康普茶(紅茶菇、冬菇茶)加左目錄係第一頁

031504 發表於 2011-10-11 23:47
唔該你先^^

不過我想問下"菇菌"係咩黎@@?

係菇茶不斷增新出來的，我的菇菌是2010年ck分享的

N-Blythe 發表於 2011-10-12 09:53
係菇茶不斷增新出來的，我的菇菌是2010年ck分享的

o~ic!~

你住邊區的^_^~?
不過我還沒開糖水@@

我老公終於開始飲菇菇茶喇...

原因係..佢有腎石，痛到佢死...而且...今年佢肥左好多...想減肥...
佢飲得勤力過我好多，依家D菇菇茶大部份係佢飲架....

有啊~我有睇個茶點溝@@

N-Blythe > 用黎淋花=0=????

CK: 我有個問題呀。。。如果係大肚婆， 係咪暫時唔飲得架？

呵呵~推一推順便問下野先

我想問Ｄ茶係咪要放一個禮拜先可而落菌母？
還是茶放涼後就即可落菌母？

031504 發表於 2011-11-17 12:56
呵呵~推一推順便問下野先

我想問Ｄ茶係咪要放一個禮拜先可而落菌母？

茶放到室溫就落菌母...

無落菌母...未到一星期D茶應該壞左囉..

浸左咁耐菇菇茶，依家我又有新既做法....

依家浸一瓶飲既，如果超過十四日都唔飲，變得好酸，就將佢當醋倒去一個專放菇菇醋既瓶子。
本來既瓶就重新浸菇菇茶。

咁收集菇菇醋既瓶子呢，裡面既茶係好酸，我會將佢當做醋，而事實上佢既味道同醋無分別。

要醃糖醋蘿蔔、子薑等等時，將菇菇醋裝出黎，加熱殺菌。(唔殺菌你D糖醋子薑面就會有層菇菇係度架喇)
跟住就照制糖醋既方法處理佢。

另一個用法係做清潔用品，即做即用，所以唔洗殺菌。可以用黎洗厠所、抺地等等，我有時都會倒少少落厠所水箱殺菌用。

最近就用黎做左迷迭香醋，無殺菌浸左三個星期，己經有陣迷迭香味，今日攞走舊既香草，重新加入新鮮迷迭香。
平時用新鮮香草浸因為有水份，會怕佢變壞，用活既菇菇茶浸就唔怕，菇菇茶既菌好勁，其他惡菌無定企。

新手報到 ，首先多謝 ck所送菌母，有問題想請教各位。番到屋企即刻放落以凍的茶內，開頭菌母都浮面，之後我將佢搬去櫃面，跟住就沈晒落底。正常嗎？

citylady 發表於 2012-2-4 15:07
新手報到 ，首先多謝 ck所送菌母，有問題想請教各位。番到屋企即刻放落以凍的茶內，開頭菌母都浮 ...

thanks ck ，今日見到面頭有一片薄膜，奇待

多謝ck分享的菇種~

經過了2 週,失敗了1次.終於成功了

ck 呀 ，有事請教，3-2-2012開始浸菇菇茶，今朝發現新菇上有幾點白霉(好細點)，一粒黃霉，
問題如下 : 1 )  菇菇係唔係洗乾淨可重新再浸 ？
                   2 )  噤啲茶可唔可以飲 ？
                   3 )  係唔係我浸得太長時間(共12日)，因為想新菇生得厚D
thanks

cklife  呃...失敗左一次? 忘記左，你係咪用洗潔精洗樽果位呢?  發表於 前天 15:16

================
我用洗潔精洗過個樽...再用熱滾水洗過2次.
我唔知是洗潔精問題還是我量錯分量

最後我換個樽再浸
好在第2次成功

citylady 發表於 2012-2-15 08:11
ck 呀 ，有事請教，3-2-2012開始浸菇菇茶，今朝發現新菇上有幾點白霉(好細點)，一粒黃霉，
問題如下 : 1 )  ...

有無相...整個大特寫黎睇睇...有時...未必真係你諗既霉點...

1 )  菇菇係唔係洗乾淨可重新再浸 ？
可以既，但你懷疑既霉點要剪走佢，用冷開水洗洗佢就可以再浸。要注要唔好比油份污染，佢就好難壞架喇..


2 )  噤啲茶可唔可以飲 ？
試下味，臭覺無怪味，味覺似醋味，就應該無問題。

3 )  係唔係我浸得太長時間(共12日)，因為想新菇生得厚D
唔關時間事，我浸一兩個月都無事。

杳杳然 發表於 2012-2-15 14:28
cklife  呃...失敗左一次? 忘記左，你係咪用洗潔精洗樽果位呢?  發表於 前天 15:16

================

我估係洗潔精問題....

我學做手工皂都係因為洗潔精問題先開始。

又講下估仔.....

當年我買左一套整乳酪既套裝，說明書上寫明唔可以用清潔精洗，其實我都唔明點解唔可以，但佢咁寫我咪照跟囉。
點知個鐘點工人無記性，用左洗潔精洗，從此以後個容器就再做唔出乳酪喇....無論我點處理，用水浸佢幾多日，洗幾多次，冷水熱水曬太陽，點攪都唔得...

咁我先知道，原來洗潔精既附著力係咁大，而且有洗潔精好菌就生存唔到。之後望住屋企既碗碟，就彷佛全部都上左一層洗唔甩既洗潔精。而且，我一邊食飯，一邊食左D洗潔精落肚，洗潔精落左肚，又殺晒我肚既益菌.....跟住既就唔敢諗落去喇...

係...我係想像力豐富左D...但因為消化力一向唔好，我唔敢掉以輕心...

所以就開始左我學做手工皂既人生喇....

大家記得...唔好用洗潔精洗呀...洗完養唔到菌架....

個樽我再用滾水洗過,
E家用來載浸好既菇茶,都ok,開始有菇絲.
我估d菇都應該幾粗生,唔會好似乳酪.洗左救唔番
有你既經驗,將來整乳酪我一定唔會用洗潔精...

cklife 發表於 2012-2-3 15:41
浸左咁耐菇菇茶，依家我又有新既做法....

依家浸一瓶飲既，如果超過十四日都唔飲，變得好酸，就將佢當醋倒 ...

好待別路wor

2020 發表於 2012-2-21 23:13
好待別路wor

其實係普通野....有種香草既人，好多都有浸架...

我只係將醋改左用菇菇茶啫....

杳杳然 發表於 2012-2-16 17:26
個樽我再用滾水洗過,
E家用來載浸好既菇茶,都ok,開始有菇絲.
我估d菇都應該幾粗生,唔會好似乳酪.洗左救唔番 ...

回覆︰[杳杳然  果樽迷迭香醋,試左未??好唔好味?  ]

未呀...仲想浸多一轉香草先飲。

cklife 發表於 2012-2-15 15:03
我估係洗潔精問題....

我學做手工皂都係因為洗潔精問題先開始。

我2010年1月系淘寶買左紅茶菌,milk kefir, 剛剛1月又系淘寶(大陸) and ebay(加拿大)買左太陽菌(water kefir)
成品加拿大的明顯比大陸的好味好多,但用左洗潔精去洗加拿大water kefir個樽之後d kefir就唔再咁活躍了,原來系咁