔洗客氣啦,果日玩得好開心!!=]  而家覺得香草比起花花最麻煩既地方就係只可以落有機肥, 但一落有機肥又野蚊滋/-\""
我可以幫佢地開枝散葉都係因為呢到既花友~~~^^

土豆貓  好開心識到你丫 SUKI 妹妹....  發表於 6 小時前
會長大人，nice to meet u 2~^^