luffy 天台小種植+社區園圃種植--(update@27/5)

今日去園圃見到夕張密瓜bb花, 好開心!




白青瓜終於開d正常的花女, 幾靚!




y牌青瓜就來食得tim , 可惜唔夠直




to aazz1234, 希望J型青瓜冇比果蠅針過, 有D擔心

今日收埋天台最後2個沖繩苦瓜, 諗住明天清場, 重新整個好d防蟲網架





園圃的沖繩苦瓜仍然好謝, 經過園圃老師的指點, 苦瓜不能再留下,

以免受病菌感染, 由於好唔捨得, 最後忍痛剪掉1呎以上的所有葉莖,

希望有機會重生!

今日都有收穫, 就係好大條的青瓜 , 一共有2條, 最長的有13吋, 重580g





zoeyuhk, 我未食呀, 希望好味啦, 青瓜好快生, 成功授粉後10左右有得食, 你都就來有得食!
             如果未開花的, 就要等耐少少

to aazz1234, zoeyuhk, 青瓜食左啦, 超好食, 唔苦架, 仲係甜脆冇咩核, 以後都要種呢種青瓜 希望真的有排收啦!  哈哈

to 雨軒, 青瓜有分公花(只有朵黃花)和女花(有個青瓜b係朵花後面), 只要將開左的公花剪下, 除去花瓣用個花芯kiss朵開左的女花, 就是人工授粉, 最好用兩三朵公花kiss一朵女花, 就成功機會高d

luffy 發表於 2011-9-3 22:20
今日收埋最後2個沖繩苦瓜, 諗住明天清場, 重新整個好d防蟲網架

雖然肉赤, 但苦瓜有病可能會惹埋其他菜菜...

早兩日我都忍痛將我3 paul蕃薯葉連泥dum左喇..紅蜘蛛太厲害了....

青瓜好大條呀, 我即刻諗起整壽司細卷, 好味


_________________________________________________________________

紅蜘蛛由蕃薯葉惹到3盆紅莧菜.....

再惹埋盤通菜同豆苗....................................

我惟有勤力d噴1:1000既番梘水...
都有d用既...不過唔治本...

我老媽子話, 人地(紅蜘蛛)好細食既啫, 你咪畀佢食少少囉, 唔好咁小氣啦~~
真係畀佢吹脹...........


_________________________________________________________________

係呀... 我d蕃薯葉點解會死左呢...?
果3個蕃薯變得林之之, 一掂就爛果種...
我估係因為d紅gg.....唉

老媽子今日仲要買蕃薯葉返黎炒, 勾起我既傷心事...

我睇d人話紅gg係唔通風先易有,
但我娘家向北, 好大風架喎....真係諗唔明....

luffy 發表於 2011-8-29 22:47
因為懶, 好耐冇update

我今日放假過左去睇啦, 你地個個都滿滿收成, 種得好好啊, 地方仲要好企理, 超正囉~~
我見啲野又無咩虫害,唔落綱都生得好靚
下次幾時再抽呀?? 我又要抽呀>.<

CHERRY , 抽得嚟天氣涼啲, 務農都無咁辛苦, 你中毒咁深都應該抽下喎haha
luffy , GOOD喎, 咁咪剛好春播囉....下次同你一齊抽
就咁睇就唔多覺有虫喎, 有見到潛潛囉
坑口反而我可以日日去
都可以一齊架...咁多位haha...今日我見到啲人去收割好開心

又一星期啦, 園圃的青瓜長左好多條


除哂袋影左張全家福, 一共有幾多條呢?





開估, 最長有16吋, 似乎老左dd, 最細的都有10吋長架




夕張密瓜開始大啦, 現在係網球size,(多謝muitau分享的夕張密瓜種子)




今日都收左d蕃薯葉食, 有少少老左d, 不過都食得下

用左蒜頭豆豉辣椒抄




白苦瓜, 沖繩苦瓜, 唔知咩原因, 相繼由根開始枯萎, 園圃的苦瓜全軍覆沒


zoeyuhk, 可能好快就有第二個女花

aazz1234, 真係好食, 不過好辣架, 你食唔食得辣架?

karine, 好呀

請問你d青瓜落什麼肥，可以有這麼多瓜。我買ferry morse bush cucumber，得小瓜3，4條，我已經2，3個禮拜施一次花生夫和骨粉。

我見你d車厘茄葉不是太多，請問你有没有剪葉？

Springonions 發表於 2011-9-11 00:33
請問你d青瓜落什麼肥，可以有這麼多瓜。我買ferry morse bush cucumber，得小瓜3，4條，我已經2，3個禮拜施 ...

