水母 diy 左旋C美白抗斑精華液

maywong918 發表於 2011-1-5 22:40
我就俾kimkim呢段話毒死..........
"黑眼圈真係淡了！暗瘡印都淡了！面色好似勻衡了......." ...

咁快手, 我都要加快腳步喇........

又報告下～　（引下你地先～）
用了四天，早晚都用．

嗱～　我唔係hard sell, 真係全無商業成份～　我真係覺得面上皮膚柔軟左，乾紋淡左，膚色均勻了，眼圈淡了（太開心喇，哈哈哈！！！）～
也可能原本我唔多理塊面，皮膚本來就幾傷，俾左旋C好多機會發揮（定係我太易滿足呢？）～～　如果給無乜皮膚問題的花友試，佢可能會無乜效果～

旅行後遺症，係咁爆瘡，我一向唔搽暗瘡膏或消炎水，唔知係咪左旋C精華很酸，幫助消炎，暗瘡好快消腫，不過要小心用，咪點到眼和太大的傷口，始終有點嗱～

報告完畢～

花無知 發表於 2011-1-5 19:49
等我都不日上演試下先~~
不過,我皮膚敏感,
穩陣0的,會先搽手手腳腳試下之後才搽臉 ...

皮膚敏感，如果試左係面，有少少拮拮地係正常，可以搽番D蘆薈啫喱。
但如果發覺好似好多隻蟻係度行，又或紅腫，就即係用清水洗走佢，用花水敷一陣再搽番蘆薈啫喱就OK。

唔洗太擔心....

另外皮膚敏感既人用蘆薈啫喱真係唔錯，可以去藥房買，美國出透明膠唧樽既就比較容易買到，可以用，不過唔好搽眼，會攻眼。做眼膜或眼啫喱可以去買永興貨，唔會攻眼。
另外有D加左香精好大陣味(通常係啫喱唧出黎係綠色)就唔建議用喇。聞到我氣管即刻收縮。

老公今個冬天起荨麻疹，都係用蘆薈啫喱攪惦，依家無事喇。
以下係我用既配方︰
蘆薈啫喱100ML+椰子油10ML+甘油10ML+真正薰衣草精油5滴

街買既蘆薈樽可以翻用，我係五蚊銀甘粗既膠針筒(裕華國貨買)，裝左啫喱，再唧入去樽度用。翻用左成十次都個樽仲未爛。

DIY材料可以平過市面好多，但好多時，計落個樽貴過材料好多，尤其係做d平材料時，所以玩DIY既人，會養成儲樽既習慣，尤其係見到D大廠既樽好靚，就算有錢都未必搵到黎買。出去睇化妝品同護膚品變左睇樽....

jellyfishy 發表於 2011-1-5 21:24
對啊~
咁酸，都係用純水好，較安全。

我學DIY前都中左佢毒，果時係屈人寺買，用過後跟住DIY發覺可以自己做，仲平好多好多。
我妹唔多用我整既野，都愛用透明質酸黎急救......(自己係街外買一堆野用到敏感又脫皮就黎求救，但只想用透明質酸，其他野唔想用)

最方便係永興買粉自己開，但最少係10G($225)，如果有幾個人夾份就最好，五個人夾每人2G(22.5)，開水後就有200ML既1%溶液喇....

面膜用50%(1%溶液)，即係可以做出400ML既透明質酸精華液(紙面膜用)<--可以急救脫皮既皮膚，用完面膜唔洗過去，即刻搽油封左個面唔好比水走。
做面霜我會用20-30%(1%溶液)，當佢20%咁就可以做到1000ML補濕面霜。

真係幾抵玩架....

------------------------
我自己用後覺得，左C去黃氣好勁，所以最快見效應該係黃氣比較勁既皮膚，佢可以增加透明感...去斑呢....我果時用無咩斑，睇唔到效果....

