水母 diy 左旋C美白抗斑精華液

candyafr 發表於 2011-1-6 13:12
我係用現成Dr. Wx的........唔記得濃度了,我用好多野都敏感的, SK XX枝神仙水,用左2次塊面腫晒 ...

SKXXXX梗係...我以前係佢忠實FANS...但用左一排發覺皮膚變薄，而且好易敏感...(我以前係打不死的小強黎架...)

之後唔敢用停左....DIY後睇到好多訊息...資料...後來都有關於依隻品牌既資料放出黎...

依家自己整反而安全感大d.....

jellyfishy 發表於 2011-1-6 11:33
呀～　係喎～～　我成日聽人講透明質酸用來急救和超強保濕，咁佢可否強化或修補皮膚細胞？ ...

修補應該有作用，唔係點用黎急救呢....

強化呢...我覺得精油既效力持久d囉...

貓后 發表於 2011-1-6 10:43
回復 cklife 的帖子

ck,你而方面資料,有無咩書可以參考下,因為我想了解多d丫

邊方面呀?


---------
家下出街等下番黎再幫你搵資料

jellyfishy 發表於 2011-1-6 10:59
你去花墟linda 個樹和diy姐姐度買，佢地有好多書．
我在台灣都買了本牛爾出的書．

去黃氣係講左C呀....透明質酸主要係補濕

一般我地DIY都係咁做...左C夜晚用....日抖面霜都係透明質酸果類，唔怕曬既材料....

回復 cklife 的帖子

好似你哋好多護膚品都識得diy囉,你睇咩書或資料知道架

cklife 發表於 2011-1-6 13:23
去黃氣係講左C呀....透明質酸主要係補濕

一般我地DIY都係咁做...左C夜晚用....日抖面霜都係透明質酸果類 ...

牛爾書和台灣有ｄｉｙ護膚書教左旋ｃ在早上用，因為佢可以強化表皮抗UV.　所以我日夜都用呀．
至於你話佢去死皮，我睇ｄ書又無咁講呀，用左幾日，又唔覺多左死皮，係咪佢抗游離基和黑色素，所以膚色好左？

jellyfishy 發表於 2011-1-6 13:47
牛爾書和台灣有ｄｉｙ護膚書教左旋ｃ在早上用，因為佢可以強化表皮抗UV.　所以我日夜都用呀．
至於你話佢 ...

我講既唔係睇書...係自己感覺....而且...依D酸好多隻都去死皮架....

不過我建議，依類用品要設定療程時間....即連續用幾耐..要休息幾耐...之後再可以用。我覺得會比較好D....

其實可唔可以日抖用，要睇比料你間公司點講...因為同一樣材料...製做方法唔用...會有分別....

同埋...我既資料係以前既...科技進步...可能改左都唔定...

好似前既膠原蛋白，最初只係覆蓋表面補濕...後來科技進步，己經有可以唔只係表面運作既材料出現喇...

仲有要留意...唔同公司出既材料用法份量，會有分別...最終要問番比材料你既公司。

貓后 發表於 2011-1-6 13:34
回復 cklife 的帖子

好似你哋好多護膚品都識得diy囉,你睇咩書或資料知道架

初學者時睇牛老師既書....

之後去研究個別材料用法，融會貫通再同DIY友討論集思廣益....後來睇大陸既化工書....

不過我己經改左用芳療野，所以依家再無留意化工原料喇.....

cklife 發表於 2011-1-6 17:46
我講既唔係睇書...係自己感覺....而且...依D酸好多隻都去死皮架....

不過我建議，依類用品要設定療程時 ...

我買個隻係第一化工出的, 無 instructions呀，佢mark 100%左旋c 粉，係咁多喇．

我都係睇牛老師的書, 還有一本... 係咪程老師呢? 還有一堆網站資料 ... (已經唔記得D名), 強調左旋c粉可以日間用, 我才用咋. 實在成日要戶外, 呢幾日都有日間戶外工作，可能陽光唔勁，暫時唔覺塊面有光敏問題．反而剛才見到一位２個星期無見的同事，佢無端端讚我皮膚光滑左好多（開心得我呢～～ ). 　咁攪法，點都用晒成樽粉才停 lu ～～
我試過 lemon eo 落面膜（已經俾建議份量少一半），攪到成面紅左成晚～～　哈哈～～　好彩瞓醒無事，用完好似白淨ｄ．但以後都唔敢再試了～

芳療，成本高，以前做過類似facial, 見無乜反應，就暫時唔諗咁多l  (或者係唔敢開始，驚一發不可收拾）.

jellyfishy 發表於 2011-1-6 18:47
我買個隻係第一化工出的, 無 instructions呀，佢mark 100%左旋c 粉，係咁多喇．

我都係睇牛老師的書, 還 ...

