積積媽的瓜瓜菜菜果果 (UPDATE @10/5/2012 )

大家都係蕃茄, 但品種唔同, 大家0既體型相差好遠呀~~~
根據種子包上的說明 :
Tomato XXXXXXX is a compact bush variety reaching 60cm (24") tall....... Specially bred for growing in containers


亦有D說明會幾大林......
Tomato XXX YYYYYYY ZZZZ....... Height: 200cm (79"). Spread: 50cm (20").


佢都開始出花苞了


數年前剛開始種野時, 花園仔老師曾介紹過一隻銅頭的澆水器, 當年斷了貨積媽走了寶.
早2日比我發現左另一款較細的, 同樣是銅頭的澆水器 , 馬上入手 ~~~


另外附有尖咀一隻.


回覆點評:
springonions :  係響花墟賓賓買的~~~$95/隻. 我覺得用料唔錯+一直想搵銅頭澆水器, 所以會買.
因為佢本身唔係好大隻, 裝左水都唔會重好多. 我自己覺得唔係太重呀~~  

積媽，我想問妳吽啲泥會幾耐打開攪佢一次。
我似乎放得太多泥，唔知點攪佢好。

JicJicmom 發表於 2011-12-7 10:39
大家都係蕃茄, 但品種唔同, 大家0既體型相差好遠呀~~~
根據種子包上的說明 :
Tomato XXXXXXX is a compact ...

積積媽妳好，想請問，用黎夾番茄嗰個夾係咪掠衫用嘅衣夾黎架？好好用咁喎~

寒流之下變成咁 ....... (攝於10/12/2011)

韭菜要重新出發了

小圓球蘿蔔見頭仔了~

薄荷葉好精神 !!!

JicJicmom  MONO , 早晨呀~~~ 我D泥一吽就吽成3-4個月唔開蓋的..... 因為都唔係太大隻桶, 所以就算要攪都唔係太麻煩.  發表於 6 小時前

哦！唔該晒積媽。咁我唔搞佢嘞。

isababy8888 發表於 2011-12-10 01:09
積積媽妳好，想請問，用黎夾番茄嗰個夾係咪掠衫用嘅衣夾黎架？好好用咁喎~ ...

唔該晒積積媽，等我去12蚊店度睇吓佢哋有無出復刻版先

因為菜盤位置吹正北風, 所以早幾日食到應, D菜凍到不省人事~~~ 之後加左塊發泡膠板響側邊擋一擋風, 菜菜都正常返哂了~


我響12蚊店買0既夾係咁0既:




之不過如果係用響天台+24小時長照太陽, 呢隻夾就玩得唔耐. 一年貨仔就玩完.
我覺得可以用包膠鐵線, 打 "8" 字型咁去固定植株同竹仔, 會比較好+襟用.

不知不覺間, 迷你小蕃茄長得好多果了~~


紅葉生菜已食左幾勻, 摘外圍的葉食, 中間會不斷長出新葉

士多啤梨長了果, 其實一直以來都有長花, 但因為覺得植株長得不夠壯身+葉不太多, 所以一直都搣左D花去, 保留養份. 呢一粒係真的捨不得搣, 加上植株都頗為壯身, 所以有得留低.

小圓球蘿蔔
見小蘿蔔開始大粒, 比番D紅牛鉀佢嘆下~~~ 早前下的氮肥/花生麩水, 葉子長得很多, 為免腐葉影響植株生長, 所以都疏一疏底部0既葉, 等蘿蔔們住得通爽D ~~
圓球蘿蔔側邊0既白色野, 其實係育苗塊外圍的紙, 日子耐左就會溶掉. 根據資深農友及花老師教路, 塊根類植物目的物是其根部, 所以在育苗時盡量小心, 不可以因移苗令根部受損, 以至長不大. 所以通常會用直播 (平種子) / 育苗塊 (貴種子)
我就用育苗塊比較多.

