打皂 - 2 - 14

星期日打左皂

油品                重量               百分比
椰子油        125公克        25%
棕櫚油        75公克        15%
橄欖油        50公克        10%
芥花油        50公克        10%
米糠油        50公克        10%
甜杏仁油        100公克        20%
乳木果脂        50公克        10%

打到LT至T時已經盡量打番D 氣泡出來

但打極都仲有好多細粒細粒泡泡....到後尾都見到T 得滯, 決定落模....落模後都係咁"登","登"極都仲有...

琴日脫左模後, 有D唔平滑....

個頂頂個暗位係陰影來...無果凍呀~

甜杏仁皂

細力D打皂, 尤其係最後階段. 用個刮輕輕在皂底推番D泡上來都得.

話時話, 做乜要咁多種油.

jellyfishy 發表於 2015-7-29 09:25
細力D打皂, 尤其係最後階段. 用個刮輕輕在皂底推番D泡上來都得.

話時話, 做乜要咁多種油.  ...

我成日都覺得我打皂手勢唔太好 (得閒要上網搵D片研究下) 打到15分鐘後肩膀已經酸痛, 之後可能大力左啦

Weekend 想整啤酒洗頭皂, 但材料未準備好, 臨時上網搵到個配方話幾滋潤, 諗緊打定冬天用 @@"

同時又可以望下D 油既質地係點


收到!! 我下次試下用刮推下D泡泡

哈哈,好開心做左D皂上來有大家指教到 =), 下次又可以做好D

cmchang
左右手輪流打會唔會好D?

都有試過, 但左手打好慢, 驚影響皂化, hahaaa

Purpur 發表於 2015-7-29 11:01
我成日都覺得我打皂手勢唔太好 (得閒要上網搵D片研究下) 打到15分鐘後肩膀已經酸痛, 之後可能大力左啦:di ...

打皂係要戒急用忍架, 打15-30分鐘係好正常的~~ 哈哈~~

啊~ 我都喜歡啤酒洗頭皂.

一般會用呢個配方:
30%椰子
30%棕櫚
30%苦茶油
10%蓖麻油

啤酒溶鈉方面, 你懂處理嗎?

jellyfishy 發表於 2015-7-29 11:29
打皂係要戒急用忍架, 打15-30分鐘係好正常的~~ 哈哈~~  

啊~ 我都喜歡啤酒洗頭皂.

我星期日朝打開左啤酒, 丟左係雪櫃, 琴晚拎左出來倒放落膠盒到冰
其實都仲有少少氣泡, 唔知怕唔怕

之後都係冰溶鈉咁樣?

想問埋你用幾倍水量呀 (即啤酒)

水母呀, 想請教你既呢個配方:

30%椰子
30%棕櫚
30%苦茶油
10%蓖麻油

用幾多啤酒呀?

Purpur 發表於 2015-7-30 09:56
水母呀, 想請教你既呢個配方:

30%椰子

naoh x 2.5倍 = 啤酒的量. 我個習慣係雪冰前煮一煮啤酒, 大約煮20MIN, 等佢濃D和走晒D 酒精. 都係之前花友春蔥教路~ 所以第一次已成功了.

jellyfishy 發表於 2015-7-30 10:05
naoh x 2.5倍 = 啤酒的量. 我個習慣係雪冰前煮一煮啤酒, 大約煮20MIN, 等佢濃D和走晒D 酒精. 都係之前花 ...

哎呀~我唯有下次先試到呢個處理方法!!

如果冇苦茶油, 可以用橄欖油替代嗎?
苦茶油有什麼功效?

是否所有酒精類飲品都可以用? 我都有支cheapcheap過期紅酒喎~
黑麥啤整出來塊皂d色會唔會深色d呢?

cmchang 發表於 2015-7-30 15:22
如果冇苦茶油, 可以用橄欖油替代嗎?
苦茶油有什麼功效?

其實咁耐我都只係買過/買到山茶花油咋, 山茶花/苦茶油佢地皂化價係一樣, 有D人又話係同一類只係地方叫法唔同@@?

山茶花資料: http://www.soap-diy.com/forum1/thread-152-1-1.html

紅酒可以落呀! 我上網見都有人用紅酒整皂, 但聽講話陣味係好臭的~哈哈哈

黑麥啤應該深色喎! 好似值得試!!!!!!!!

cmchang 發表於 2015-7-30 15:22
如果冇苦茶油, 可以用橄欖油替代嗎?
苦茶油有什麼功效?

紅酒...好臭
究竟係整嗰陣臭定係件皂熟成後臭呀?
咁真係要諗過先...

我之前都試過post條link上尼, 等咗4-5日佢先至重見天日
唔該你呀Purpur.

cmchang 發表於 2015-7-30 16:27
紅酒...好臭
究竟係整嗰陣臭定係件皂熟成後臭呀?
咁真係要諗過先...

多數都係話整個陣臭

D 人上網話" 酒精入鹼得出很臭的味道, (鹼性與單寧酸結合的結果) , 但晾乾一段時間後, 臭味會消失"

同埋出皂後變棕色架!!

你講既黑麥啤反而我有興趣試! 但唔知有咩特別呢, 如果唔係飲落肚會著數d, 哈哈

唔好客氣呀, 有得交流我好開心 =)

jellyfishy
我的酒皂是用黑麥啤呀~

真架? 我都唔知買邊隻啤酒, 我買左嘉X 伯 @@

多謝各位教路!

