水母 diy 左旋C美白抗斑精華液

今次去台灣演出，行程實在密到無私人時間，嚴重唔夠訓和無休息，個樣好殘，還長了幾粒暗瘡～　嗚～
當中只有一個多小時可以在街上自由活動．我選了行圖書館，站到腳軟，但一個小時好不足啊！
買了幾本書，其中有台灣人氣ｄｉｙ護膚品天皇牛爾先生的書．看了幾次，又到網上找寻資料．決定試下這個”diy 左旋C美白抗斑精華液”．

左旋維他命C粉　（我叫佢左旋C) 是甚麼？
學名：Ascorbic Acid (VitaminC)
簡單的說，左旋C 滲透性佳，可以深入皮膚深層，左旋C能還原氧化作用，中和游離自由基，修理受損皮膚，改善皮膚鬆弛老化、皺紋等問題。是增生骨膠原的主要原素。強化皮膚抗紫外線。

詳細資料：
http://www.nicedoctor.com.tw/vitc.php
http://lovepalace.mysinablog.com ... mp;articleId=196723
http://lovepalace.mysinablog.com ... mp;articleId=196710

牛爾配方（我簡化了）
1份　　左旋C粉 （10%)
10份　純水

上網看了一些資料，我攺左少少配方，左旋C粉是很酸的東西（pH below 4)，皮膚敏感者應把左旋C粉著量減半，即5% only.
所以我的配方也只用了5%左旋C粉．
左旋C粉很容易氧化，強烈建議放在雪櫃，七日內盡快用完．變色變味千萬別用了．

用法
牛爾建議早上洗乾淨臉，抹乾水，拿適量左旋C精華拍拍臉頸，和眼四周．之後如常護膚搽cream．
我就早晚都試，唔試過點知佢效用係點．

昨晚第一次試，嘩～　真的如網上評論一樣，好快吸收，拍多ｄ都無防，我諗我用左10cc以上！手掌手背都拍滿精華．
5%左旋C粉，對我來說全沒刺痛感．拍落暗瘡都無事，加上凍水開粉，很凍涼，一站式收毛孔（冬天用，真係有點凍），good～

如常去睡，第二天醒來，望下鏡，無眼花呀？　黑眼圈真係淡了！暗瘡印都淡了！面色好似勻衡了，哈哈～～　唔係掛，一次就有咁明顯分別？台灣後遺症俾左旋C攪掂？

急不及待洗臉再搽左旋C精華，上班時決定lunch 出帖，把這東西報告大家，希望一齊研究下．

回復 jellyfishy 的帖子

多謝你d diy心得丫,

謝謝分享 ....
純水 = 蒸餾水嗎?

flower 發表於 2011-1-5 00:29
謝謝分享 ....
純水 = 蒸餾水嗎?

yes~~
我就用五重過濾水.
也可以用精油純露~

講多少少, 我覺得, 左旋C 最大功用係幫助還原皮膚結構, 強化表皮抗游離基和UV, 助膠原蛋白增生, 減少乾紋, 回復皮膚彈性, 但不會越搽越白, 即係你原本皮膚係咁既質地和膚色, 左旋C 會幫你keep住佢, 或幫你修補, 但唔會令你變左完美膚質.
所以頭幾次用左旋C 時, 皮膚的反應會較大, 特別當我去完旅行, 皮膚特別殘和疲勞時, 搽了左旋C, 第二天效果會很明顯~

我諗我會keep住用, 原因有三:
1. 真係有效;
2. 粉開水, 製作簡單, 容易存放;
3. 左旋C 粉, 很平宜. 遠遠平過市售有牌子的左旋C精華. (一樽粉批發只是幾十港元, 可以開出最少十倍的量! 但市售幾十ml 一般都要幾百元)

jellyfishy 發表於 2011-1-5 08:48
yes~~
我就用五重過濾水.
也可以用精油純露~

可愛傻豬水母,你有足夠睡眠,成個人都靚返晒啦
証明你超愛美,少少改善已經咁開心,我估係男丁見到真係由心度笑出黎
所有化工原料一定平過成品,更加平過有代言人的產品,呢個係商業社會,D人要食腦發達架~

仲有,皮膚既大敵係陽光,要補防晒比甚麼都重要

簡單來說份子由原子形成,同樣的結構排列可能會有分別,維C亦一樣,但結構有分向左排及各右2種,向左的產品是人工改做的
維C係強抗氧化劑,經過研究,大份子會被吸收較慢,比喻來說原來的維C(右旋)會以數十個份子結集成一舊存在,而左旋的份子只會數個結集在一起,結構上體積細左,滲透入皮膚會快D,效果會好D
不過要小心,呢個產品只係修補作用,並不是減少傷害,所以都係果句,出街有冇陽光都要防UVA及UVB

prodorothyhkg 發表於 2011-1-5 10:30
可愛傻豬水母,你有足夠睡眠,成個人都靚返晒啦
証明你超愛美,少少改善已經咁開心,我估係男丁見到真係由 ...

