室內蔬果園－2011年回顧#608

最後係生菜~
盆仔就快迫爆.
天氣咁凍,最靚係佢.
不過有幾塊葉都似有少少凍傷.

阿蛙哥 !!!!!!!!!!!!! 你又在何方呀 ?????
XDDDDDDDDDDDD
JicJicmom 發表於 2009-1-6 13:29

積積媽!SORRY!
睇漏眼添!
冬天是難發D呀!
好似SANDY講,找個熟D蘋果就好易找到發左芽O既核啦
如果找唔到,
還可試用溫水來浸核
如有陽光就曬下佢
應易D發

蛙哥~
試個新方法啦~
浸過粒核,去殼去衣,再浸水,先將粒仁插入泥,二日就掂.

sandy...生菜種得好靚啵!

生菜就食得

公主真係好鍾意食, me too.

其實唔係咁難啵~
你想要咩蘋果呀http://a2233.myweb.hinet.net/msn/cactus/cactus%20(11).gif
sandylam 發表於 2009-1-7 13:23

呢度Sandy都係種蘋果能手啦!
我都係食完蘋果就將個果芯去種,
但硬係唔出苗, 所以Sandy要繼續種,
種到苗就星期五通知我在地鐵站交收好嗎?

想要咩蘋果?
我喜歡王林, 皮有啡色斑點,
熟左有好香濃既香蕉味,
味道也較甜.

恭喜發財~
祝各位 身體健康,萬事如意,心想事成!!

365# BanbieChan

因為朋友教我落肥後要二星期後先可以收,我上星期先加左魚肥,所以要再等一星期先食得.
生菜係有少少葉個葉邊枯枯地咁,唔知係咪凍傷左少少.
我剪左又等佢再生過.
我等~~~

367# kwanyeehui

鈞哥,

咩叫王林蘋果?
係咪好細粒果種?
我男友查實唔係咁鍾意食蘋果,所以我好少買貴蘋果返黎.
最近過年,吉吉島都多左好多貴價生果.
只係蘋果都多到眼花撩亂.

sandy...比心基種多D款色嘅蘋果啦!

好快變蘋果専家嚕!

種蘋果要好大地方,應該未必得.
我諗蕃茄會容易少少.
西生菜未食得,佢啱啱先開始包心咋.

生菜包心嚕~
但其實真係種左好耐,再唔食我都怕會老.
等多幾日就算無結成球都是要收.
生菜唔知會唔會老苦添.

367# kwanyeehui

鈞哥,

咩叫王林蘋果?
係咪好細粒果種?
我男友查實唔係咁鍾意食蘋果,所以我好少買貴蘋果返黎.
最近過年,吉吉島都多左好多貴價生果.
只係蘋果都多到眼花撩亂. ...
sandylam 發表於 2009-1-26 12:54

玉林蘋果體吉吉島賣咗好耐囉, 最貴時25.9/個, 平嗰陣試過13.9/個, 過年時15.9/個
優點夠香及甜度成10度, 肉夠爽脆缺點皮硬少少囉! 我種意用黎整沙律!

原來吉之島有咁多寶物.
等我食埋二隻蘋果再買黎玩.

想問你D蘋果係唔係喑曬架???

暗曬?
我個窗門係向東,只有早上同黃昏有太陽,正午唔會直照.
蘋果喜涼,最怕熱.

<春播成績>

又係到春天既時候,响立春同立春前後,我又落左一堆種子,總算出左小小苗.


室內小苗圃

最高既係王林蘋果.
前面有牛油生菜同老師分享既唐生菜.
最旁邊有老師既車前草同網友分享既櫻桃鼠尾草.
藍莓,蒲公英,洋甘菊一點反應都仲未有.
黑莓,油麥同白菜就係新落種既.


甘筍同老師分享既紅菜頭都出左世啦.
不過紅菜頭出左一棵但又死左一棵.
結果都係要補返一粒種子.
甘筍又好似真係密得濟
雖然我係打算到時疏苗,但密到好似雜草咁.


小青瓜落三粒出左一粒


王林蘋果
2月5日下種,就快打開子葉啦~
積積媽,你個仔仔呀
再過幾日應該可以打開埋個子葉.
其實真葉已經比子葉夾住,就快伸出黎同陽光玩遊戲.


水種麥草
第二次種既改良版.
係水苔加珍珠岩.
暫時感覺都唔錯.

春天大更新 - 提子

我男友既巨峰提子同森美分享既巨峰提子


起初返黎,一棵得返一塊葉,一棵得三塊葉.
但到左春天,突然出左好多新葉呀~

二棵提子前面既係王林蘋果.
呢棵係我男友既傑作.
佢見我整,佢又食完個蘋果攞粒核偷偷整.
又生得幾靚既.

青提


森美既青提生得好靚呀~
又多左新葉.

春天種蕃茄

蕃茄真係好好種.
雖然我麻麻地鍾意食,但總係要種返少少黎玩.


棗紅蕃茄
發苗率很高,種二粒出二粒,好左我係上網買散裝,只係買左五粒咁多
餘下三粒,我寄左比網友嚕.
種子始終放得耐唔好,影響發芽率.
所以唔合時種唔切既,我都盡量少留.


之前九死一生既黄金車厘茄
母株比我剪到好醜様,我放左佢响室外種.
母株開緊花啵.
呢個仔仔都生得幾靚仔.