乜都種吓嘅花園仔

回復 12592# alilovebyj
我在考慮是否買一個廚餘桶回來，定係做堆肥算了。

我原先都好似係噉諗, 見積媽嗰個都幾好, 方便易做先興起咋!

老師，我有兩個紅 B 的膠桶，係舊嘢，想兩個疊起，2個桶間會有一些空間；想上面嗰個底鑽洞，下面嗰個就加喉咀，行嗎？

積媽嗰個咪係咁上下囉, 有版睇啦!

也想過懶一點，下面唔加喉咀，有肥水，就拿起上面的桶，斟下面個桶d肥水就ok！但做了喉咀，好以可以一勞永逸！

想懶啲仲反而麻煩, 唔通成日抽起上面個桶黎睇吓下邊有肥水未,
有味架, 撈good, 都係整水龍喉閘掣好!!

回復 12595# muitau
早呀老師早呀咁多位!
老師你個堆肥桶睇到我抖唔到氣呀,有無攪錯呀咁你都諗得出? 你連鑽窿都度位, 比我求其錐幾個罷就啦...
近水喉內籠果到除左平水尺見你整凹咗條溝作引水道...嘩, 呢個頭位真係值回票價!

個桶咁深你烏個身入去整紅毛泥抿平果時咪好辛苦囉?! 好高難度喎....
個有手抽個底版我諗唔明,係咪當埋肥完熟時將個桶訓底, 等啲泥無咁啲再抽出黎咁呀?
啲堆肥都唔輕, 個底座夠唔夠力呢?
==============================================

妹頭好!

話俾你知啦, 我都冇認真諗過, 有積媽嗰個做版, 改良吓啫!

<烏個身入去> -- 唔使咁鹽重瓦!
剩係用咗個畢肥膠殼將撈好咗嘅混凝土彎彎哋腰畢入桶內咋,
完全無難度, 畢咗入去輕搖個桶啲混凝土就自動走平啦,
乜都冇用清潔都唔使, 只要畢入去時優雅啲唔好整到四圍都係!

冇咁複雜, 啲肥OK咪用殼畢出黎囉!
底板承受力係大於3倍! 嘻嘻!

有味架, 撈good
................................
一於聽老師話。
因為我遲D 會去台灣，想抬個廚餘桶番黎啊…而家就諗諗先！

混凝土係好重, 嫌重咪郁吓個腦啦, 用水泥+沙+輕陶粒黎混咪輕好多啦!!

况且人地都話可以添加內膽洛, 冇力咪整細個啲啦!

粗重咪揾人幫吓手啦, 你唔知有句<一呼百應>嘅咩! 嘻嘻!

==============================


加輕陶粒....丫...我個豬腦真係諗唔到喎...又學到野...唔該晒....

回復 12603# 花園仔


    夠重.唔會反桶...?  如領悟錯左. 見諒啦.

回復 12608# giveupaguy
回復 12603# 花園仔

夠重.唔會反桶...?  如領悟錯左. 見諒啦.
===========================

冇用心睇帖!! 呵呵!

請睇:

回復 12582# 花園仔
大家好!

唔使估嘞!

差唔多搞掂囉! (等桶底混凝土乾透就裝配嘞!)

呢個堆肥桶簡單易做, 可以直接做乾式或濕式堆肥,

亦可以加內膽(好似積媽鑽咗好多窿嘅洗衣粉桶)進行乾式或濕式堆肥!

桶底我落咗混凝土, 有斜水架, 高低相差6mm到啦,

水龍喉入水位座低咗令桶底肥水流出時一滴唔留架,

噉就唔會成日有臭臭留體度啦!

點樣順利引出曬啲肥水, 梗係揾嘢承高個桶幾吋啦, 簡單啦!

老師你好勁呀, 咁都比你諗到個桶咁樣去整. 堆肥呢家o野要再諗諗,
我最驚就係堆肥堆出白色大條蟲呀, 上次我試過一次, 見到成桶蟲爬來爬去, 嚇到連桶連成桶o野掉走o左呀.
仲有呀, 老師你o的茄子點解可以大得咁快o既, 5個月都咁大棵又咁多茄子出, 我果3棵種o左成年, 都係得花開, 開完就掉花蕾. 想結都結唔到. 有咩計仔指教o下我丫. 仲有我3月時都落種種了一棵泰國圓茄子. 到家下都係同你3月果棵咁大咋, 好似定o左型咁. 唔識大呀.

回復 12609# 花園仔

     老師早晨. 各位早晨
    罰..罰自己再重溫3000次...謝謝老師
     老師我上網找過你用的藍色桶.唔見有網頁介紹. 我在漁排見過有呢類桶. 實際名稱是什麼? 是儲水桶嗎? 起初仲估係紅b出品..連紅b都無果類桶.

老師你好, 好耐無見! 我的秋葵已經結果, 仲竟然有成十幾CM長, 我想問如果佢成形後應該幾多天收割才好才不會老?

回復 12607# cklife
加輕陶粒....丫...我個豬腦真係諗唔到喎...又學到野...唔該晒....
==================================

大家好!