其實番到香港都係唔夠訓，每晚叫自己12am上床，最後都要攪到1am...  唉～～　不過都好過响台灣喇，始終係自己張床．


我估我唔算好愛美，只係怕見到乾紋和甩皮～　ｄ皮膚唔好差落去（或差得咁快），已經飲得杯落～

prodorothyhkg 發表於 2011-1-5 10:39
簡單來說份子由原子形成,同樣的結構排列可能會有分別,維C亦一樣,但結構有分向左排及各右2種,向左的產品是人 ...

似乎佢啱我呢ｄ又唔夠訓又氧化左的人～～　

無計啦，工作成日要戶外，自己又不時有戶外運動～　防曬係有做足，不過雀斑乾紋照出～　

哇～好吸引呀，好0岩我甘喎～

jellyfishy 發表於 2011-1-5 10:52
似乎佢啱我呢ｄ又唔夠訓又氧化左的人～～　

無計啦，工作成日要戶外，自己又不時有戶外運動～ ...

氧化左,即係生鏽,我地都知你生鏽
其實我都好生鏽,由細到大都會自己照顧自己,唔洗老豆呀媽擔心

maywong918 發表於 2011-1-5 10:56
哇～好吸引呀，好0岩我甘喎～

你去置訂的diy 材料店看看～　真係平得很吸引架～～

prodorothyhkg 發表於 2011-1-5 13:51
氧化左,即係生鏽,我地都知你生鏽
其實我都好生鏽,由細到大都會自己照顧自己,唔洗老豆呀媽擔心:victo ...

咁都俾你諗到～

剛敗了本程老師的手工皂講義，準備敗埋她的diy護膚講義～

jellyfishy 發表於 2011-1-5 13:53
你去置訂的diy 材料店看看～　真係平得很吸引架～～

水母護膚產品研發中心

jellyfishy 發表於 2011-1-5 13:54
咁都俾你諗到～   
剛敗了本程老師的手工皂講義，準備敗埋她的diy護膚講義～ ...

以前d人講野有鄉音.......
又向diy姐姐到定係台灣敗回來的?

早幾日diy 了面霜，覺得幾啱自己用．
今晚試埋眼gel~~ 哈哈～～～
因為添了透明質酸～～～　哈哈哈～～

jellyfishy 發表於 2011-1-5 13:57
早幾日diy 了面霜，覺得幾啱自己用．
今晚試埋眼gel~~ 哈哈～～～
因為添了透明質酸～～～　哈哈哈～～ ...

你得架啦 可以慳埋唔少錢,小富婆

我又懶又蠢.........唔知點搞.......
水母大大，不如妳開鋪喇，我第一個幫襯~
(話時話，點解加唔到表情圖既？）

jellyfishy 發表於 2011-1-5 10:52
似乎佢啱我呢ｄ又唔夠訓又氧化左的人～～　

無計啦，工作成日要戶外，自己又不時有戶外運動～ ...

我也是啊,
一星期曬足6日,由日出曬到日落,
仲曬住咁回你貼tim~~~

prodorothyhkg 發表於 2011-1-5 14:01
你得架啦 可以慳埋唔少錢,小富婆

鬼叫我至弱智唔叻錢搵錢！

惟有一味靠慳～　
平平地的面霜現在都要百幾元，但要搽好多，想靚ｄ成份，甚麼含透明質酸／Squalene, 下下都要幾百大洋，就算Olay Oreal 吅等大眾化價錢品牌，一樣要幾百元，用係幾好用，但一樣好快用完～
若果diy ，可以買好靚的材料，但成本好低．長遠計，diy 護膚品點都扺好多～

有日在台灣，趕住出去，唔記得搽防曬和搽少了面霜，未到中午已經睇到乾紋係面上築路，好驚！個日仲要係咁影相，惟有站後ｄ，好驚．．．以前都未試過咁擔心自己皮膚．人大左（唔得唔認老～ )，花在健康和護膚的錢好come計～