"愛心城市種植活動^^歡迎新會員加入"

自細巳經鍾意種野，不過種親都唔大。                                                       
我好似係2007年中加入園藝館，係想搵d種蝴蝶蘭嘅資料, 搵搵下就入咗嚟!                                                       
果時我大住個肚,，仲約咗水母版主，分享(第一次種)喜蔭同花貓比我添!                                                        
之後好似中咗毒，最多種到成200盆，好在係迷岩咋!
呢幾年都識咗唔少花友,，交流中都學到唔少知識。                                                       
                                               

自小喜歡種植物, 大多是觀賞植物, 最早期是種AV, 不過無深入研究點樣種, 死傷無數, 到近兩年再種番AV就比心機栽種, 上網搜尋資料, 跟住就發現呢樹, 園藝網給我好多資訊, 呢樹既網友又好好, 好nice, 大家又可以交換植物, 葉子, 將綠色植物繁植落去~
最重要係望見綠色植物心情會好好多, 又可以減壓~
好高興認識你地...

我也很高興認識你^^有空多多交流! ~多謝金剛~
係呀, 呢度嘅花友好好~係一個很好的互動平台~相信都好難搵到一個咁好既地方~
多謝幾位大大賞分~

Hahaha! 金剛你不斷變身, 係咪想做百變金剛

我的故事應該由一粒木綿花種子說起, 大約兩年多前, 一次到宋王臺公園, 見到很多木綿花飄到地上, 拾起一小部份種子回家種, 沒想到竟然會生長, 原來它真是有生命的, 太神奇了,  自己又再用沙田柚核, 龍眼核種, 原來這些都可以有東西種到出來的

之後走到花墟買了一棵水種觀意蓮, 起初照樣用水種, 種到它有點不妥, 只剩下一塊葉, 唯有用泥種, 不久, 它竟像火鳳凰般重生, 生下又多一塊葉, 生下又多一塊, 太頑強了

不久後, 無意中在YAHOO 搜尋HKPLANTS 這個網站, 起初都只是望望, 後來在日本城見到一棵銅錢草, 真是很可愛, 但自己又不捨得用錢買, 於是上HKPLANTS, 膽粗粗, 問人可否分享銅錢草給我, 竟然有人願意送給我,
另外, 自己也有些朋友送了一些種子或幼苗給我, 種種下, 自己有些悶, 棄掉又可惜, 之後便將一些種子和幼苗分享給其他花友, 自己又可有位置種其他新的植物, 遇到不懂種的地方, 花友又會說出他種植的心得,

因為自己的不足和初學者, 自己去了HK政府所辦的園藝班, 去了LIBRARY 借一些關於植物的書, 令我了解到植物的一些知識, 什麼頂芽, 側芽, 葉子會流汗…. (對植物了解多些, 對種植也有幫助) , 同一時間, 亦走去認識野外和公園裏的植物, 因為有植物, 才有昆蟲, 蝴蝶, 動物, …生態多樣化, 人類的中藥, 護膚品, 茶葉… 生活很多的一切一切都和植物有關,

前陣子, 颱風的吹襲令很多樹木倒塌, 很多古樹沒有了, 有些心痛, 見到公園或街邊的樹木, 只用一些有限的地方種植, 對植物起碼的尊重都沒有, 有些可惜, 心痛

似乎扯得太遠了, 大自然真是很奇妙, 就讓我們一起為這個地球增加多些綠色吧

自己家不是太大, 種了些香草, 有得食又有得玩, 很開心,

碰巧HKPLANTS 十週年, 做了這個”愛心城市種植”的活動, 覺得很有意義, 只可惜, 自己家不大, 不能幫手培植植物, 自己錢又不多, 唯有出力, 做運輸組, 幸好, 當天不是太多東西要搬運, 希望大家多多包涵

maijai 發表於 2012-10-3 21:14
Hello, 你們好呀！我是在日本某一角生活，當初只是種花玩玩的，因為這裡的東西質素太好，隨便買包泥一些花 ...