用什麼鉀肥呀？在那里買？

update 一下天台的情況 , 清左d被害蟲攪到就死植物之後, 花左2日時間, 重新整左個防蟲網架




種左隻T&M的紫色花皮茄, 已經開左第一朵花, 花托冇跌應該結緊茄仔






呢棵係 all female 青瓜, 只會出女花, 有d得意, 唔知生唔生到瓜






修左枝葉的朱告力椒




用左街市買回來的泰國辣椒內的種子, 一隻辣椒有101粒種子




檸檬發左芽了, 呢種檸檬味道有d似酸桔




芥菜有好多蟲, 被我殺剩8棵, 最衰有2隻飛蛾入左去

Springonions 發表於 2011-9-11 00:33
請問你d青瓜落什麼肥，可以有這麼多瓜。我買ferry morse bush cucumber，得小瓜3，4條，我已經2，3個禮拜施 ...

雖然ferry morse 話可以長到7吋，但網上d人話大多只可以長到4，5吋。而我地長到2吋就開始變黄，都唔知點解？請問蕉皮水點整㗎？

Springonions 發表於 2011-9-11 16:38
雖然ferry morse 話可以長到7吋，但網上d人話大多只可以長到4，5吋。而我地長到2吋就開始變黄，都唔知點 ...

唔該呀。

謝謝你啊…他活得很好，我會再努力！

天台的朱告力椒, 修完枝後中左病毒病, 新出葉片畸形失去綠色, 應該冇得救,

但試下用乳酪溝水治療, 希望成功


淋左6日乳酪水的朱告力椒, 冇咩起色




天台的紫花皮茄子長大中




社區園圃的青瓜又有得收




有一條變左U形, 有d奇怪, 原來被可惡的瓜蠅針左, 食少條tim






今個星期都有d驚喜, 就係有白青瓜收, 第一次見長得大






至於夕張密瓜又大左dd




今星期園圃的收成




springonions, 呢種白青瓜冇y牌青瓜咁好食, 個皮有d青味, 食落同普通青瓜差唔多

aazz1234, 我都好期待密瓜收成, "密瓜仔要生生性性, 快d大比我睇", 哈哈

呢兩星期, 社區園圃的所有青瓜同夕張密瓜, 全部死亡, 死因------根瘤線蟲病


好謝的夕張密瓜, 最後殺左



剩下未長大的孤兒




y牌青瓜和白青瓜一樣好謝, 又被殺掉

y牌青瓜的根生左好多瘤



另一棵根瘤亦非常嚴重



最後的收成




園圃雖然多左好多位, 可惜只剩下個半月時間, 要重新種野又要對付線蟲, 希望得啦

天台情況好少少, 開始有收成

上星期收左一條迷你青瓜和花皮的茄子



上星期的 all female 迷你青瓜



今個星期已有幾個長大中的青瓜仔




天台種左一些金色馬齒莧




朱告力辣椒被病毒入侵, 經過20日的乳酪溝水的治療, 情況開始有改善

上星期新出葉子冇咁捲, 葉綠多左



舊葉仍然超肉酸, 捲葉仲有黃點




今個星期的朱告力椒未影相, 明天補拍。 昨天諗住用茶籽粉水殺下泥裡的蟲, 一倒落泥,

即發現朱告力椒盆泥有超過100條粉紅色的蟲走上泥面, 嚇死我, 拍左個video 比園圃老師睇下係咩蟲,

原來全部都是蚯蚓bb。

影左張相, 唔知睇唔睇到呢





momodoll, 我都有諗過唔要架, 太恐怖啦, 連食飯都冇胃口, 但我試緊乳酪水的功效, 唔可以掉左佢, 要繼續醫病毒, 不過我以後都會帶手套先掂d泥


purplelove, 唔係半個月, 係個半月 , 我準備種櫻桃蘿蔔, 金色馬齒莧之類, 應該得掛

今個星期朱告力椒再好多d, 乳酪水應該有效的


經過20日乳酪水, 葉明顯綠左, 正常左, 但新出的葉仍有少量黃點, 病毒未解除, 我要繼續努力







purplelove,  半茶匙純乳酪(要寫住-live culture的), 加水去到500毫升, 我會噴葉同淋泥, 每日都用, 直至好轉先停,
不過會有蚊茲

luffy 發表於 2011-10-2 09:37
今個星期朱告力椒再好多d, 乳酪水應該有效的

luffy, 爬晒你個post 喇, 覺得學左好多野對我好有用! 多謝晒!

