乜都種吓嘅花園仔

老師張清晨蓮池好清雅呀！

回復 12442# muitau
老師好 ! 妹頭好 !
老師0既布袋蓮真係好靚 ! 加上我早一輪響人家花園見到真品 , 真係靚到DUM一聲~
希望種得到開花喇~ 仲要多得小寶幫我響元朗買到老師介紹0既固態肥, 加左入去之後, 本來樣衰衰的布袋蓮精神左好多.
積媽無用活水/水泵, 唯有每一晚都加入新鮮0既水, 希望佢生得好好地喇~ ^^
老師0既水池照片, 睇到都覺得心曠神怡, 涼浸浸咁好C服~

講得岩，個「池仔」，真係好清涼！add4icon

回復 12442# muitau
老師,
你缸魚同埋紫色果隻花真係睇到人心曠神怡,唔怪得積媽都話睇完後即刻入貨
=========================================

妹頭及大家好!

係呀, 得閒靜心睇吓花花魚魚....
乜都唔諗鬆弛吓神經真係可以減壓架....
身心都健康啲啦!!

下午:

回復 12443# 小牛
老師好！
小牛都係努力維生先啦——努力維持各種植物既生命……
小牛棵合掌瓜真係到現家都未見過花……不過我都會種多佢一陣……
======================================

小牛好!
天氣太熱, 普通種植嘅合掌瓜啲花好難開得正常架, 有都結唔到果啦!
耐心啲等天氣凉翻先算啦....

咁熱, 啲蕃茄結果都少咗啦....   

回復 12445# JicJicmom
回復 12442# muitau
老師好 ! 妹頭好 !
老師0既布袋蓮真係好靚 ! 加上我早一輪響人家花園見到真品 , 真係靚到DUM一聲~
希望種得到開花喇~ 仲要多得小寶幫我響元朗買到老師介紹0既固態肥, 加左入去之後, 本來樣衰衰的布袋蓮精神左好多.
積媽無用活水/水泵, 唯有每一晚都加入新鮮0既水, 希望佢生得好好地喇~ ^^
老師0既水池照片, 睇到都覺得心曠神怡, 涼浸浸咁好C服~  
===========================================

積媽好!

呢段時間係布袋蓮開花嘅日子, 雖然花放短暫但日日都有花開呢!
我都有用中國式瓷缸種格, 冇活水都好掂架, 勤啲換水囉, 啲水用黎淋花咪冇浪費啦!

用德國陶缸種嘅布袋蓮 -- 下邊啲魚仔特別開心架

回復 12446# alilovebyj

Alison好!

啲鷹爪蕃薯葉淋多啲水啦!

長豆角開花結豆囉! 背景係鷹爪蕃薯葉

試種嘅青瓜暫時都幾醒目嘅....

摘咗啲泰國蕃茄

會的了，老師。我已一天淋兩2次水。看來要在盆下加碟，或加個水份補充器了。

老師，我想問問，南瓜成熟了，瓜蒂會變色，那可不可以待它變得乾硬一點才把瓜摘下呢？因為我想個瓜肉粉d，甜d。

老師好呀, 我種緊几棵番茄, 宜家長到好大棵喇,

有 4 呎多高了, 超大棵, 所以我 CUT 咗好多葉,

又長咗好多番茄, 但我應否 CUT 走往上長嘅新葉嗎?

因為真係太高了, 會搶走營養嗎?

回復 12453# alilovebyj

會的了，老師。我已一天淋兩2次水。看來要在盆下加碟，或加個水份補充器了。

老師，我想問問，南瓜成熟了，瓜蒂會變色，那可不可以待它變得乾硬一點才把瓜摘下呢？因為我想個瓜肉粉d，甜d。
===========================================

Alison好!

南瓜完熟除咗從瓜蒂會變色及乾硬外, 表皮色澤轉深及出現粉狀就係又粉又甜嘅時候嘞!

回復 12454# 新仔
老師好呀, 我種緊几棵番茄, 宜家長到好大棵喇,

有 4 呎多高了, 超大棵, 所以我 CUT 咗好多葉,

又長咗好多番茄, 但我應否 CUT 走往上長嘅新葉嗎?

因為真係太高了, 會搶走營養嗎?
=================================

新仔好!
我冇CUT低番茄高度嘅習慣, 反而體呢個情況下繼續性補肥使佢結多啲茄茄架!

採收咗個<沙葛>試食!

好正! -- 爽脆, 鮮甜, 冇渣架!

回復 12455# 花園仔

明白…我會耐心等候。希望打風唔好吹C佢！

PS，怪不得買來的小奶油南瓜都不粉不太甜。原來佢根本就未完熟。

樹頂冇包袋嘅芒果好醜樣, 用咗黎浸<酸甜芒果>囉!

回復 12459# 花園仔

咁都叫醜，老師，唔好玩啦！add12icon

問老師一句，呢D芒果熟未架？

回復 12460# alilovebyj

Alison, 啲芒果肉係淡黃色架罅, 爽脆甜帶微酸, 用畧甜嘅醋浸就令人食不停口架嘞!

又, 嗰棵樹三層樓高, 樹頂啲果體打風前要摘架罅, 跌落黎唔掂架!

琴日摘咗啲椒椒

日日有花開嘅小魚池體炎炎夏日帶俾人一抹清凉....