大家好!
剛剛答咗 donaldyh 帖子有關基肥放置嘅問題,
體呢度貼翻出黎俾大家參考吓囉!
順便答埋我個種植盆開窿情形!
donaldyh有關基肥放置問題我嘅做法係咁嘅:
先决定用幾厚泥(預6吋喇)
决定苗苗種幾深(預2吋喇)
(一)先用1吋半泥舖好個底先
(二)然後落花生麩+骨粉溝勻
跟住落1吋半泥連同溝勻咗嘅肥料一齊撈勻
(三)落埋3吋泥冚落基肥泥度
(四)挖2吋深將植物種穩
說明:
(二)程序最好用其他盛具做妥倒入植盆內.
(三)(四)所示泥嘅厚度<3吋>減去植入深度<2吋>即分隔層為<1吋>囉!
注意:
分隔層嘅厚薄要視乎植物根部走向速度去判斷
(好似醫生開藥俾病人咁, 都要睇吓佢底子如何至决定落輕重藥喇)
假如植株D根係橫向形嘅分隔層咪薄D囉.
相反植株D根係深縱形嘅分隔層咪厚D囉.
所以對所種植物基本認識係好重要嘅.
錯誤嘅判斷令植株根部接觸到基肥層時基肥仲未發酵完成, 咪引至燒根囉!
相反植株進入發育期D根都未能接觸到基肥層, 咪變咗失匙夾萬喇!
解决:
咁你又懶, 好聽D唔得閒花咁多時間去了解逐種植物嘅特性,
又想安全D保險D去種嘢, 唔落基肥囉!
否則最好辦法就係 -- 吽好基肥泥至種嘢嘞!
我個種植盆開窿情形: |
顯身卡
，農友們大家好
。多謝你及你地提供左好多好多資訊比我，我用左大半個月時間睇晒呢二百六十六頁帖，真係受益非淺。早兩年我都玩過社區園圃(一期咁大把)
，種過(有收成既)：青瓜、莧菜、蕹菜、沙律生菜、唐生菜、櫻桃蘿蔔同最好食個隻蕃薯葉(既食葉又食蕃薯).........後來再申請都抽唔到
，於是就冇得再種喇。不過遲D我會搬去村屋住(5月)，亦打算種個夠本，所以預早黎呢度溫固知新，估唔到睇到咁多野(有好多係我冇諗過既添，例如防蟲網室、點留種籽，花魚共養等等)，簡直大開眼界
仲有：我真係好佩服你，犀利犀利！！乜都有，仲要樣樣都種到咁靚，一個字<勁>
！！
