乜都種吓嘅花園仔

早呀老師早呀各位,
老師指導埋啲車前草、龍利,傘房花耳草等食療,相信大家又一窩蜂搵呢啲野種喇,呵呵!!

係囉!
早前,花友來o既: 女貞子同杜仲都未種
都是時間試種囉

回復 12762# Nancy

老師, 咁...小朋友飲唔飲得嫁?好似好好咁喎....
==========================
Nancy及大家好!
當然飲得啦! 我分享嘅係最簡單做法啫,
因應唔同人嘅體質情況, 網上仲有大把唔同嘅配合架!
我自己就鍾意簡單配方, 原因係減低藥性倚賴,
令個人嘅自我抵抗能力發揮出黎達到抗病效果!
所以我以自種嘅草本藥用植物服用係作保健作用架咋!

回復 12763# cklife
多謝老師既健康資訊，依家先知龍脷葉只係治熱咳，等我仲怪佢無用添....
原來係自己唔對症...
==============================

CK好!
我認為<龍脷葉>對熱咳功效好啲, 如增添其他配置效果自有唔同反應嘅!
我分享嘅簡單配方的確對熱咳有用, 但我覺得用佢作平時保健湯水較為適合呢!

回復 12764# muitau
早呀老師早呀各位,
老師指導埋啲車前草、龍利,傘房花耳草等食療,相信大家又一窩蜂搵呢啲野種喇,呵呵!!
===============================================

妹頭好!
指乜導吖! 我都係見壇上網友發問先挑起條筋講吓啫!

其實人最寶貴係健康, 平時注意吓生活習慣同飲食,
按照自己身體屬性間中煲啲保健飲品調養吓,
日子有功, 自身機能產生嘅抗病力會更強,
咁就大病不侵, 小病不入囉! 嘻嘻!

最唔好就係亂食嘢冇節制, 人整乜食乜都照跟....
有時都要睇吓自己受唔受得至得架!
嗰啲垃圾食品害死人架, 唉! 唔想講咁多嘞!
總之女網友們小心啲啦! OK!

回復 12765# llaus

係囉!
早前,花友來o既: 女貞子同杜仲都未種
都是時間試種囉
=========================

蛙蛙好!

你有條件梗係要種多啲品種啦! 嘻嘻!

我地呢度受制於種植環境及條件....
琴日落咗啲種籽:
两種百里香
两種蕃茄
沙律生菜
白花蛇舌草(試)

哈哈! 今朝又見....  

剛剛摘嘅! 証明係因為朵花授粉後, 花托係完全打開曬架!
所以個瓜瓜越來越大時, 冇刮花個茄子表面囉! -- 笑話咋!

積媽嘅<布袋蓮>好靚!
我就日日都有花開!

琴日(缸)
今早(池)

積媽嘅<韭菜>就黎開花囉!

我嗰啲冇咁快....

三種唔同品種嘅通菜

回復  吉祥
花老師你好...你D茄子好靚呀..睇到都好想食呀...
我D茄子種左兩個幾月都係得1呎倒咋..大得好慢 ...
花園仔 發表於 2010-7-28 18:44

花老師早晨呀~~
上次得你指導,我同棵茄子落左氮磷肥,跟住D葉就不受控咁生得好大呀,但我見枝葉好似好稀疏咁,我係咪要摘頂呀..定係因為我個盤太細呢?

回復 12770# 花園仔
剛剛摘嘅! 証明係因為朵花授粉後, 花托係完全打開曬架!
所以個瓜瓜越來越大時, 冇刮花個茄子表面囉! -- 笑話咋!
===============================
老師早！我個啲始終都係無老師個啲咁大咁靚。

回復 12774# 吉祥
花老師早晨呀~~
上次得你指導,我同棵茄子落左氮磷肥,跟住D葉就不受控咁生得好大呀,但我見枝葉好似好稀疏咁,
我係咪要摘頂呀..定係因為我個盤太細呢?
=======================================

吉祥及大家好!

