回復 12856# JicJicmom
老師好 ! 積媽有D問題想請教一下老師 ( 可能幾蠢下,希望老師唔好見怪呀.....)
如果好似我而家下左種0既生菜, 響佢發芽期遇到生長障礙 ( 即係熱得滯呀.... 濕得滯呀 ..... 唔夠營養呀咁) 佢以後會唔會生長得無咁好, 好似人地健康底子打得唔好咁 ? 後天補得番嘛 ?
另外一個問題係授粉問題喇.... (好似有點兒蠢.... 但我真係諗緊關唔關事..... )
如果瓜瓜果果響人工授粉後 , 遇到大雨/大水, 會唔會沖走左D花粉, 令佢授粉不成功架? 我有隻吹波節瓜就係咁喇..... 明明授左粉, 後來下大雨, 而家黃左了......
麻煩老師指教喇 ! 唔該哂呀 ~~~
=====================================================
積媽,
哦, 生菜發芽期間遇到生長障礙對佢日後生長肯定差啲架罅!
好似陽光唔夠養份唔足噉, 苗苗會奀之之長了了嘅,
噉樣最初啲真葉會容易躂體泥面, 隨時會腐爛枯死架,
所以需要日後同佢做多啲補救工作嘞, 尤其是水份控制, 肥料供應....
都要俾正常情況育苗嘅植株付出較多工作量囉, 一般都問題唔大嘅, 人一樣啫!
至於授粉會唔會被雨水冲走, 我諗會架! 授粉過程又唔係通電, 一通就OK嘅,
佢係經媒介將公花啲花粉直接灑落乸花嘅柱頭度,
柱頭位體子房嘅尖端會接受花粉粒完成授粉過程,
整個過程完美並維持一定時間先至决定授粉成唔成功嘅,
噉啲花粉粘付體乸花柱頭度體過程中俾外力好似雨水噉冲走破壞,
授粉嘅整個工程咪瓦解咗囉!
雨天啲花粉濕淋淋或都會被冲走啦, 蜂蜂都懶得去採蜜囉,
所以陽光普照嘅日子公花特別多, 落雨天會少啲嘅, 開多啲都冇用啦!
我會體稀少或罕有嘅情況中授粉時, 做多少少嘢架!
預算大雨來臨前, 會體授粉位置頂上加蓋防雨透明膠片,
或用防水薄膠袋套住做咗授粉工作嘅乸花, 當然個膠袋梗係透氣架啦!
自花授粉嘅<本地中型指天椒>體花開時遇上大雨,
我都會體佢頂上加上防雨透明膠片, 所以授粉成功率高好多架!
|