乜都種吓嘅花園仔

嘩! 我好少咁夜架, 两三分鐘幾十個點閱喎! -- 你地係邊個亞! 嘻嘻!

有次體好聞名嘅食店用饍, 蒸魚上黎....
我問經理佢地嘅蔥係唔係由指定農場供應嘅特定品種呢?
佢呆咗!

至愛蒸魚用香噴噴嘅蔥蔥又黎罅!

<雷公鑿>話我黎嗱!

泰國橙色中型尖椒有花花囉!

噉梗係唔及得<本地中型指天椒>咁高產啦!

剪到光禿禿嘅桑樹!

體有過濾系统嘅池度啲<水芙蓉>顯得好單薄啵!

<木瓜>都要笠袋! 使唔使咁誇張亞?
我要佢地一啲窿仔都冇吖馬! -- 送禮用架!

回復 12822# 花園仔

<雷公鑿>話我黎嗱!
----------------------------
老師點解要用菲菜圍住佢既...驅蟲呀?我個棵死左啦...

老師, 2天前用紙巾發茄子種子, 好快佢就出左隻芽，想問下依家係咪要將轉入泥種，定係等下先?

請老師,E D 對植物有無影響呀?

回復 12830# grand


    我d泥土都有好多這種蝸牛仔,日日都捉好多隻..

回復 12819# 花園仔
你好!
我嗰棵<無花果>同你一樣結完果後現在猛標新芽及長葉呢!
佢嘅莖條體新葉腋下都有似長果嘅小粒格, 但總唔見佢膨大嘅,
我就唔會理佢嘞 -- 即係唔會特登谷鉀肥俾佢架, 原因係唔想佢出果住,
認為佢嘅長果期係體12月後呢(我嗰棵咋!), 唔使心急,
所以要體11月至谷啲鉀肥俾佢囉, 現在主要落磷氮肥, 等佢長吓樹身先,
當發現樹體生長開始緩慢落黎時先至改變施肥策略嘅!
雖然都係<無花果>啫, 但每個品種都有佢嘅特性格, 自己執生啦!
=============================================
老師: 明白!! 是否結果, 那就順其自然, 先等佢長吓樹身,當生長開始緩慢, 先至俾佢鉀肥

回復 12828# Nancy
老師點解要用菲菜圍住佢既...驅蟲呀?我個棵死左啦...
============================

Nancy及大家好!

將<雷公鑿>種體韭菜池度係冇特定原因嘅!
我通常會將同一品種植物種體唔同環境嘅地方架!

回復 12829# ammonch
老師, 2天前用紙巾發茄子種子, 好快佢就出左隻芽，想問下依家係咪要將轉入泥種，定係等下先?
===========================================

你好!
只要出得芽仔就表示粒種籽OK啦!
我會盡快移種體育苗盤或種植現場架!
因為當芽仔越長就越容易損壞, 不而快啲移種仲安全啦!

嗱! 呢粒<雷公鑿>都係用紙巾發芽後立即移落地上架!
佢嘅主根立刻爸爸聲伸入泥土內囉!

回復 12830# grand
請老師,E D 對植物有無影響  

回復 12831# 小巫
我d泥土都有好多這種蝸牛仔,日日都捉好多隻..
===============================

grand及小巫,

呢啲螺仔梗係唔好嘢啦!
我有啲植地都有呢啲螺仔出現, 數量都好多架!
每日快手執曬佢走, 冇幾耐就唔見佢地出現嘞!
再見咪再執囉, 唔想用藥吖馬!

老師...晚安!
我想請教一下 "夜香花" 同 "百里香" 而家適合插枝嗎?>??

回復 12836# BTG_CARMEN
老師...晚安!
我想請教一下 "夜香花" 同 "百里香" 而家適合插枝嗎?>??
==================================

你好!

<夜香花>嘅花季即將完畢, 我認為明年春季插枝夏季開花最正!
你想快啲插枝都可以嘅!

<百里香>最好過咗中秋至插枝, 因為天氣太熱嘞!
如果有特別配置又唔同噉講啦!

回復 12837# 花園仔
唔...咁即係 "夜香花" 唔好插枝住...照淋水同施肥...直至春天至再插枝...係嗎??
至於百里香...我又邊有老師咁多配置丫...都係過左中秋先啦...

係勒...多口問句...秋播係唔係過左中秋至播種較好呢??我種o既都只係蕃茄,粟米,茄子,菜芯,生菜等等...

回復 12838# BTG_CARMEN
回復 12837# 花園仔
唔...咁即係 "夜香花" 唔好插枝住...照淋水同施肥...直至春天至再插枝...係嗎??
至於百里香...我又邊有老師咁多配置丫...都係過左中秋先啦...

係勒...多口問句...秋播係唔係過左中秋至播種較好呢??我種o既都只係蕃茄,粟米,茄子,菜芯,生菜等等...
=======================================

夜香花體冬季會落葉架, 到春天又大發嘞!
想明年多花咪落葉前俾多啲肥佢過冬囉!
落葉後將殘枝弱枝大刀闊斧剪走,
到咗第年春天就枝葉茂盛, 夏天即花開富貴啦!

天氣穩定涼啲至插百里香啦, 三十幾度忍吓手先囉!

秋播即係秋涼至播啦, 如果唔涼秋天都冇用啦!
噉過咗中秋咪穩定涼啲啦, 到時大多種類都適合嘞!

蕃茄, 粟米及茄子而家都OK, 菜心及生菜就遲啲啦!

我的蕃茄出真葉洛而沙律生菜發芽率極低呢! -- 天氣唔穩定之故也!

回復 12839# 花園仔
我仲以為立秋後就可以秋播....多謝名師指點!!