茄子嘅橫丫係體葉柄與莖之間生出黎嘅,
即葉越多橫丫就越多, 你棵茄子啲葉大塊啫, 唔係葉多啵!
我認為俾佢長高啲, 達至枝葉茂盛嘅境界先講開花結果啦!
使乜急啵, 茄子壽命咁長!
我唔鍾意摘頂嘅! 點解要摘頂先? 棵嘢有冇摘頂嘅條件先?
仲有, 你盤茄子個盤係幾號盤亞, 陽光夠唔夠呢?

回復 12775# mono

老師早！我個啲始終都係無老師個啲咁大咁靚。
==========================

Mill好!

你啲茄子都好靚啵! (冇彎形及花皮)
茄子千祈唔好老先摘, 趁嫩至靚及柔軟好食架! 當茄子停止膨大時就摘得, 大細唔緊要架!
遲咗個瓜瓜變得實骨骨, 顏色暗啞, 瓜訂蓋轉啡褐就唔靚仔兼唔好食架罅!

體積媽度跟咗條帖:

我之前一睇到老師0既溫馨提示,仲唔喇喇林去洒紅牛咩....   
===============================

積媽好!

算你醒啦! 我唔會求其體網上攞啲資料擺上黎就算嘅....
我係查翻過去幾年嘅記錄先同大家分享架!
今日啲瓜瓜新出橫丫都有乸花囉!

仲有, 两日前所落嘅種籽, 沙律生菜已有啲發咗芽,
點解唔係全部呢, 好簡單 -- 沙律生菜種籽包內有七,八種唔同嘅品種架馬,
有啲早出有啲好遲出芽架!

點解我會挑選體呢棑落種籽呢?
因為天文台預測近呢七,八日天氣會比前棑氣溫平均低幾度,
相對濕度徘徊於 75% - 95% 即係平均 85%
噉樣勉強都乎合某啲種籽發芽嘅條件嘅, 所以咪試吓囉!

=========================================

補充:
呢棑天氣又雨又大太陽,
落咗種籽注意唔好俾雨淋到!
未出芽唔好俾太陽照射, 加塊遮光網就最好嘞!
要保持泥土潮濕, 出咗芽就要太陽曬,
否則啲芽苗長了了黃澄澄就唔靚啦!

回復 12776# 花園仔
茄子嘅橫丫係體葉柄與莖之間生出黎嘅,
即葉越多橫丫就越多, 你棵茄子啲葉大塊啫, 唔係葉多啵!
我認為俾佢長高啲, 達至枝葉茂盛嘅境界先講開花結果啦!
使乜急啵, 茄子壽命咁長!
我唔鍾意摘頂嘅! 點解要摘頂先? 棵嘢有冇摘頂嘅條件先?
仲有, 你盤茄子個盤係幾號盤亞, 陽光夠唔夠呢?
===================================
花老師好~~
我諗我個盤係細左架, 因係10號盤來,
但陽光就應該夠架, 太陽會由中午曬到黃昏呢!
咁我就繼續比肥佢, 等佢長高D先啦...
唔該晒老師~~

而家追到513頁
我知道而家適合落種種好多野
我會努力鉋埋老師個帖先
然後再決定種咩
努力中

回復 12778# 花園仔
呢棑天氣又雨又大太陽,
落咗種籽注意唔好俾雨淋到!
未出芽唔好俾太陽照射, 加塊遮光網就最好嘞!
要保持泥土潮濕, 出咗芽就要太陽曬,
否則啲芽苗長了了黃澄澄就唔靚啦!
======================
老師午安！
上星期六仲向田落咗啲種子培苗。
第一次試向田度培苗。我都放咗向有樹陰嘅地方㗎。希望得啦。

老師好呀, 想問吓點解同是日本南瓜, 有D有紋, 有D無呢?

原本取籽嘅南瓜係有紋架!

參考老師整左個細細地既add4icon