金剛  maijai 你好!有緣千里能相會!惜福惜緣，感恩!  
係呀！緣份是好奇妙，大家都要有個心，才成事
〜〜〜〜〜〜〜〜〜〜〜〜〜〜〜〜〜〜〜〜〜〜〜〜〜〜〜
michele1004  日夲朋友有種櫻花嗎？要加油
沒有種櫻花，難道咁高，大家努力XD
〜〜〜〜〜〜〜〜〜〜〜〜〜〜〜〜〜〜〜〜〜〜〜〜〜〜〜
tomtomtom  maijai 寄了日本種子來分享呢，全部派完了  
麻煩你啦！希望收到種子的朋友，成功
〜〜〜〜〜〜〜〜〜〜〜〜〜〜〜〜〜〜〜〜〜〜〜〜〜〜〜
hugopoodle  原來這裡有來自遠方日本的朋友, 歡迎你呀~遲些給我們介紹一下日本特別的種植品種和售賣地點啦~因為很多花友都鍾意旅行時搜尋種植珍品~  
多謝呀香港朋友， 有機會一定一定。
〜〜〜〜〜〜〜〜〜〜〜〜〜〜〜〜〜〜〜〜〜〜〜〜〜〜〜
土豆貓  日本朋友仔, 歡迎你加入...  
多謝，以後唔好捉我呢隻美奇喎
〜〜〜〜〜〜〜〜〜〜〜〜〜〜〜〜〜〜〜〜〜〜〜〜〜〜〜
還有多謝加分給我的園友

我另一個原因開始學耕種是因為少做運動，只管埋頭工作，每天工作超過10小時工作壓力好大。小肚腩已走了出來，骨頭亦响起警號。醫生亦warning 一定要做運動。於是咪"的"起心肝選擇了做假日農夫，現在社區園圃個5尺x5尺嘅小小方田未能夠我玩，我希望可以揾到100-200尺嘅田可租

好高興响哩度認識到咁多種植界高人
自2010 - 5 月, 因大病初癒, "適" 字緣於舒適, 又未痊癒, 為之 " 少少"
閒來無事, 網遊中草藥資料, 無意間誤入本館 ( 我係100%電腦白痴 )
對館內各高手的種植心得, 簡直拜服, 當中熱愛程度遠勝過出身於耕稼的我
本來已放下泥耙 30 多年的我, 又再重燃耕種的慾念,
可惜種菜知識已經忘記得一乾二淨,  依家屬於 百分百 初哥了

多謝各位花友比分!

hugopoodle  很高興認識你呀, celia~
我都好高興認識你呀!

tomtomtom  你好，我們在海盜團見過面的，多多指教
Hi 你好呀! 不過我唔記得邊個係你囉!

金剛  celiaw午安^^原來你係第一期同學^^師姐真的很高興認識你,金剛合＋
我都好高興認識你呀! 你種野咁叻, 真係要向師兄你多D學習! celiaw 合十

我好簡單,只是網上亂打亂揰嚟到咖!!!!!!

Hi 你哋好！

幾年前開始跟啲朋友去行山，見到山邊啲花花草草好靚，同啲朋友成日都講話影底啲花草，得閒就查下是什麼花草...講咗三幾年，然後上年年尾終於的起心肝登記咗，就貼相到球根植物版問了（好多謝Kuno的解答^^)

很喜歡這裡是因為這裏有很多種植資料，還有就是見到網友們也很樂意的解答問題。如果現在有朋友問有關種植問題，都會叫佢哋上來這裏搵下資料。

*其實，第一次搵到香港園藝館係因為係賓賓見到盆葡萄風信子好鐘意，然後問啲員工點種，佢就用啲唔係幾好嘅態度回答。最後花還是買了，就係唔忿氣，所以在網上查資料，跟著就和大家一樣第一次接觸了園藝館了（又是球根植物版^^），不過，那時還沒有登記。

大家好﹐我剛跟朋友學習種菜﹐以後會常麻煩各位指點

應靚靚花友嘅邀請,等我又分享吓我和香港園藝館嘅緣份啦:

和很多花友一樣,自細就鍾意種花,記得細個間屋裝修嗰時我叫爸爸整個花架俾我(嗰時邊個理僭建唔僭建吖!),就咁就開始咗我嘅種植嗜好,咁多年都是亂種一餐,都沒甚麼深究,不論過年嘅吉仔,菊花,街市買嘅生花生,食完嘅橙核, 還有祖母成日剪些新鮮龍脷葉煲嘅湯...