我都有種y牌青瓜﹑普通蕃茄﹑生菜﹑蜜瓜等等, 不過都係出緊苗中,
所以早d睇定你個post學下野先!

同埋, 我d辣椒都有你呢個情況, 可能要用你o既方法去搞搞佢至得喇!
(我初初仲以為d陽光勁過頭先會卷埋....)

P.S. 見到你d生菜時, 唔知點解會心跳加速呢   (可能太興奮喇!!!) hahaha...

社區園圃清左青瓜之後, 新種左櫻桃蘿蔔, 金色馬齒莧, 同埋移植左d紅菜頭, 仲有5星期時間, 希望趕得切可以有收成


今日新園圃開田啦, 又係翻土下基肥焗田, 呢幅田好正, 有無遮擋的陽光, 同埋有超多肥大蚯蚓




天台呢兩星期有9條迷你青瓜收, 好好食, 清甜超脆, 下次一定要再種

呢條最大亦最老


收到第7, 8 條青瓜, 開始有d變型, 可能就來尾聲


no.11的青瓜, 仲未長大, 葉開始謝


收左青瓜和留種的金色馬齒莧


自動爆開的金色馬齒莧種子


中左病毒的朱告力椒, 已經正常好多, 但蚜蟲開始侵襲, 噴左清源保, 情況好左d




紫色花皮茄子又有收成


現在仲有3粒長大中


天台菜盆, 種左油麥菜, 櫻桃蘿蔔, 紅菜頭


上次打風吹爛左翠玉瓜的生長點, 現在終於爆左側芽, 好開心


呢棵準備種係新園圃的翠玉瓜, 樣靚好多


準備種係新園圃的薯仔



魚翅瓜亦準備種落新園圃

新園圃開始移苗同播種, 移種左2棵魚翅瓜, 2棵翠玉瓜, 1棵白茄子, 一些薯仔,

同埋播左櫻桃蘿蔔


全田樣貌



一星期的陽光, 令到天台的植物快速生長,

曾患病毒的朱告力椒好返好多, 開始結椒啦



我數過有30幾粒辣椒



天台的紫色花皮茄子, 今星期收左3粒


好靚架, 反哂光


仲有1粒大緊


呢棵就係移左去新園圃的橙色翠玉瓜, 未移前照片, 已經有2粒女花bb



至於天台all female青瓜, 開始老化已經被清除, 呢個最後的收成, 超肉酸 , 不過削左皮都食得架



呢棵係花友分享的紫色辣椒, 好得意, 子葉都係紫色的


天台的菜盆, 油麥菜和櫻桃蘿蔔大左好多, 櫻桃蘿蔔最大的有牛丸size, 唔知幾大先收得呢?





mirry, sheetaada, 因為用個膠樽套住, 可以將多d泥放係膠樽裡面, 防止淋水時泥土沖走左, 蘿蔔就企得穩d,
又可以唔比d葉點到d泥, d葉就唔會一淋水就訓哂係泥度

springonions, 櫻桃蘿蔔老左會苦, 咁就大獲啦, 星期六先落左肥, 起ma一星期後先可以收得, 到時實苦啦

springonions, 而+size就來2吋, 呢個星期大左1吋多d , 大得好快架

purplelove, 我都係跟園圃老師學架, 老師話除左蘿蔔, 生菜細棵時都要套住, 被免d葉訓落泥爛掉

sheetaada, 初初出苗時唔使套住, 長大少少時就需要啦

iceiceice, thx^^

luffy 發表於 2011-10-23 15:33
新園圃開始移苗同播種, 移種左2棵魚翅瓜, 2棵翠玉瓜, 1棵白茄子, 一些薯仔,

同埋播左櫻桃蘿蔔

隻茄好鬼死靚，唔知可唔可以用嚟煮青咖喱呢？

紫色花皮茄子~


又真係~~~幾鬼靚仔啵~~~