康普茶(紅茶菇、冬菇茶)加左目錄係第一頁

alice 發表於 2011-8-15 18:42
ck~~又有問題想請教一下~
浸好的茶液放左去1L水壼~方便平時飲用~(新鮮時有氣的)
不過~過左幾日~咩氣都走哂~ ...

係咪入樽後放在入雪櫃呢....如果入左雪櫃，d菌既活躍度會減低，氣咪少左囉...

中意飲有氣既，最好用耐酸既膠樽，飲幾多就裝幾多出黎，蓋實蓋。放係室溫半日，應該會多番d氣。

我唔中意飲有氣，所以無乜研究，只係拎出黎有氣既話，我就會比佢暴露氣空氣中半日，咁就無氣喇。

點解要膠樽呢.....

因為用玻璃，怕氣多會爆樽，同埋你倒轉佢唔漏水，唔表示佢絶對唔走氣。
我制廚餘酵素就有咁經驗，裡面如果壓力太大，會係蓋邊漏氣。

咁...如果用玻璃樽，無彈性架嘛，有少少氣就走少少，咁點存到氣呢...

膠樽呢，因為有彈性，會好似吹波咁存番少少氣，咪會好d囉...

不過以上我純粹猜測，因為我唔飲有氣既，所以無研究過...

大家搵到d咩方法，可以存到氣係茶裡面，麻煩單聲丫...

cklife 發表於 2011-8-15 19:07
係咪入樽後放在入雪櫃呢....如果入左雪櫃，d菌既活躍度會減低，氣咪少左囉...

中意飲有氣既，最好用耐酸 ...

ck~利害~比你估中左~
我有一個假設
我放片菇落去玻璃水壼度再加保鮮紙~都係放入雪柜~雖然菌無咁活躍~但都比淨荼液多菌~會唔會多氣點?
ck~~我下一水試下上述方法~~再報告~謝謝

另外~我媽媽午飯時飲康普茶250ml~會唔會令個人開胃左~而至肥呢?

飲左一個月康普茶的報告(朝早空腹飲250ml一次)
我覺得個人好似有少少輕左~(不過~無磅過)
皮膚(面部)無咁易出面油同豆豆~~

alice 發表於 2011-8-15 20:27
ck~利害~比你估中左~
我有一個假設
我放片菇落去玻璃水壼度再加保鮮紙~都係放入雪柜~雖然菌無咁活躍~但都 ...

我唔覺飲菇菇茶開胃d，但食完肉類飲，會覺得易消化d，因為我本身消化肉類比較差。食完肉有時會胃頂頂咁，飲左菇茶就會舒服番。

怕肥既話，就要浸耐d，酸d先飲。吸收多左糖都會肥架。

cklife 發表於 2011-8-15 13:19
夏日涼浸浸小食....

將菇菇切丁，放係保鮮盒，灑上黃糖，再灑上鮮薄荷葉碎...放係雪櫃...幾時口痕都有得食 ...

點解你啲菇菇咁白同肥大

ck~~又有問題想請教一下~
浸好的茶液放左去1L水壼~方便平時飲用~(新鮮時有氣的)
不過~過左幾日~咩氣都走哂~覺得無咁好飲~我亦試過用利賓立膠樽~上實個蓋~都係唔得
點做先可以存氣呢?謝謝

夏日涼浸浸小食....

將菇菇切丁，放係保鮮盒，灑上黃糖，再灑上鮮薄荷葉碎...放係雪櫃...幾時口痕都有得食

cklife 發表於 2011-8-15 20:41
我唔覺飲菇菇茶開胃d，但食完肉類飲，會覺得易消化d，因為我本身消化肉類比較差。食完肉有時會胃頂頂咁， ...

明白~~
我試下浸酸D比佢飲~睇下會唔會好點~
謝謝

cklife 發表於 2010-10-18 12:01
送菌比我既網友教我，培養好就入樽放係雪櫃。但我雪櫃無乜位(我好多人同我一樣囉)，而且天氣遲D會凍喇，平 ...

嘩......嚟個post好長呀, 要走捷徑問問題至得, 你好似係舊年10月開始飲, 飲咗咁耐, 覺得有咩效果呀?

初初飲果時消化力好D囉....飲一輪個肚腩扁D囉...

後來無留意喇...酸酸甜甜好過飲汽水，我當普通飲料咋.....

新加入種菇大行動~~希望可以成功啦...=^^=...

bilibala100 發表於 2011-8-30 19:40
新加入種菇大行動~~希望可以成功啦...=^^=...

加油！我都開始種啦！多d來分享下啦！

我開始種菇啦！
因為淨係得我一個人飲，又係第一次浸，所以買左個小小的玻璃樽：


上圖可見，我無菇種，淨係得菇茶(附近齋鋪買的)，打算用菇茶"吽"隻菇出黎
剛倒進去的菇茶，清徹，有少少泡，我在8月23日倒進去的：


今日9月1日，看看"吽"成點：




好似"吽"得好慢咁喎....我放係室溫，櫃內，都一個星期了，見到有少少箘絲(?)
第一次整，希望成功啦！都唔知幾時先有得飲！其實係咪加D糖水+茶落去浸會好D？我咩都無加，直接放菇茶係度由得佢出菇......咁我咩時候先再加茶會好D？係咪等佢塊菇成形之後先？

我的菇菇手記~~

從網友蘭花草分享菇種。（唔記得影低~）

8月29日 - 開始種『我的菇菇』

9月1日 - 開始生長喇~~~~

可能係放入櫃時打斜咗，所以生上個樽頸


見到一塊薄薄的菇菇


斜斜果個就係菇種

我在十多年前都有浸過, 後來因為家裏要裝修弄得所有的菌種都死了.  請問邊位可以送我一個呢? 謝謝!

lilycurry :
我仲有半邊菌種,可以給你...
不過我住元朗..唔知你方唔方便呢??

UPDATE下我第一次浸菇的成果先：
8月23日

.

9月1日

.

9月7日加左茶, 到左9月10日：





D菌好似生得好靚呀：

9月16日, 今日決定個菇夠厚啦, 終於得閒倒出來：





睇睇菇面：


菇底：


應該係健康架可？

而D茶.....由於真係浸得太多日, 勁酸, 好似檸檬汁咁.....下一轉我會記得早D飲 (今次主要目的都係要"吽"隻菇出來啫！唯有咁安慰自己！)

winky 發表於 2011-9-16 16:55
UPDATE下我第一次浸菇的成果先：
8月23日

ok呀....成功喇....

太酸你可以加番d糖水先飲....
有時我自己浸到過晒時間呢...就半樽太酸既菇菇茶，加半樽紅糖水，放佢兩日，味道會變無咁酸，剛剛好。

我之前而經睇個哩個post,,,不過一直無動力去做,,,,

最近身體好似唔多好,,,有d決心做樽黎試下~
不過我想問,隻菇係邊到走出黎,,,,,?
係d糖水到發出黎? 還是要另外整?

031504 發表於 2011-10-10 23:52
我之前而經睇個哩個post,,,不過一直無動力去做,,,,

最近身體好似唔多好,,,有d決心做樽黎試下~

要用菇菌發的，我有菇菌，可以分給你試試

N-Blythe 發表於 2011-10-11 00:11
要用菇菌發的，我有菇菌，可以分給你試試

唔該你先^^

不過我想問下"菇菌"係咩黎@@?
一包粉?,,一D液體?  係咪現貨可以買得到~?還是你自己發的@3@?