直至幾年前在花墟買咗盤發叔的數字花AV,跟住開始在網上 search 起非洲紫羅蘭來, 看見園藝館的花花圖片, 從此就與園藝館結下不解緣了!

還記得我的第一棵迷岩係 AJ Kiss 大大分享的. 還認識了一班元老級的花友 大大, 雖然有些花友已經沒有在這裡出沒, 有些又另起爐灶, 有些又因為跟其他花友吵架一走了之, 其實園藝館就像一個社會嘅小縮影, 不同的人和事, 仲有大大小小嘅義賣慈善和鎮災籌款. 不知不覺原來園藝館已經融入你我嘅生活中了! 雖然園藝館會員新舊交替,來來回回, 我始終相信喜歡大自然和種植活動嘅人一定唔會壞得去邊嘅! 很開心藉著今次愛心分享活動又看見一班熱心又出心出力嘅新舊會員.  多謝晒你哋呀! 加油呀各位!

tomtomtom  eric 兄，好高興認識你，以後大家多交流。燒菠蘿好味  發表於 5 小時前

haha.. nice to meet you !! 下次又再玩吓! 食吓! 開心吓!!

金剛  eric兄^^你好!下次一齊燒埋棉花糖  發表於 18 分

好哇！正呀！ 睇嚟好快又有活動喇！ yeah!

大家好，平時都有種開紫羅蘭，同事介紹我這個網站的。真係大開眼界。

桃仔你好。　

謝謝各位的加分。

應靚靚花友嘅邀請,我都分享一下同香港園藝館嘅緣份:

同呢度好多花友一樣,細細個就對種花種草有莫大概興趣, 小學時, 屋企唔大, 成員又多, 真係寸金尺土, 根本無唸過可以係屋企種野, 但成日唔覺意係街"掹"D野花野草返屋企種, 爸媽知道都無責怪, 後來媽媽仲買左我人生既第一次既盆栽比我: "篇"柏同芙蓉, 爸爸又係窗口僭建左個花架比我, 自此已開始種植. 之後將食過既果核有理無理都埋係泥裡面, 所以都種過唔少果樹... 苗架.  (棵"篇"柏種左十幾年後,  因太大又太老, 在搬家時, 削剩樹幹,在新家看門口, 到依家仲係媽媽家大門頂!)

又愛種植又愛大自然既我, 一直鍾意行山, 早幾年行後山, 撞到一D山友, 佢地係棵大樹下摘野果, 好奇心下一問, 佢地話D野果有咩好, 有咩用等等, 因為我又對中草藥有興趣, 就上網唸住搵資料LOR, 機緣巧合下, 係網上見到呢個網站, 睇完之後, 好似發現新大陸咁, 雖然都成日行花墟, 但園藝館好多花草樹木我都未見過或者唔知佢地既名, 網上分享對我呢講真係好新奇, 係咁就加入左園藝館, 當時係2009年.  搵番資料, 第一次分享比我既人係"黃臉婆", 因為第一次, 有好多蝦碌野發生, 多謝黃靚靚既大方, 令我有一個開心滿足既開始.... 因為太新奇, 開始時都分享左好多從未接觸過既新品種, 例如碰碰香, 倒手香, 花貓, 迷岩... 太多太多, 時至依家, 我家既露台已經種滿晒不同種類既植物, 可食用既植物佔太多數...  在此亦衷心多謝曾經分享過植物比我既人.

