打皂 - 2 - 14

Purpur 發表於 2015-8-4 19:38
我頭髮幼身髮根又無力, 以前都無咩, 電電燙燙後頭皮敏感左, 好易痕呀, 呢年仲半天就出油, 仲有頭油味

洗 ...

我用過液體(好鬼澀), 仲用唔係用黎洗頭用嘅手工皂(諗住既然係天然, 應該可以由頭洗到落腳掛, 點知用完頭髮好鬼鞋, 後來研究到當中成份係無蓖麻油, 又無山茶花), 次次都要用檸檬酸中和, 洗左2個月都係咁, 好想放棄丫~直到有次偷偷地拎左老公塊洗頭皂用, 真真正正感受到清爽同時又唔會澀嘅順滑感覺, 真係成為我嘅大愛!   

所以我決定, 我嘅第一次就貢獻比個頭

Woodstock 發表於 2015-8-5 09:51
我用過液體(好鬼澀), 仲用唔係用黎洗頭用嘅手工皂(諗住既然係天然, 應該可以由頭洗到落腳掛, 點知用完頭 ...

哈哈哈, 我都重視洗頭皂過沖涼皂架!

檸檬酸中和既份量我都拿捏緊, 好多人講法都唔同, 有D仲話要用蒸餾水開稀...但我洗頭都係普通水咋@@

呢排我都係同水母所講, 10% 啦,

但洗頭皂遷就到頭皮, 就唔到頭髮尾啦, 要另外加油護髮嚕

打算來緊打咩洗頭皂呀?

Purpur 發表於 2015-8-5 10:53
哈哈哈, 我都重視洗頭皂過沖涼皂架!

檸檬酸中和既份量我都拿捏緊, 好多人講法都唔同, 有D仲話要用蒸餾水 ...

我用檸檬酸係好求其架咋, 去數字屋買支煮食用檸汁, 係噴壺到裝水喉水(正如你話齋, 洗頭用水喉水, 潤髮用蒸餾水好似有D奇怪), 裝到夠噴全頭份量, 再加一湯匙檸汁, 噴灑全頭, 過水, 搞掂~~
由於我近排剪短左頭髮, 所以都唔需要髮尾油, 我試過最高紀錄可以去到第3日先洗頭, 個頭都唔會大味同油澀澀。

今個星期想開個黑麥啤首烏壇, 成份比例同啤酒建議都係採自水母配方。尋晚去買左罐Stout黑麥啤, 忍唔住偷飲左幾啖, 原來係甜甜地, 女仔會中意飲。我上網睇過, 原來Stout 黑麥啤係有桂花成份(好香丫), 仲有烤麥芽, 咁都夠滋潤啦。原本我想買黑糖入皂, 宜家改用黑麥啤就可以唔洗另外再買黑糖lu~

Woodstock 發表於 2015-8-5 11:35
我用檸檬酸係好求其架咋, 去數字屋買支煮食用檸汁, 係噴壺到裝水喉水(正如你話齋, 洗頭用水喉水, 潤髮用 ...

聽落好正喎, 你支黑麥啤係邊到買架?

同埋首烏你點樣入皂呀?

成個壺都係一湯匙檸汁, 夠唔夠架? 你就好啦, 短頭髮, 方便好多!!!!

哎呀... 唔夠分.... 咁你地多D參與, 我可加你地分, 夠分就睇到的了.

Purpur 發表於 2015-8-5 11:56
聽落好正喎, 你支黑麥啤係邊到買架?

同埋首烏你點樣入皂呀?

支黑麥啤係邊到買? 任何超市行埋啤酒架, 見到個罐身烏卒卒個D通常都係黑啤, 再揀罐至平嘅
個首烏係諗住LT時, 分小部份皂液開首烏粉, 簡單點做個分層, 唔想等皂液稠嘅就做塊雲石皂吧~

個壺嘅水量及檸檬汁份量當然要因應頭髮多寡已定啦, 我長頭髮個時都係2湯匙就搞掂架喇~最重要係令到每根髮絲都沾得到就可以。

水母, 可以幫忙睇下呢個配方得唔得, 會唔會有咩地方出錯

油:
椰子油 – 98g (28%)
棕櫚油 – 98g (28%)
蓖麻油 – 35g (10%)
荷荷芭油 – 14g (4%)
山茶花油 – 105g (30%)

鹼水 :
NaOH – 52g
甜甜黑麥啤- 130g

添加物： 何首烏粉 – 一茶匙
INS : 155
硬度：38.5

Woodstock 發表於 2015-8-5 14:02
水母, 可以幫忙睇下呢個配方得唔得, 會唔會有咩地方出錯

油:

油比例幾好呀~~ 如果你無計錯NAOH量, 水量預2.5倍較好, 避免速T問題.


添加物方面, 要看皂決液量決定粉量, 你打算用多少GRAM 皂液溝粉?

jellyfishy 發表於 2015-8-5 15:09
油比例幾好呀~~ 如果你無計錯NAOH量, 水量預2.5倍較好, 避免速T問題.

我用在幾個calculator去cross check過, 而水嘅份量都按你嘅建議去到2.5倍, 因為我都會將黑啤先行加熱去左酒精同二氧化碳, 希望到時唔會有速T出現~最緊要唔好搞到入鹼時火山爆發就得

至於粉量, 由於成品會有500G, 如果做分層嘅話, 我打算用180g – 200g皂液, 咁係咪用4g – 5g粉會合適呢?

我今晚都雪了紅酒, 加入你們的酒皂行列

Woodstock 發表於 2015-8-5 15:52
我用在幾個calculator去cross check過, 而水嘅份量都按你嘅建議去到2.5倍, 因為我都會將黑啤先行加熱去左 ...

不要用重量去估算粉量, 無意思的. 用茶匙一匙入皂攪勻, 看色度再決定加多少匙. 一般1-2茶匙植物粉夠150g 皂調色. 但不是每種粉都這樣溝的.

以上為個人經驗

Woodstock 發表於 2015-8-5 11:35
我用檸檬酸係好求其架咋, 去數字屋買支煮食用檸汁, 係噴壺到裝水喉水(正如你話齋, 洗頭用水喉水, 潤髮用 ...

個D檸汁唔食得落口丫~將佢放係個頭到啦

jellyfishy 發表於 2015-8-6 10:08
不要用重量去估算粉量, 無意思的. 用茶匙一匙入皂攪勻, 看色度再決定加多少匙. 一般1-2茶匙植物粉夠150g  ...

咁即係隨心啦~加多加少自己決定~

何首烏粉+黑啤, 皂塊一定烏卒卒

Purpur, 你嘅嘉士X啤酒皂是什麼顏色的?

終於夠分睇前輩D 帖啦, 好感動呀, 要努力D先得！

Purpur: 我有溝左紅棕櫚油呀, 最後溝好出來是....橙橙地既色 好似咁

我都中意紅棕櫚油做皂嘅顏色^^

我家中有罐蘋果酒, 太甜了, 可以試吓

cmchang 發表於 2015-8-7 18:40
我家中有罐蘋果酒, 太甜了, 可以試吓

試呀試呀

我頭先去搵黑麥啤...見到有薑啤, 諗緊入左皂會唔會有薑味...

超市見到有黑啤...無寫黑麥啤...係咪一樣架...