插枝迷迭香, 與皇帝菜相宿相棲~~~

2011 佳釀 (12/12/11入樽吽 )~~~



回覆點評:
各位,
多謝讚賞, 我幾中意食呢隻紅葉生菜, 只要天氣唔好太熱, 都 捱 / 食到一段時間的 , 一熱就易開花 . 我覺得用來做三文治最好食~~~
Noel_tt ,
我會加泥蓋一蓋的~~ :)

JicJicmom 發表於 2011-12-15 11:17
不知不覺間, 迷你小蕃茄長得好多果了~~  

積積媽，好鐘意妳盆番茄仔呀~

JicJicmom 發表於 2011-12-15 11:17
不知不覺間, 迷你小蕃茄長得好多果了~~  

積媽，你好。看見你的菜果，都dun你開心。打理的時候，一定好辛苦，但吃的時候，又一定好開心。你的士多啤梨，之前不太強壯，葉子不多，所以要摘花。我的士多啤梨有10片葉，請問可以讓它長花嗎？雖然它還没有花，我問定先啫

回覆springonions : 我的士多啤梨有10片葉，請問可以讓它長花嗎？
Springonion,其實我覺得呢D係睇個人唔同感覺 + 做法, 我唔比佢開花係因為我D苗入泥唔夠幾多日子,棵野又 C 古古咁, 幾日都長唔到一塊葉, 氣色唔太對所以至會搣花.
如果你覺得佢長得唔錯,有進展,泥又夠肥,比佢開花結果又何妨呢? 祝早日開花又結果  

JicJicmom 發表於 2011-12-17 09:47
回覆springonions : 我的士多啤梨有10片葉，請問可以讓它長花嗎？
Springonion,其實我覺得呢D係睇個人唔同 ...

謝謝積媽，明白晒囉，我棵都幾壯健，不停長新葉，如果有花，都可以留囉

睇到你D佳釀..又提醒我..都要釀番D先得...

JicJicmom 發表於 2011-12-17 09:47
回覆springonions : 我的士多啤梨有10片葉，請問可以讓它長花嗎？
Springonion,其實我覺得呢D係睇個人唔同 ...

回覆︰JicJicmom  CK,好耐無見呢~~~我就話釀麩水0者, 你釀咩先?

都係麩水....我忘記左依樣野咩..要讓定囉..

因為天氣都涼番D , 農作物都長得不錯~~
水呢, 就要隔日澆水, 因為放工返到屋企都天黑, 比較冷,怕太夜澆水會凍親D菜XDDDDDDDDD 而家盡量要早少少起身, 澆左水至返工~
上星期為菜菜及士多啤梨追肥, 生長速度快左D .
皇帝菜出橫Y了, 又可以割食, 仲拎左一D比姪仔煲粥仔食. 佢食好多仲要要加粥, 細佬怕佢食到嘔所以唔敢比多, 於是我呢個姑媽又要做快遞, 每日送新鮮菜菜比佢食喇~~~
除左農作物, 響十月時我仲買左一D球根, 都差不多時候要入泥了~~ 所以又有排忙喇~~

回覆︰JicJicmom  我以為你釀糯米酒~~ XDDDD

糯米酒就....停不了   停不了..

路釀一路飲..一路煮一路食...煮雞酒呀...雞蛋酒呀...酒糟糖水呀...
停不了...停不了..

回覆︰2020  早兩晚好口喝,我自己一個吹晒一樽細米酒樽既糯米酒 99浸俾我架,而家無得飲la~_~

果然係靈異小姐...第一次聽到口喝係飲糯米酒既理由....

糯米酒唔難釀架...你都試下丫...好快就有得飲..糯米酒

回覆︰2020  e...... 99果枝唔同你呢枝既色既!!! 佢果枝....好似係紫糯米!

用黑糯米釀會唔同色...另外我朋友話，放好耐果D都會變紅色...

比CK 引一引我, 又手痕......
屋企個廚房爆哂棚了..... 點算...... >.<

回覆點評:
小寶, 你真係引火自焚喇, 我D野放哂入來你可能要訓出屋外面........  XDDDDDDDDD

未有收成  , 都要貼下相~~~  
暫時亦係唯一一粒樹多啤啤努力成長膨大中 ......

有機蕃茄的花~~

另外, 長得不錯的海豚花~~

早2個月買的白玫瑰苗, 呆滯個幾月後再度發育了~~~


回覆點評:
DORA , 張相放大左DD , 呃得下人~~ XDDDDD 真正0既只有手指尾頭咁大架咋~~