本帖最後由 JicJicmom 於 2010-8-30 22:58 編輯
回復 12857# 花園仔
=====================================================
積媽,
哦, 生菜發芽期間遇到生長障礙對佢日後生長肯定差啲架罅!
好似陽光唔夠養份唔足噉, 苗苗會奀之之長了了嘅,
噉樣最初啲真葉會容易躂體泥面, 隨時會腐爛枯死架,
所以需要日後同佢做多啲補救工作嘞, 尤其是水份控制, 肥料供應....
都要俾正常情況育苗嘅植株付出較多工作量囉, 一般都問題唔大嘅, 人一樣啫!
至於授粉會唔會被雨水冲走, 我諗會架! 授粉過程又唔係通電, 一通就OK嘅,
佢係經媒介將公花啲花粉直接灑落乸花嘅柱頭度,
柱頭位體子房嘅尖端會接受花粉粒完成授粉過程,
整個過程完美並維持一定時間先至决定授粉成唔成功嘅,
噉啲花粉粘付體乸花柱頭度體過程中俾外力好似雨水噉冲走破壞,
授粉嘅整個工程咪瓦解咗囉!
雨天啲花粉濕淋淋或都會被冲走啦, 蜂蜂都懶得去採蜜囉,
所以陽光普照嘅日子公花特別多, 落雨天會少啲嘅, 開多啲都冇用啦!
我會體稀少或罕有嘅情況中授粉時, 做多少少嘢架!
預算大雨來臨前, 會體授粉位置頂上加蓋防雨透明膠片,
或用防水薄膠袋套住做咗授粉工作嘅乸花, 當然個膠袋梗係透氣架啦!
自花授粉嘅<本地中型指天椒>體花開時遇上大雨,
我都會體佢頂上加上防雨透明膠片, 所以授粉成功率高好多架!
=====================================================
老師晚上好 !
呀.....好彩問一問老師意見咋 ! 成日以為落雨好發達,唔使淋水,慳水又慳力, 原來咁就瀨哂野囉.....我本來有成5,6條吹波節瓜, 就係星期六0既大雨, 而家得番3條.
原來落雨時, 個別植物都係要避雨架, 我明白喇老師 ! 日後響瓜類種植上, 要想一想計仔了.
至於沙律菜苗, 我會加多留意架喇, 而家放左佢響花棚下面, 希望呢幾個星期平安過渡, 我亦會留意老師0既溫馨提示喇 ~
積媽0既菜架已經砌起左, 今年可以種好多沙律菜呢 ~~ |