你地用黎種嘢嘅輕陶粒將佢體三合土入邊代花岡石粒,
成品重量輕好多架!

回復 12611# giveupaguy
老師早晨. 各位早晨
罰..罰自己再重溫3000次...謝謝老師
老師我上網找過你用的藍色桶.唔見有網頁介紹. 我在漁排見過有呢類桶. 實際名稱是什麼?
是儲水桶嗎? 起初仲估係紅b出品..連紅b都無果類桶.
========================================

你好!
呢種桶係用黎裝化學用品多嘅, 好似洗潔精, 洗頭水, 膠粉, 粘合劑....
我用作堆肥桶嘅原本係裝膠粉嘅, 回收物黎架!

回復 12612# laugenroll
老師你好, 好耐無見! 我的秋葵已經結果, 仲竟然有成十幾CM長,
我想問如果佢成形後應該幾多天收割才好才不會老?
===================================

你好!
秋葵成果後大得好快架, 睇住佢大, 日日唔同....
你睇佢停止膨大就摘得啦, 除非留種籽用囉!
秋葵要趁嫩食, 老咗又硬又鞋唔好食架!
隻果莢停止膨大落軟身及顏色嫩綠就要採摘囉!
果莢顏色深及落硬掘掘就老嘞!

琴日先至移種咗两棵秋葵之馬

回復 12610# fishinglok
老師你好勁呀, 咁都比你諗到個桶咁樣去整. 堆肥呢家o野要再諗諗,
我最驚就係堆肥堆出白色大條蟲呀, 上次我試過一次, 見到成桶蟲爬來爬去, 嚇到連桶連成桶o野掉走o左呀.
仲有呀, 老師你o的茄子點解可以大得咁快o既, 5個月都咁大棵又咁多茄子出, 我果3棵種o左成年, 都係得花開, 開完就掉花蕾. 想結都結唔到. 有咩計仔指教o下我丫. 仲有我3月時都落種種了一棵泰國圓茄子. 到家下都係同你3月果棵咁大咋, 好似定o左型咁. 唔識大呀.
====================================

你好!

採用<密封式>嘅堆肥方法係唔會有蟲嘅!

茄子種體盤係比種體地上生長慢少少嘅,
用盤種優點係控制陽光, 水份及肥料都容易得多架!
我呢两盤唔同品種嘅茄子掛果咗一段時間囉, 食咗好多個嘞....
而家仲有好多及仲開緊花架, 冇乜特別對佢架, 正常栽種架咋!

陽光足(狂曬)
肥料夠(薄肥多多施)

水份要睇實(千祈唔好缺水)
人人都以為出猛大太陽啲葉頭耷耷係正常,
太陽落山淋啲水又兀翻曬起身嘞, 就當係冇問題.
我就唔係噉諗嘞, 一耷一兀消耗棵嘢好多能量架馬,
所以我好似施肥噉少水多淋囉, 棵嘢由早到晚都頭兀兀架,
你睇以色列人體沙漠大棚種嘢就係採用電腦控制滴灌嘞,
啲農產品咪產量高又靚靚囉!

剛剛拍攝茄子現時情況:

哦~原來係呀, 我要更加努力先得. 越睇你o的茄子就越想我o的快o的快o的長大呀.

老師老師
我而家睇到第318頁
實在忍唔住要開聲問了
你可唔可以比D馬齒萈我呀？
小時候媽媽在騎樓種了一大盆
每日都有花開
看到心情也愉快起來
老師請問可以比D我嗎？

回復 12617# fishinglok
哦~原來係呀, 我要更加努力先得. 越睇你o的茄子就越想我o的快o的快o的長大呀.
=================================

你好!

我過去貴帖睇過嘞, 茄子唔夠肥(氮,磷)棵嘢唔夠粗壯啫!

如果棵嘢枝葉茂盛到咗一定時間, 剪緊啲黃老殘葉(尤其係超過30日嘅老葉)

只要俾鉀肥催谷吓, 啲花就會不斷噉開, 不斷結果啦!

當然, 結果多少或完唔完美係要睇吓你俾乜嘢條件佢嘅,

盤細泥少同盤大泥多得出結果梗係有多少分別啦!

回復 12618# joycewsm

老師老師
我而家睇到第318頁
實在忍唔住要開聲問了
你可唔可以比D馬齒萈我呀？
小時候媽媽在騎樓種了一大盆
每日都有花開
看到心情也愉快起來
老師請問可以比D我嗎？

=============================

你好!

我而家啲馬齒莧有粉紅色及白色两種, 都係奀之之嘅,

加上呢棑天氣咁熱好難插得生架, 涼翻啲先啦!

我建議你跟吓積媽帖嘞, 佢有好多品種嘅馬齒莧, 種得又比我靚....

你識做喇!

越黎越覺得棵<無花果>好靚呀!
210大洋冇白花囉 -- 如果結多啲果俾我睇吓嘅話!

仲有翻呢頁感到好有趣及好溫馨添, 仲有傻過一次嘅<直獐蜜瓜>, 哈哈....

http://www.hkplants.com/thread-11235-455-1.html

日日都有椒架!

嗰個堆肥桶已經開始做嘢罅!