室內蔬果園－2011年回顧#608

sandylam好多品種~

我真係搬屋啵~
我由一個房搬去一間屋.
打算個廳一排窗全部留黎種蔬果.
我係窗前加層架做個窗台,再加燈補光.
咁樣已經可以容納好多蔬果.
房間個窗就種迷你花花.
室內有室內好,室外有室外好,我又覺得各有各好啵.
室內種會少好多蟲架!
室外種,只係捉蟲都捉到頭暈.

村屋今日睇過,超鍾意呀.
不過,樓價仲係好貴,唔捨得.
一陣公司又裁員,到時唔知點鬼算.
都係留多少少蛋藥到好平先出手.
村屋做樓按又難少少又怕難甩手.
我同男友已經好慳,希望最終可以買到心頭好啦.

[ 本帖最後由 sandylam 於 2008-11-1 23:19 編輯 ]

Sandy

期待......你的新天地

Sandy,好想睇下你新廳個果園,haha...
其實我都諗緊我廳窗台都可以種多D野
不過就要好認真諗點種法...
你搬好D盆之後等我參考下先..hehe
我今日都睇過將軍澳既村屋
連天台既一般都要 二百五萬左右
真係貴左D....你睇既係邊區呀？

我都好緊張呀~
到時請大家黎坐吓啦

我住大圍區,但我果邊都好貴架.
其實我覺得大埔環境好又平,不過我男友好唔鍾意.

呢度既植物大部份都係人地送架.
我因為地方太細,如果我去買種子,一包我種三年都種唔完.
每款幾粒我已經可以玩好耐.

Sandy,我由細到大都住香港東....
住村屋對我黎講真係極大改變
見到呢度D人既天台真係好鬼正
但係其實真係唔知自已適唔適應到
其實你買種子之後可以同呢度D人分享呀！
我都分享左好多,佢地又會比番好多唔同既種子你嫁！

我試過買花墟既種子,好多都種唔出,發芽率好低.
而自己採收既蔬果,我有好多種子,不過發芽率超低,如果分享二十粒比人,人地都未必出到一粒,有時候又會因為基因問題出唔到果或種唔大.
種唔出既種子都無謂比人,費事人地白費心機.
種子我都係試過種到先比人架.
不過,有時候買一包種子,放吓放吓都唔記得左有佢既存在.
種子都有保存期,過左保存期就會浪費左.

我男友都習慣住九龍,要佢住新界有少少唔習慣.
特別三樓連天台既村屋,要行三層樓梯.
我地有煮飯,所以要抬米.
我地又有貓同其他寵物,所以要抬貓砂同糧草.
如果種埋咁多花草,仲要抬埋泥.
冬天還好,到夏天返到屋企身水身汗,攞住包米攬住枝油,望住三層樓梯,真係想暈低.

haha..Sandy,樓梯真係可以行行下就慣嫁.
我以前試過租銅鑼灣唐五樓 (即係第六層)
果時都有養鼠鼠,又有煮飯
真係唔係講笑,行左一頭半頭月之後就唔覺會累
連 pat pat 都 firm 埋,hahahah....
原來你d種子係自已採收咁勁？
即係你成功種過好多野啦！
咁我o係屋入面種都有番D希望...
佢地成日話我種D野唔夠光
你可唔可以又比D意見我呀？
http://www.hkplants.com/viewthre ... p;extra=&page=1

北風到啦~
睇吓氣溫濕度先.



天氣乾燥,花花要戴帽.



橘子貓變得太大隻,好似無一頂帽啱佢戴喎!

蘋果同士多啤梨就最鍾意呢種氣溫.
越來越大隻.

富士蘋果又高左.


有機士多啤梨都大左好多.


夕張蜜瓜花一直開,但全部麻甩佬,無乸花啵~
一直爬到上天花又開花.





菜菜就生長得麻麻地,仲係企唔穩.
30日菜心,但種左二個星期仲係咁幼.

牛油豆結埋最後一條豆,要同大家講聲再見.
成棵都黃曬,就留返最後一條豆比我.
但係...呢條係三條之中最靚仔既.
除左夠直,仲成十一厘米架!



黄金車厘茄又開始結果.
我加左肥比佢,修左葉同花,暫時進展唔錯.



好啦! 各位,我休耕啦!
月尾搬屋,暫停下種.

祝你好快又開耕

s andy，請問你個溫度+濕度計係邊度買嫁?要幾錢呀?

另外，恭喜晒，好快有新小天地喇，幾時會有紅炸彈?

溫度計加濕度計係鴨寮街買,幾十蚊個,有平有貴.
我一個人住之嘛. 未有咁快啵~

原帖由 sandylam 於 2008-11-10 13:24 發表
溫度計加濕度計係鴨寮街買,幾十蚊個,有平有貴.
我一個人住之嘛. 未有咁快啵~

he he...住吓住吓就兩個人架啦~
咁你係咪簡咗元朗區呀?? 我以前都想買村屋，所以睇咗好多樓，由元朗到沙田，大美督，大埔，將軍澳，我最鍾意都係元朗，因為買野方便，但最終都係男友家人反對冇住到村屋，很可惜...
咁祝你早日開花結果啦

磨菇,你元朗邊度呀?

原帖由 小寶 於 2008-11-10 15:14 發表
磨菇,你元朗邊度呀?

冇住到村屋呀，男友家人反對呀! 又話遠，又話上落樓梯好辛苦 (雖然都唔係同住)，咪將就吓啦，都唔想d老人家唔高興，差d就買咗"山貝河畔"喇。因為好朋友都住元朗，所以成日入去玩，咪鍾意元朗law。

咁你係咪住元朗呀? 咪可以成日約sandylam出黎玩law?

我都唔知sandy會搬入元朗,唔知佢元朗邊度呢...可pm喎