麵包機做麵包~使用奶油和蛋液的超軟麵包

補番兩張貴機的成品相先.....

可見麵包是較鬆軟。
其實平價機一樣可以做出這效果(如不使用湯種)，以下建議不妨一試：
酵母：不要在開始前加入，在部機開始運作，即進行攪拌後一分鐘加入。我留意到貴價機的酵母格是在攪拌一分鐘後自動放入酵母。
發酵時間：延長15分鐘。由於每部機不同，要在完成第二次發酵後按下PAUSE掣，15分鐘後再啟動。發酵時間延長一點，麵包也較鬆軟。如果沒有PAUSE掣就沒法子，除非完全停止部機，讓麵糰留機內15分鐘然後啟動BAKE程式。

jellyfishy:  有無食後感呀？  發表於 昨天 11:09

水母水母....
口感不及市面售的烏冬，因為不彈牙，我估售賣的有加入澄粉。

yukyo: sausau，我用緊Kxxwood，想問問你架機最長旣攪拌時間同發酵時間有幾耐，個內膽好似好大，麵包脹到咁高都無變形  發表於 7 小時前

yukyo,我把製各種麵包的時間供你參考：成品750g計
高級麵包 4：40
基本麵包 3；26
全麥麵包 3；58
法式麵包 3：35
甜麵包   3：25
歐陸麵包 3：30
至於個別攪拌和發酵時間有多長，我看怕要全程在旁邊記下時間才較準確。有一點我留意到的是，在兩次發酵過程中麵包機會攪拌數下，不知作用是否把麵糰打鬆讓空氣進入/出。原本麵糰發得鼓脹，幾下攪拌又蹋下，不過成品鬆軟是無疑的。

請教如果幾百蚊既, 係米個個牌子差唔多 ?簡單做方包質素OK嗎 ?

BK個邊個個推介P仔, 成二千個大洋好貴 !

光波爐可以焗到面包嗎 ? THX

JC208 發表於 2013-5-11 19:52
請教如果幾百蚊既, 係米個個牌子差唔多 ?簡單做方包質素OK嗎 ?

BK個邊個個推介P仔, 成二千個大洋好貴 !

其實我第一部麵包機是免費贈品，就是買也只值數百元，我覺得完全無問題，做出來的質素不錯。麵包機平或貴基本運作一樣，即攪拌和烘焙，差別在於機件的質地和內置程式的不同。
至於光波爐能否整麵包，因為我無用過，所以無可奉告。

JC208 發表於 2013-5-11 19:52
請教如果幾百蚊既, 係米個個牌子差唔多 ?簡單做方包質素OK嗎 ?

BK個邊個個推介P仔, 成二千個大洋好貴 !

我部機唔駛＄300，都幾好。不過我無用過貴機，無得比較

sausau 發表於 2013-5-11 18:21


有一點我留意到的是，在兩次發酵過程中麵包機會攪拌數下，不知作用是否把麵糰打鬆讓空氣進入/出。原本麵糰發得鼓脹，幾下攪拌又蹋下，不過成品鬆軟是無疑的。

秀秀,你呢個問題,舊年有花友問過類似,我抄返我的資料給你参考 :

問 : 第一次發酵完點解要將粉團鬆弛。有何作用:
一般滾圓好的麵糰組織較為緊密，麵糰的筋性很強，不易整形處理，所以需再經過短時間的鬆弛，此鬆弛的步驟在熾焙術語上叫中間發酵

問 : 是否第一次發酵後,要將麵糰放氣後等一段時間才做型第二次發酵?
第一次發酵後,麵糰放氣,再搓圓,立即作第2 次發酵

問 :其實麵糰點解一定發兩次酵。點解唔發三、四次呢?(導師講明我教學係搵錢唔會答你任何問題。你跟我做一定不會錯)
整包方法可以講係一統計學,前人整過咁既方法最好,所以後人繼續咁做~
其實呢d做法亦有根據的
1. 第一之發:酵母菌由冬眠狀態甦醒,但繁殖速度其不一致(繁殖過程中產生二氧化碳),所以d孔會大小相差好,所以此次發的包不能焗
2.第二之發酵基本上d活躍酵母已全甦醒,但未平均佈外的溫度,所以氣泡亦有大有小
3.所以第二之的粉團耍第3次發酵,此次所有活躍酵母幾乎平均分佈,所以可去焗啦~

