本帖最後由 小牛 於 2009-8-20 13:00 編輯
我棵<新奇士檸檬>細棵嗰時係用盤種嘅, 差唔多兩年度就換一次盤(龍缸).
每次換盤(龍缸)都發覺D泥被細根纏滿, 根本索唔到水, 而且D幼根有腐死現像,
因此先會有換泥削根嘅動作啫.
1) 我係咪係時候要幫佢換泥呢？
咁要睇你個盤是否適合對應翻棵嘢大小囉, 棵嘢大咗個盤仔細細咪要換大D個盤(龍缸)啦.
同時睇吓D根係咪纏滿個盤令水份肥料無法浸潤了泥土, 短時間表土就乾争争呢,
或棵嘢有唔正常表象例如<掛住果子既枝丫 d 葉又落又黃>都係要換盤(龍缸)及削根換泥時候囉!
2) 換泥削根係咪要削到好似老師棵新奇士檸檬當初重種時咁乾淨呢？ (因老師本來是要掉既)
睇實際情況啦! 唔使學我咁大動作嘅! -- 對泥土及腐根情況評估後先决定點做囉!
3) 有冇話什麼季節換泥削根較好呢？
我多體摘果完畢後一個月做嘅!
4) 幾耐要再換一次？
我約两年度換一次.
注意: 我嘅回應只係我自己嘅實際經驗, 唔係專業意見喎!!=======================================
老師你好！
原來 "短時間表土就乾争争" 同 "掛住果子既枝丫 d 葉又落又黃" 就係換盤換泥既時候，
真係唔該晒老師！
等我準備下，摘左 d 果之後，俾佢抖一陣，就幫佢換泥削根。
老師唔好客氣，專業意見既話，我依d 門外漢都唔係下下聽得明，
老師既分享又清楚又明白，唔該晒！ |
顯身卡
