本帖最後由 JodieC 於 2010-7-7 01:52 編輯
回復 12393# 花園仔
========================================
JodieC及大家好!
我先前回覆你嘅帖體壇上已有一段時間, 見你亦體壇上, 料已睇過, 刪除咗啫!!
再補貼上:
==================================================
你好!
1. 成日都話嗰條愛因斯坦嘅公式冇錯架!
嗰棵苦瓜由於盤細瓜多頂唔順咪呈衰退狀態囉! 身子弱咪容易受病菌攻擊啦!
而且好多種類嘅苦瓜都係好怕熱嘅, 啲瓜仔授粉成功都會枯黃架!
2. 當個瓜瓜停止膨大時就係摘得黎食嘅日子嘞, 仲等乜啵 -- 等耐啲佢都唔大架啦, 趁嫩食吖馬!
好似西瓜, 蜜瓜, 南瓜嗰啲就要等佢熟透至摘得先至睇條訂啫! 嘻嘻!
3. 隻隻粟米都有佢嘅特性架馬點可以同一而論呢,
粟米係先有公花然後至出乸花(粟米棒)嘅, 唔使心急喎!
4. 常見嘅雜草咋!
盤中嘅<白花蛇舌草>及<崩大碗>
=======================================
粟米好食肥, 你嗰盤粟米種得太密囉!
除花生麩水外加翻啲鉀肥啦, 成唔成到果要睇授粉嘞!
******************************************
哎呀哎呀... sorry呀老師.. 我都知我太遲覆你架啦... 不過近排公司都唔知攪乜.. 幾星期都係上黎開左壇.. 就有事發生.. 到走先返到埋位... 屋企又係... 真係人都癲.. 今日剛走左貨.. 終於有啖氣透下... 希望老師唔好怪我啦...
原來係咁... 好.. 我會好好留意下.. 加番d鉀肥.. 補補佢...
我想問下.. 落到幾時就要停肥呢?
因為我記得老師d帖提過如果要收割2星期前要停肥停菂.. 但我收d苦瓜時.. 佢有十幾個瓜仔.. 大約有3批... 第1批大得好快, 好似吹波咁.. 又靚又甜... 收完第1批.. 就即刻加番d肥補下... 但加肥後3-4日.. 瓜瓜就停止生長.. 未夠2星期.. 究竟摘唔摘好呢? 第3批d瓜仔又未大.. 究竟加肥好定放棄好呢? 當遇到呢d情況老師又會點做呢?
之前亦試過茄子有3朵花.. 1朵已經成左果.. 2朵就黎開... 加左鉀肥後第2日兩朵花都甩左... 所以想問下老師落肥時既要訣..
另外想問下老師.. 我d茄子同瓜瓜好矮un 知知就結果.. 係味我太早落鉀肥既關係呢?
我既做法係苗轉盤時.. 放基肥(花生麩+骨粉)/用吽肥泥... 約3星期後..就開始落麩水..過1-2星期.. 想再落鉀肥/麩水時.. 就開左花.. 結埋果啦.. 係味我比得太多肥呢? 但主莖又唔似老師果d咁粗wow... 真頭痛.. ![](static/image/smiley/default/dizzy.gif)
另外我想問下苦練樹粒可唔可以放係d瓜瓜菜菜泥面趕蟲架... 賣果個人又話有機.. 但係我見三益有70%苦練油... 唔放心所以想問下.. |