另外，檸檬精油去黃氣都好有效，如果可以加埋永久花一齊用就仲好，不過檸檬精油有光敏依個問題，最好夜晚用。

回復 cklife 的帖子

ck,你而方面資料,有無咩書可以參考下,因為我想了解多d丫

貓后 發表於 2011-1-6 10:43
回復 cklife 的帖子

ck,你而方面資料,有無咩書可以參考下,因為我想了解多d丫

你去花墟linda 個樹和diy姐姐度買，佢地有好多書．
我在台灣都買了本牛爾出的書．

ck講的透明質酸係幾好用架．我淨係覺得佢最work係保濕和去乾紋，黃氣，唔多覺好work，可能我個配方落得太少透明質酸．

我成面雀斑又要戶外工作，暫時會用左旋C 做精華，透明質酸做面霜材料～～

回復 jellyfishy 的帖子

唔該晒丫,我都好耐無打理自己塊臉了,你哋講到我都心郁郁丫

貓后 發表於 2011-1-6 11:03
回復 jellyfishy 的帖子

唔該晒丫,我都好耐無打理自己塊臉了,你哋講到我都心郁郁丫  ...

你咁後生又白淨，洗乜點打理～

回復 jellyfishy 的帖子

我懶姐,我對眼出賣咗我了

貓后 發表於 2011-1-6 11:17
回復 jellyfishy 的帖子

我懶姐,我對眼出賣咗我了

真係？　睇唔出～～　
反而覺得你要做下運動，ｄ手手腳腳肌肉好似無乜力．

回復 jellyfishy 的帖子

我都知道要做運動丫,又係懶字囉

貓后 發表於 2011-1-6 11:21
回復 jellyfishy 的帖子

我都知道要做運動丫,又係懶字囉

.... 無肌肉，老來ｄ關節好易受損架～～　到時就補唔到架喇～～　

呀～　係喎～～　我成日聽人講透明質酸用來急救和超強保濕，咁佢可否強化或修補皮膚細胞？

回復 jellyfishy 的帖子

我而家都有了,應該係話細個都有了

貓后 發表於 2011-1-6 11:33
回復 jellyfishy 的帖子

我而家都有了,應該係話細個都有了

可在家做多點強化肌肉的運動，我地好多打波的人都要做，唔做會好易關節痛～

下次見到你，和你分享下～～

回復 jellyfishy 的帖子

好丫

jellyfishy 發表於 2011-1-6 10:59
你去花墟linda 個樹和diy姐姐度買，佢地有好多書．
我在台灣都買了本牛爾出的書．

左旋C呢d,我用唔到,因為我本身d皮膚就好易敏感................透明質酸,我用緊Dr. Wx,但用下間中都要停下,否則好易又敏感;透明質酸eye cream, 我好有興趣................anyway, 多謝水母分享

candyafr 發表於 2011-1-6 12:39
左旋C呢d,我用唔到,因為我本身d皮膚就好易敏感................透明質酸,我用緊Dr. Wx,但用下間中都要停 ...

係呀～　你試過左旋C有敏感？　係咪濃度高呀？　我用5%咋，全無刺激～

jellyfishy 發表於 2011-1-6 13:09
係呀～　你試過左旋C有敏感？　係咪濃度高呀？　我用5%咋，全無刺激～

我係用現成Dr. Wx的........唔記得濃度了,我用好多野都敏感的, SK XX枝神仙水,用左2次塊面腫晒

jellyfishy 發表於 2011-1-6 09:24
又報告下～　（引下你地先～）
用了四天，早晚都用．

皮膚柔軟左(去左死皮嘛)，乾紋淡左(去左死皮，皮膚加快更新，有網友話可以刺激骨膠原增生)，膚色均勻了(去左死皮加快血液循環)，眼圈淡了(去左死皮加快血液循環)

對於平日唔理既人見效梗係快喇.....不過...你眼底有無青血管呀?


大家當笑話聽︰


話說我貪靚，隱約見到少少斑(後來先知係初形成既肝斑)，走左去醫院做彩光，咁個醫生見我無乜斑，咪主力攻我個陳年黑眼圈囉(由小朋友時己經倍住我架喇，我貧血底)。效果唔錯，皮膚緊左，毛孔紅左，眼角幼紋唔見晒，黑眼圈都淡埋。

忽然有一日，老公同我講，你隻眼好肉酸，好似D喪屍咁，有條好粗既青色血管係度，好得人驚。


我照下鏡，真係好明顯好似手背D青筋咁粗。


後來老公話...都係有黑眼圈靚D....


所以....依家唔敢咁大力去黑眼圈囉...希望你眼袋無青筋啦...