唔做第4.5.6次發酵原因有:
1. 時間耐左,冇理由要5.6.7個鐘先有得食架
2. 時間過長,酵母菌繁殖過量,個麵團會變酸(繁殖過程中產生二氧化碳及乳酸)

亦有人喜歡用較好的酵母,即一加水,好快已開始繁殖,果D可以發2次就焗得
亦有人不介意D包"loan"有大有小,所以發2次的亦大有人在,只不過係個包包裡面唔靚同口感唔平均姐~
做3次發酵已差不多,時間+裡面都靚仔,所以所有教學及包舖均以3次為標準

仲有發完第一/二次,要翻麵的原因是麵團內外溫度都唔同,要翻下佢等溫度平均d,酵母亦發得平均d
~
好多導師都係跟師父咁做,冇讀過發酵作用的原理及化學生物作用,你問佢好多都唔識答;如佢係識,一定會話你知,一來 show 下quali,二來比你地知佢係信得過~

八王爺  反而我想問，為何個靚機要在搓成團之後才放入酵母？我無見過咁做嘅師傳！  發表於 13 分鐘前
啊,一兩分鐘姐,好簡單,怕d水太熱or太冰,所以利用機內溫度調節

八王爺：反而我想問，為何個靚機要在搓成團之後才放入酵母？我無見過咁做嘅師傳！

王爺，不是呀，靚機係在麵粉等開始攪拌後一分鐘加入，然後繼續攪拌至成糰。

wendy_choy_hk 發表於 2013-5-8 23:25
Springonions  可以唔加奶粉嗎？  發表於 半小時前
寫個食譜抄書,所以唔sure唔加奶粉得唔得. 只知個包出來 ...

奶粉同奶有不同作用,奶粉可增加香味,奶係增加油脂同軟滑度,所以唔好用脫脂奶~

我有個麵包高手同學仔,佢話P牌做出黎D包最似人手搓成,不過要$3XXX(舊年頭／前年尾價),而家應該平左好多~

sausau 發表於 2013-5-11 18:21
yukyo,我把製各種麵包的時間供你參考：成品750g計
高級麵包 4：40
基本麵包 3；26

係呀sausau，我架Ken仔都係咁。基本動作係 慢攪拌>快攪拌>發酵(1)>15秒攪拌>發酵(2)>15秒攪拌>發酵(3)>焗 全麥面包要4：35
佢可以自己調教每部份旣時間（favourite program），問題係攪拌最長都係40分鐘，有時會唔夠。

如果你地今晚預定時間，明早有得食麵包，你地會落牛油嗎？D牛油會變壞嗎

要先多謝WENDY不嫌麻煩給我很多麵包機食譜資料,的確很有用,感激感激!

最近我學生送來一本麵包機的書(原來她已買了一整年,現在才有空交給我 ).我參考了其中使用蛋液和奶油製作的食法,發覺有超級鬆軟效果,所以想跟大家分享:

材料:         
高筋麵粉     230G
奶油               25G
蛋液               20G
水                 130G
鹽                     3G
砂糖               25G
乾酵母             3G

麵包機選TOAST功能

奶油我使用CRISCO,是全菜油,無反式脂肪.我也用這種油(即白油)打皂,因利成便

請問 Wendy 有冇Design factory 麵包機既白麵包食譜提供，唔該^_^

Kit_fcr 發表於 2014-5-5 22:52
請問 Wendy 有冇Design factory 麵包機既白麵包食譜提供，唔該^_^

我可否代為解答?
DESIGN FACTORY麵包機說明書內的食譜如下:

哎呀,圖像唔太清楚…
BASIC BREAD
WATER                160ML
OIL                       2 TABLESPOONS
SALT                     1 TEASPOON
FLOUR                  2 CUPS
SUGAR                  1 TABLESPOON
MILK POWDWER  1 TABLESPOON
YEAST                   1 TEASPOON