乜都種吓嘅花園仔

吉祥,  joycewsm,  Mill, 新仔, 大８公及大家好!

吉祥,
茄子可以好大棵架, 我而家種體盤嗰棵成4呎幾高,
種體菜池嗰啲成5呎高呀, 第日用個大啲嘅盤黎種啦,
茄子大棵橫丫多 -- 茄子多呀!

joycewsm,
繼續努力!  

Mill,
淺薄嘅苗盤體露地培苗係好高難度架,
佢要抵受得住猛烈陽光, 狂風大雨, 雀鳥啄食....嘅環境至得啵!
我建議加個小蓋裝上遮光網或防雀網....穩陣啲囉!

新仔,
我諗可能係種籽基因異變或返祖現象都有可能卦, 嘻嘻!
  
大８公,
你個架都做得幾四正吖,
最好得閒整埋防蟲網罩嘞,
因為秋天點都會種啲菜菜架, 蝶蝶多呀!

棵<洛神花>越黎越大林, 貪靚之過 -- 用個(約10號)陶盤黎種,
而家成日缺水, 搞到預着大太陽就頭耷耷....
冇計啦, 醜醜地都要整翻個補水器俾佢架!



順便提吓啫:

因為種體龍缸度而且種得密,
所以每棵粟米只係留一舊咋!

回覆老師:
我呢排咳到癡肺,
昨日摘左啲<龍脷葉>加一個蘋果一粒蜜棗煲水飲,3碗水煲剩1碗,入口甜美.非常好飲,止咳似乎有些效應,條氣順暢D,

呢段時間我對各種香草做咗啲嘢囉!

將各種薄荷做咗更新嘅動作!

食用嘅普通綠薄荷反曬盤 -- 重新種過仲靚啦!

回復 12787# 下午茶
回覆老師:
我呢排咳到癡肺,
昨日摘左啲<龍脷葉>加一個蘋果一粒蜜棗煲水飲,3碗水煲剩1碗,入口甜美.非常好飲,止咳似乎有些效應,條氣順暢D,
==========================================

你好!
噉咪好囉!
如果平時注意作息飲食, 保養好啲點會咁易咳吖!
呢啲湯水我當下午茶飲架咋,
當然梗係唔會求其乜嘢蘋果蜜棗都加落去就算架啦,
揾啲特別香噴噴嘅蘋果, 甜滋滋嘅蜜棗落去煲至正架! 嘻嘻!

吉祥,  joycewsm,  Mill, 新仔, 大８公及大家好!

吉祥,
茄子可以好大棵架, 我而家種體盤嗰棵成4呎幾高,
...
花園仔 發表於 2010-8-21 20:42

    搵到邊度買就會加啦,而家只種左DDDD野add7icon

講緊香草....

唔怕天氣仲咁熱, 我落咗百里香種籽架罅!
仲為盤種緊嘅更新添 -- 插過啲新枝囉!

係呀, 呢棑插枝栽種咗盤濃味嘅泰國金不換, 羅勒囉!

浸水4日出根, 根住落盤, 好快就:

我見到啲雀雀就頭大嘞, 咪搞, 笠翻個網先!

沙律生菜及蕃茄出咗芽後俾佢曬吓大太陽啫!

韭菜池度嘅<雷公鑿苦瓜>苗

<無花果>越黎越大棵, 睇黎遲早都要整個補水器佢嘆吓架嘞!

晚安!

老師,你棵無花果真你好靚,我棵無花果下邊的葉全部脫落了,原因不明 ?

老師食用嘅普通綠薄荷反曬盤,之後你又會怎處理呢？
我全部香草都好樣衰呀．．．．．．．

多謝老師

我終於成功左個補水器，之前真係唔知自己做乜會攪唔惦。
發覺加左補水器，苦瓜好似大得快左，可能之前真係唔多夠水。

老師午安！
啲種子真係唔係好發到。呢個星期日收田囉。我都係向屋企培苗。
原本啲茄子想唔留下期。但呢兩盆茄子星期六見佢出咗啲側芽，我想留下期再種。唔知得唔得呢？如留得，要點修剪移落盆呢？

回復 12796# mono

老師午安！
啲種子真係唔係好發到。呢個星期日收田囉。我都係向屋企培苗。
原本啲茄子想唔留下期。但呢兩盆茄子星期六見佢出咗啲側芽，
我想留下期再種。唔知得唔得呢？如留得，要點修剪移落盆呢？
====================================

Mill及大家好!

咁大棵先移盤梗係有啲難度啦!
橫豎唔移就淘汰架嘞, 咪大刀闊斧試吓囉!
先修剪多出枝條, 離主莖遠啲(按所用新盤直徑)用鏟直插挖出,
千祈唔好傷到主根, 移盤後唔好曝曬, 保持泥土濕潤, 過幾日等新葉續生就掂嘞!

回復 12794# soy
老師食用嘅普通綠薄荷反曬盤,之後你又會怎處理呢？
我全部香草都好樣衰呀．．．．．．．
==============================

蛙太好!
重新用新泥, 揾幾支粗壯靚新根插回泥土內,
唔使幾耐佢會猛標新芽架嘞! 插入嫩枝條亦OK架!

香草好易種, 唔使咁緊張佢架!
呢棑點種都好易生長得好!
太熱太曬咪做翻少少嘢囉,
好似加塊遮光網, 唔好俾啲泥乾争争....

回復 12793# 下午茶
老師,你棵無花果真你好靚,我棵無花果下邊的葉全部脫落了,原因不明 ?
=====================================

你好!
直覺明顯唔夠養份啵!
葉柄太長及色澤淺白,
應俾翻多啲磷氮肥佢嘆吓啦!
剩係谷果冇用格, 都要棵嘢壯碩啲至得架!

回復 12795# cklife

多謝老師

我終於成功左個補水器，之前真係唔知自己做乜會攪唔惦。
發覺加左補水器，苦瓜好似大得快左，可能之前真係唔多夠水。
==================================

CK好!
唔使客氣!
足水個瓜瓜先至膨大架!