我最想做嘅就係洗髮皂, 我老公對所有沖涼洗面皂都無咩感覺, 因為我地兩個都無咩皮膚上嘅問題, 沖涼洗面皂只係乾淨同潤嘅分別, 所以對佢黎講, 用唔用天然皂都無咩好大相干。 惟獨洗頭皂, 佢朝朝都要洗頭, 好快就feel到用手造皂會無咁快出頭油, 去到第2日頭皮都好乾爽。所以佢未用哂就已經追住問我拎下一塊~

可惜我係初哥一名, 學藝未精, 仲未整到洗頭皂比佢

Woodstock, 大家都係新手.
如果有好嘅配方不防一試, 起碼尼度有前輩俾到意見,
唔駛盲中中, 我見你整嗰d皂都好好, 一齊玩啦
係臭d姐

Woodstock 發表於 2015-8-3 17:25
多謝各位教路!

我最想做嘅就係洗髮皂, 我老公對所有沖涼洗面皂都無咩感覺, 因為我地兩個都無咩皮膚上嘅問 ...

我頭髮幼身髮根又無力, 以前都無咩, 電電燙燙後頭皮敏感左, 好易痕呀, 呢年仲半天就出油, 仲有頭油味

洗頭皂買過液體( 好笠, 可能仲係適應期), 手工皂 (仲係好重好笠) , 開始諗住唔再試啦, 再轉另賣家手工洗頭皂終於FEEL到頭皮呼吸感啦~!!同埋好乾爽呀

我都唔敢一下子自己打洗頭皂, 因為未摸熟自己頭髮確實質地, 買現成一舊唔岩都唔怕, 唔使自己打350g 落左心機發覺唔岩~:p

期待你既出品呀

今日係公司好忙,想放相都放唔到!

星期日到我試打奶皂啦~

D 奶比我想像中焦得快, 都已經搵冰鎮住架啦~都係好快變色~!

溝好的鈉好多"渣", 倒落油前都搵左蘺隔濾, 合後都仲見到D 粒粒咁, 一路打個鍋邊見到有呢D:



有D 懷疑係咪自己溶鈉溶得唔好呢? 明明搞左好耐啦

打左15分鐘後又無咁覺呢D粒粒啦

昨晚脫模後


細眼看見到皂中有D微微淺色粒粒, 佈滿的, 唔知係咪奶脂來呢....係咪正常呢.....

為方便大家找尋手工皂洗髮的資料，現就我個人經驗提供以下心得供大家參考：

手工皂洗頭的心得:

或許大家都有聽過, 由於頭髮和頭皮被市售洗頭水裡的化學劑和瑩光劑膠住左, 初用手工皂洗髮, 要有適應期, 一般人一個月左右, 起初d 頭髮好似洗極唔乾淨, 手工皂抹幾多落頭都無乜泡, 洗完頭d 頭髮會笠笠的, 甚至會有d 頭髮開叉和黃左, 這是正常反應, 因為頭髮甩左d 膠, 原本開叉的頭髮會俾你見到. 只要過了適應期, 頭髮會光鮮d, 無咁易斷, 甚至會長多左.
頭髮原本嚴重受損的話, 初用手工皂洗頭, 也可能甩多了頭髮, 因為有些頭髮由根到毛囊受市售洗髮水化學物封得太久, 很傷了, 當手工皂洗掉化學物時, 受傷的頭髮會現形~ 等幾個星期, 生長頭髮的週期更新後, 會發現頭髮實淨左, 頭油都少左架~

我個適應期大約二三個星期, 可能因為我無電或染過, 所以比較快適應.  有朋友更短到好似無適應期一樣, 也有朋友有電髮和染髮, 佢就要個多月適應期了.
亦有朋友老公原本好多頭皮和頭痕, 用左手工皂後, 無晒敏感和頭皮.

想找護髮素代替品潤頭髮，可用醋開水 1:1 或5%-10%檸檬酸開水，或檸檬汁溝水，搽上頭髮後再過水，你會feel 到頭髮上多餘的油和污垢甩出來，吹乾頭髮後，頭髮會很軟很柔順的．這是物理反應，酸性中和鹼性，使油份釋出，同時打開頭髮鱗片，令卡在頭髮鱗片上的污垢甩出來～　令頭髮油亮但清爽．

無論造鈉皂或鉀皂，個人不建議SF，減鈉，或鉀皂有不完全皂化的油份．這些做法都會令洗後的頭髮皂垢增多，不利清潔．

以上全是個人經驗，僅供參考．

---------
菊花散洗髮皂
http://hkplants.com/forum.php?mo ... 0419&fromuid=36
(出處: 香港園藝館)

cmchang 發表於 2015-8-4 18:03
Woodstock, 大家都係新手.
如果有好嘅配方不防一試, 起碼尼度有前輩俾到意見,
唔駛盲中中, 我見你整嗰d皂都 ...

你見我整個D皂都係有導師從旁指導架, 我都仲未試過自己係屋企整, 你同PurPur都已經整左幾底, 我都仲係講多過做 , 不過我已經買齊工具, 準備今個星期係屋企開壇作法喇