鬧市中的一角淨土

tclau 發表於 2014-5-13 13:20
天天下雨，昨日終於放晴，趕忙出街買料整網。網整好咗，仲要慢慢試驗，睇下用網之後，通風同日照減少對無 ...

劉伯伯很厲害，網屋既實用又為淨土增添點點浪漫氣氛！

簡直像沙漠綠洲一樣, 現在的新樓樓頂已經不能再用來種東西了.

tclau 發表於 2014-5-13 13:20
天天下雨，昨日終於放晴，趕忙出街買料整網。網整好咗，仲要慢慢試驗，睇下用網之後，通風同日照減少對無 ...

令我想起蚊帳 !

早日做咗個網，有農友話似蚊帳，我自己都覺得通風同日照都有問題，今日重做，好似好咗啲。不過祇防雀，不防蟲。

有果先落網啦

candylpy 發表於 2014-5-15 20:44
有果先落網啦

謝謝Candy提點，我祇是未雨綢繆而己。影完相就捲起，到有需要用先放番落嚟。
好似下圖咁樣。


忽然諗起，個骨架原來仲可以有另一用處，就係落雨嘅時侯，加塊膠布遮雨水。

tclau 發表於 2014-5-15 21:49
謝謝Candy提點，我祇是未雨綢繆而己。影完相就捲起，到有需要用先放番落嚟。忽然諗起，個骨架原來仲可以 ...

咁好好多，又通風又防雀，再加避雨，比你一百分 刘伯好犀利！

tclau 發表於 2014-5-15 21:49
謝謝Candy提點，我祇是未雨綢繆而己。影完相就捲起，到有需要用先放番落嚟。
好似下圖咁樣。

kkhope－－－避雨都好重要，我嘅無花果無得避，搞到3粒果發霉了 :

同意。唔知係唔係果熟先至須要避雨？
其實你都可以整番個類似嘅篷，六分燈喉九呎一條大約六元，三叉，曲等配件大約兩元一個，去啲大間電器鋪買可能仲平些少。如果唔係好大間，使用大約少於一百元。

劉伯伯好主意，太曬又可以加多個遮光網。我去年頭搬到西貢有個天台仔種多D花，好開心，可惜去年連場大雨浸C左好多,好心痛。後來用角鐵搭左個架,上面綁左遮光網，個幾月前綁多塊帆布遮雨，但一個大風雨的晚上，差D連個架都玩完，因為太大塊好食風之餘，中間聚得太多水，急忙系雨中整穿幾個洞好去水及瀉力,近幾日連場風雨，塊帆布已一分為二，正在擔心，見到你圖文並茂，真系感激，連之前種菜遇到的問題都解決左，多謝！！

嘩!好犀呀!厨餘桶都係自己整!我都有幾個桶想自己整,但係唔識整!

小蘭子 發表於 2014-5-16 21:16
劉伯伯好主意，太曬又可以加多個遮光網。我去年頭搬到西貢有個天台仔種多D花，好開心，可惜去年連場大雨浸C ...

我會再整過，多謝你的指點

芝士寶寶 發表於 2014-5-16 23:49
嘩!好犀呀!厨餘桶都係自己整!我都有幾個桶想自己整,但係唔識整!

唔難整。在桶下最低位開一個插得入水喉閘嘅孔，插個開關閘入去，用金剛泥塗實就搞掂（要四週塗勻，確保唔會偏漏水，大約二三小時就乾）。內部於高於出水口處加一個網隔住啲廚餘同泥。令全部材料都可以在五金鋪買到。（金剛泥真係好好用，啲膠嘅或瓦嘅花盆爛咗都可以黏番好，細罐嘅大概賣＄３５－３８一套兩緒罐。）

tclau 發表於 2014-5-17 09:36
唔難整。在桶下最低位開一個插得入水喉閘嘅孔，插個開關閘入去，用金剛泥塗實就搞掂（要四週塗勻，確保唔 ...

candylpy－－－我唧玻璃膠咋

－－－原來你都鍾意自己整野。玻璃膠一樣啫。不過拾幾廿蚊一枝膠，如果有多野整就經濟啲，如果剩係整一個廚餘桶，剩番啲膠就會浪費咗。金剛泥如果唔混埋，擺一年都冇問題。都係睇唔同環境同需要，各有優點。

tclau 發表於 2014-5-17 09:36
唔難整。在桶下最低位開一個插得入水喉閘嘅孔，插個開關閘入去，用金剛泥塗實就搞掂（要四週塗勻，確保唔 ...

謝謝!

上次大廈維修，換咸水喉，啲工人喺地下掘一條槽放水喉，事後又冇補好，於是大雨水去唔切，流到槽。搞到水浸䢂。
由於我用天台，大廈委員會主席話請我負責維修。搞咗一輪，卒之搞掂，希望以後唔駛冇

tclau 發表於 2014-5-26 20:17
上次大廈維修，換咸水喉，啲工人喺地下掘一條槽放水喉，事後又冇補好，於是大雨水去唔切，流到槽。搞到水浸 ...

咁架电梯整好未呀？  你真係能幹，大小工程都難不到你！

cylau0910 發表於 2014-5-27 00:03
咁架电梯整好未呀？  你真係能幹，大小工程都難不到你！

電梯其實冇壞到，祇係積水，電梯公司避免意外而熄機，星期六清理咗積水就開番。大廈揾人出標，要好幾千蚊，自己做祇需幾十蚊材料錢同幾小時工夫，唔駛等招標等程序費時，快快脆開番

無花果生長情况不算差，祇有中紫和波姬紅結了幾個疏落的果，其他的就是不結果。
農友說要施紅牛鉀肥，我祇施厨餘液和魚肥，看來要試一試紅牛鉀了。

中紫有十來個果

波姬紅的果比較大，但稀疏，祇有六七個

其他祇見長葉不長果

係唔係趁呢啲時候摘頂芽，摧生橫枝？


順帶一提，雀鳥猖獗，桃剛熟，雖然用網保蘐咗，仲係俾雀搞成咁

好多果喎! 你试吓喺個架出面同入面掛啲CD,我厔後有樹林都有好多雀 ,我都係掛CD同插啲竹係頭到插啲空嘅膠水樽都成功趕雀。

芝士寶寶 發表於 2014-6-13 21:48
好多果喎! 你试吓喺個架出面同入面掛啲CD,我厔後有樹林都有好多雀 ,我都係掛CD同插啲竹係頭到插啲空嘅膠水 ...

多謝你的提點。而家俾雀啄嘅係啲桃，啲無花果己經整咗一個網籠罩住，暫時未有事（可能因為啲果未熟）。我曾經掛過CD，不過對面大廈向管理處投訴，話有啲光照過去令佢哋好唔舒服咁話。