咁你用得好就得喇....或者我有記錯野架....因為真係好耐之前既事囉....

你EO落去做面膜用左幾多滴呀......

如果做面膜，係要先做液體，放佢一段時間，要成個星期...再用咖啡紙過濾囉....<---我會咁做...

但面膜我好少用精油，多數用花水....

眼膜就有用過精油，比你試過架喇.....都只係落一滴，就做好多次眼膜架喇...

上次用檸檬精油，覺得會白左...係做面霜架....唔係做面膜

cklife 發表於 2011-1-6 21:19
咁你用得好就得喇....或者我有記錯野架....因為真係好耐之前既事囉....

你EO落去做面膜用左幾多滴呀.... ...

嘩～　用eo 原來要咁多procedures 架．．．　我用個次，十年前都有喇，係一次芳療初班，導師教的配方，都係教1滴開面膜用，咁鬼耐的事，唔記得 details lu~

好奇心帶動下，早幾日根據牛爾配方改少少材料，用 Roman chamomile eo, 金盞花浸泡橄欖油, 紫雲膏麻油和玫瑰花純露水之類的東西做了潤面霜，嘩～　好鬼靚又香，試左幾日，質感好軟好舒服，皮膚無生粒粒．我想問咁樣整面霜，算唔算芳療一種呀？

等我試多一個星期，如果無見負作用，再post 個配方details 出來，又要麻煩ck 和資深花友指導了．

jellyfishy 發表於 2011-1-7 09:11
嘩～　用eo 原來要咁多procedures 架．．．　我用個次，十年前都有喇，係一次芳療初班，導師教的配方，都 ...

其實好多書都只係教加一滴精油做面膜，依個係配方份量。咁實際操作同應用無講詳細，亦有人跟住做係無問題，依個係要視乎個人皮膚敏感度同精油種類。

因為DIY後，極度喜愛我製品既人，大多係有問題皮膚，所以我會選我認為最溫和既方法。
點解要精油同液體混合後要放咁耐呢....其實係等佢地融合，比時間精油裡面水溶性既有效成份溶入液體。而且香味亦要時間融合後會更好。
點解要用咖啡紙過濾呢?因為精油包含非水溶性物質，會係液體表面結團，即係有油點浮係面。唔打散佢直接接觸皮膚可能會起敏感反應。因為大部份精油唔可以直接搽係皮膚，除左少數如真正薰衣草、茶樹等。

記得，有一個芳療前輩同我講，佢學芳療前就試過，係洗澡水中直接滴入精油，用手攪下就浸浴(廣告裡面D靚女都係咁咋)，浸完起敏感。
後來佢明到，因為精油無打散溶入水裡面，而直接接觸到皮膚引致。所以浸溶配方中會見到加入牛乳(含天然乳化劑)，除左加強滋潤外，亦可以避免敏感。

所以，我比你試既眼膜，係加左金縷梅花水，因為金縷梅花水含少量酒精，就算過濾得唔好，佢都會溶左不溶於水既成份，就減少敏感既機會喇。話晒用係眼，係最脆弱既部份，因左靚攪到敏感得不賞失。

ck, 你無俾過眼膜我試呀～～　不過你想的話，我好歡迎架～～　

你個配方都算係芳療產品架....不過係無經過芳療師設計過既產品囉....不過用落覺得有效果咪得囉....皮膚會忠實回答你既。
設計過同未設計過有乜分別呢....

