鬧市中的一角淨土

劉伯你鐘意邊棵豐產黃呀

恭喜你完成工程，以後一勞永逸，  去旅行都吾驚啦！

cylau0910 發表於 2014-4-15 22:09
恭喜你完成工程，以後一勞永逸，  去旅行都吾驚啦！

謝謝，還要一些時問做微調。

好羨慕啊......有一天台,係我的夢想! 因為種植對住大廈的人有好大難題~地方,陽光!!

呢排天氣好，發現好多果樹都陸續開花結果。

黄皮樹去年無果，今年除老根，換新泥。現在出新葉，仲開花添。


菠蘿亦大咗啲。


蕃茄亦結果。


種咗好幾年，估唔到今年龍眼都開花。


買番嚟嘅日本士多啤梨好大粒，用佢啲種籽培植出嚟嘅幼苗亦大咗好多。如果順利渡夏，年底就有得食。


熱情果亦陸續開花。

可能是雨水多，黃皮和龍眼的花都落了。幸好熱情果、桃和蕃茄都結了果，無花果也開始見果，四季桔現在結果有點覺得不合時宜。






kkhope－－劉伯，你的天台真係好正啊，有咁多唔同種類嘅果樹 ^o^

多謝。年紀大咗，又退咗休，收入少咗，冇錢成日去街消費。所以得閒就喺天台整呢樣嗰樣。而家都差唔多爆滿，唔敢再引進果樹了。

咁多好野一齊賀你, 快啲買六合彩啦

好犀利，你個鬧市一角越來越有規模啦

嘩!好正呀!種咗好多嘢喎!收成都好好!

呢排日日落雨，做唔到乜嘢工夫。啲無花果開始見果，諗住等好天要整個網俾佢地防蟲防雀。

集中埋啲無花果一齊，易於管理。


Ice Crystal生長得好好，不過仲未見果。


熱情果啲花就俾雨打落哂，結咗果就繼續漲大，唔知仲有冇花開？


日本士多啤梨亦長得很好。


美國長柄草莓此較細棵，生長還是正常


花友送啲青檸幼苗仲係好細小。要小心保護。

無花果很正, 快到熟時要做好防雀功夫 !

mayl12 發表於 2014-5-11 20:15
無花果很正, 快到熟時要做好防雀功夫 !

多謝，我正計劃整個網，因為落雨，做唔到工夫，要等好天至算。不過己經畫咗圖，遲下去搬材料。


lauchokiu－－－好叻呀…你樣樣都識diy

－－－冇嘢做，得閒搞呢樣，搞個樣。買唔到，揾人造又貴又未必合心意，唯有自己整。

kkhope－－－劉伯，你真係好厲害啊，完全不必假手於人呢，設計圖都畫得咁好 ^^

－－－冇辩法，唔整就冇得用，啲無花果俾雀食哂就喊都無謂。

不僅種花種果咁靚，連設計都咁叻。

種植及手作同樣出色！我會常來欣賞你的鬧市淨土

pandabb 發表於 2014-5-12 11:10
種植及手作同樣出色！我會常來欣賞你的鬧市淨土

多謝，今曰天氣好，買材料搭架整網。而家天黑，影唔到相。明天上載俾大家睇睇。不過驚用網後擋住太陽，唔夠光照。

係咪想咁樣整?

但其實無花果係一隻蟹, 鐘意向橫生長, 所以我最後用袋每個果包

candylpy 發表於 2014-5-12 21:35
但其實無花果係一隻蟹, 鐘意向橫生長, 所以我最後用袋每個果包

你種咁多無花果，逐個果包咪包到手軟？