回復 12627# fishinglok
我果兩盆茄子係由09年6月開始種, 種O左成年先係咁O既樣. 種O左三盆, 得一盆試過一次生一個茄子,
不過有茄子果盆個街坊見到鍾意, 指明要有果結果盆比佢. 我咪送O左比佢囉. 因為佢比O左好多位我種O野嘛.
冇所謂啦, 分享係美德, 而且有來有往, 種多幾盤靚嘢容乜易吖!
落肥我都有落, 一個月落一次. 係唔係唔夠呀. 落雞屎肥,同牛屎肥. 魚肥, 仲有紅牛, 每次落一個透明膠杯份量, 係唔係都唔夠呀.
尋日見你話多施薄肥, 我即刻比O的O牛O左一年O既花生夫水肥比佢, 希望可以好似你O的茄子咁壯啦.
嗱, 雖然你嘅圖片細, 但從比例校對睇得出你嘅茄子用盤直徑較細,
茄子係傘型嘅, 即係根鬚走向寬廣啦, 濶口盤就啱嘞, 高身窄口盤點都係差啲架!
同時成個月至落一次肥, 唉, 體噉嘅天氣度能生存已經係好叻架嘞,
佢有乜本事開枝散葉吖! 我見佢啲葉色唔夠光澤仲帶灰色添!
俾多啲氮磷肥佢補吓先啦, 根強, 莖壯, 葉旺, 先至谷花果就掂嘞!
仲有啲泥表面好似好實噉啵, 你有冇得閑用手耙仔耙鬆吓泥面呢!
嘩, <雞屎肥,同牛屎肥. 魚肥, 仲有紅牛, 每次落一個透明膠杯份量> 隻杯幾大亞?
咖啡杯又係杯, 藥水杯又係杯, 冇準則啵, 我就求其目測架咋, 實地判斷囉!
都話薄肥多多施洛, 發育時幾日就俾啲好稀好稀嘅水肥佢嘆架罅,
泥面就放啲雞屎肥, 等佢慢慢溶滲入泥度囉, 冇曬又落過啫....
棵嘢靚靚又壯碩就揾紅牛幫吓佢, 多少少冇問題架, 因為有棑都溶唔曬, 醃唔死棵嘢嘅!
到開滿花時, 仍然要補架, 係好薄好薄嘅均效肥就OK嘞!
噉樣就可收掛果滿枝頭, 摘緊都仲有花開啦!
不過呢期兩盆茄子都好多紅蜘蛛, 試過噴鮮奶水都唔得, 跟住就日日噴肥皂水都係唔死.
今日就連焗蚊香都試埋. 希望救得到呢兩盆O野啦.
殺蟲嘅嘢唔想多講嘞, 希望你成功啦!
今朝摘嘅茄子, 樣丑啲啫, 不過好健康喎, 最緊要好食吖馬!
|
顯身卡