就用煲湯黎比喻....設計過既呢....就係你想清潤一下去買一包清補涼煲湯，大暑去買包去暑湯加冬瓜煲。有目的，有針對性，而處方經有經驗人士考慮過，配伍過既。而針對某D身體狀況，見效較大。而且，比較安全亦比較好味道。設計處方既人，讀過醫書，對醫療有一定能力。

未設計過既配方呢....
自己覺得咩材料對依家身體適合呢...就放入去煲。療效呢...要睇煲湯既人功力喇....同埋佢既直覺力喇。
味道呢...都係一樣囉....
設計處方既人，未必讀過有關既醫書，可能只靠個人經驗，咁就要睇天聰喇...

jellyfishy 發表於 2011-1-7 09:46
ck, 你無俾過眼膜我試呀～～　不過你想的話，我好歡迎架～～　

吓...無呀...可能見你後生諗住你唔洗，所以無比...下次有機會見你，你記得提我....

有幾個人試過，都話好用呀.....尤其係緊膚功效...

預計我無咁快死，應該仲有好幾個十年，我要遲ｄ去學習芳療，咁快走去學，老來無野玩～～　哈哈～～～
以前上過一些芳療初班，都無教你所講的eo落水放幾日的步驟，可能我上的堂太久遠了，當時未有進步到呢個地步？　最近睇打皂的書，都有教打皂前幾天預先混好eo，但無講原因，我唔明，又找唔到進一步資料，現在睇到你咁講，咁我就明晒喇～

還有一事，好幾次打皂，下eo時，我就頭暈作嘔，辛苦過暈車浪！　唔知係咪混eo 入溫暖的皂液時，揮發了很多出來，我受唔到呢？

cklife 發表於 2011-1-6 10:20
皮膚敏感，如果試左係面，有少少拮拮地係正常，可以搽番D蘆薈啫喱。
但如果發覺好似好多隻蟻係度行，又或 ...

現在天氣實在很乾,平日用的啫喱不能持久,都是跟你一樣要加一層油在面封著才夠.

jellyfishy 發表於 2011-1-7 10:02
預計我無咁快死，應該仲有好幾個十年，我要遲ｄ去學習芳療，咁快走去學，老來無野玩～～　哈哈～～～
以前 ...

其實出面係無咁教架....我我睇左好多書，有D書有講咁做..但無講原因...咁我自己試出黎架咋....

所以出去上堂唔會咁教囉...而且...攪到咁麻煩就無人玩架喇。

我覺得你學芳療應該好適合。不過建議你去學德國芳療囉....另外果種唔洗特登學....

我學唔到呀...無記性呀...又化學又生物又解剖學咁.....老師講德文....翻譯講國語....我都唔識講國語....口試死梗....

EO混合左要放一輪先好味嘛....你初混合時，你仲可以聞到佢地分喇幾種精油既味道...果個唔係真正既味道...

放一輪後佢會變左另一種味...你己經好難聞出係乜油溝乜油...果個先係真正既味道....因為己經起左化學反應....


===========

你下次加EO入皂糊時，拎開D個頭，係一個通風既地方加囉...即係有風吹既地方。
可能係EO味太濃，又加埋D皂糊味......你知喇....好多時皂糊又加左D植物粉落去....

剛剛打左一底皂....加左henna粉，陣味都怪怪地，一加EO落去....一陣氣攻上黎都有D想嘔....

撞鬼佢...臘月天都落雨...攪到我都唔知打唔打皂好....唔打遲D春天就更加唔洗打...
見佢話依兩日乾燥，諗住拿拿聲打夏天用既薄荷皂....點知鬼遮眼.....椰子油同棕櫚油份量換轉左....48%椰子油....都唔知要黎做乜好...好彩未落鹹水.....拿拿聲加番D篦麻油，改做洗髮皂....依固章錯就錯配方都唔知得唔得....

唯有等下囉.......

花無知 發表於 2011-1-7 12:44
現在天氣實在很乾,平日用的啫喱不能持久,都是跟你一樣要加一層油在面封著才夠. ...

其實我覺得...如果唔怕麻煩...冬天先用補水配方，跟住再搽番一層油...係最好既...

好似透明質酸咁...係濕度太乾既時候用，佢有時會反吸皮膚上既水份，令皮膚更乾。如果搽完立刻搽番油就可以改善依種情況。

天氣太乾我會停用透明質酸，改敷面後搽油，有時乾得太緊要，就再加層油膏係面(油膏有蠟當保鮮紙用)。

回復 cklife 的帖子

乜而家就要準備夏天用的皂,咁春天咪唔打得皂囉