參與愛心城市活動係因為想略盡綿力, 支持呢度既花友!

lameric 發表於 2012-10-7 00:47
應靚靚花友嘅邀請,等我又分享吓我和香港園藝館嘅緣份啦:

和很多花友一樣,自細就鍾意種花,記得細個間屋裝修 ...

lameric大大, 很高興認識你, 謝謝你在愛心城市種植活動的幫忙
多謝你經歷園藝館的變化也留守在這裡~
呢度有很多好人好事, 只要大家都懷著感恩的心分享和接受, 別人的種種都是他們自己的選擇
所以大家繼續要發放更多正能量, 但同時也要有空間讓大家自由表達各種意見
曾經有經驗花友和我分享過, 園藝館有點青黃不接的情況
所以你們這些有份量的高手們, 要多多提點我們一班好學的後輩呀~~

lameric  嘩！不敢當！其實花友當中有很多專家，我只係hea住玩。總之大家各色其色，各取所需，自得其樂。開心便是王道啦！
同意, 最緊要開心~

我都唔記得典樣入左尼依個香港園藝館. 不過我每天都要上尼睇下. 須然我已經移民返左國內居住,不過我每月都會返香港住幾日. 香港園藝館系我每日必到既網站,不過好多時我淨系睇好少出聲.,曾在這裡分享到一些種子及小苗, 我也有在這平台分享我的種子給花友, 這裡的花友好友善.

xiaobing 發表於 2012-10-6 23:11
大家好﹐我剛跟朋友學習種菜﹐以後會常麻煩各位指點

剛在田裡回來﹐我一直都是處於拔草狀態

新花友﹐進來打個招呼

我係馬來西亞人，所以由細時都已經開始接觸種植，細時爸爸有種好多種果樹，種過西瓜辣椒。媽媽係屋後亦種過好多花花草草。爸爸依家都有種豆角同節瓜 ~

可能係咁自己都喜歡種植，係1992 在馬來西亞的我瘋狂的愛上仙人掌，種到整個前院都是仙人掌。之後99年要去英國，將仙人掌送曬俾人，自己停了種植。

2002年係屋企地方許可下，又再開始係英國瘋狂的愛上各類花，整個後院都種了吊鐘花，芍藥，茶花 & 大理花 ~ 03年因突發事件，又要放下鍾愛的花，回了馬來西亞，又再一次停了我的愛好!

2012年7月21日 在嫁來香港的第三年我搬入一間村屋，見到這個天台，我想我又要瘋狂了 。這一次的對象應該是可以吃的 ！！不過相信應該不會太瘋狂的，因為種瓜菜類難度大很多，在這裡看了很多大師的帖子，看到有很多病蟲害的問題，而我是個怕蟲的人，所以都沒可以種太多 ~

就係要搬o黎村屋前，我係網上搵關於種植的問題，就好幸運地搵到依個網站，係依度識到好好嘅花友，多謝金剛送了一塊薑花苗給我，依家佢出了好幾張葉！仲要多謝其他花友分享的種子，雖然到依家我的種植都唔係好成功，但我會繼續努力希望有一日可以有多啲收成，可以分享俾我嘅老爺奶奶一齊食~

最後9.29嘅活動，知道我的瘦瘦金魚花都有人帶回家，真係好開心 ！


多謝各位嘅賞分

週日農夫  對了，你住邊區？  發表於 10 小時前  我住係八鄉

週日農夫  很羡慕你有個天台可以種自己想種的  發表於 10 小時前   個天台就係吸引我搬入o黎嘅最大原因 :p ~

tomtomtom  我記得你! 你的天台好靚，post 多點相上來吧!  發表於 昨天 23:37 我會繼續post相，希望有問題嘅時候，可以有高人指教 !

hugopoodle  929當日, 你分享的金魚花很快就被掃清了, 你的種植經歷很特別, 不同種植環境可以種不同植物, 遲些一定要請教你種多肉的心得^^  發表於 昨天 22:52 哈哈，種仙人掌果段已經係歷史，當時覺得好似無乜難度，依家諗返起，唔知係咪果度嘅天氣好啱 !

週日農夫 發表於 2012-10-7 14:48
新花友﹐進來打個招呼

頭像是秋葵
是朋友種的，其實我是這幾個月學種菜
才第一次知道有秋葵這種食物
我收咗幾棵.
好像回覆弄錯了位置