鬧市中的一角淨土

tclau 發表於 2013-11-27 20:23
花友Candylpy分享到一棵「布蘭瑞克」無花果高壓枝同燈籠果。
Cylau又俾咗一棵「Ice Crystal」嘅高壓枝同幾 ...

tclau 伯伯，吾好客氣，禮上往來啫，好多謝你的瓷畫，農历年吾洗買菊花啦！仲教識我好多野添！ 多謝你。

有5L的EM水有少少味！有興趣旺角取！

今日收到團購的青皮，立刻回家上盆，希望觟種得成功。
最近可能雀仔搵唔到食，啲無花果用尼龍網都保護唔到，俾雀仔整穿尼龍網俍哂。甚至連業都食埋。士多啤梨亦不能幸免。所以要用鐓絲網保護，應該會比較好。

啲士多啤梨開花結果，但係都俾雀仔食哂。



所以放棄尼龍網，改用鐵絲網保護啲無花果同士多卑梨。




candy---天氣太凍,蟲都死晒,所以雀仔唔放過你D美食  發表於 18 分鐘前

係啦，佢地食果，食葉，食芽。希望鐵絲網保護到啲植物，下季有果食。

淨土的無花果陸續落葉，應該係進入休眠期。唯獨ice crystal和土耳其黑果還枝葉茂盛，土耳其黑果還長出花來，不知是否我搞錯咗

ice crystal 枝葉茂盛，還長出新芽


土耳其黑果是小小實生苗


居然在頂部開花，唔知係唔係我插錯標籤？


kkhope－－開花嘅應該唔係無花果，啲葉唔似 :p ~

我相信都係有啲唔妥，可能花友下種時同其他種子撈亂咗。我睇都係種大佢，再睇佢似乜。再向花友求証。

似是雜草.

朋友的朋友從澳洲帶回两枝無花果枝條和幾個無花果, 果實好大個, 可借未熟, 味苦澀. 立刻插種枝條, 雖然不知是什麼品種,期望明年有果食.


mikecho－－－其實這枝条可分開兩三条來插！露出1-2芽就夠,扦插首重保濕,露出太多反為不好(個人意見)
Thanks，Mike．我一陣剪成兩截，希望可以種多棵。

tclau 發表於 2014-1-14 19:08
淨土的無花果陸續落葉，應該係進入休眠期。唯獨ice crystal和土耳其黑果還枝葉茂盛，土耳其黑果還長出花來 ...

candy-－－尾2果棵(不似無花果)是否開了淺紫的花

啲花白色，應該係雜草．可能因為啲葉同無花果幼苗相似，撈亂咗．我仲有两棵幼苗，希望唔會再搞錯．

有人請吃日本士多啤梨, 夠大粒, 賣相靚, 價錢貴, 計落為十幾蚊一粒. 講到味道, 同其他街市十幾蚊一盒嗰啲冇乜分別.
咁貴嘅野真係食唔起, 於是留番嚟採種子種植.

留低日本士多啤梨種子播種


用尼龍網罩住,唔好俾雀仔食咗


去年種鋶韓國士多啤梨陸續開花結果


即使用雞仔網圍住都會俾雀仔食哂

tclau 發表於 2014-1-22 17:20
朋友的朋友從澳洲帶回两枝無花果枝條和幾個無花果, 果實好大個, 可借未熟, 味苦澀. 立刻插種枝條, 雖然不知 ...

ChowChow---果很大，枝條很粗  發表於 2 分鐘前
係呀，可惜啲果未熟，唔食得，又唔種得，得個睇字。希望啲枝條扦插成功，但至今一星期，一啲動靜都冇。

昨天弟弟送來一盆盛放的桃花，花密、重瓣、色淡，直徑約两吋，香港頗為稀有，希望種得好，明年有花開。弟婦很喜歡赤紅的蕙蘭，我的蘭花也開得不錯，正好投桃報「蘭」

「壽帶」桃花，香港比較罕見，弟弟的朋友由外地引進回港接種。有多的一盆送給我。

投桃報「蘭」。


種開啁棵果桃，單瓣、色淡，尤如村姑娥眉淡埽，益顯素雅。


candy-－－你棵重瓣桃花,驟眼看還以為牡丹,真係好靚
謝謝，呢樣品種比較少見，朋友由內地運回來，準備用的芽在港接種。

yukyo－－－好靚旣花，唔知點解d果桃令我諗起旗袍
我都係鍾意果桃啲花多啲，人面桃花相影紅，如果紅到好似年花緋桃咁紅就美人變關公了。

前輩個天台好靚，我台都都整個魚池，但係唔知點拉電制供電俾水泵同過濾器，請問前輩個泵嘅供電點整先防水,唔怕日曬雨淋呢?
唔該晒!!!

iceman97 發表於 2014-2-11 14:11
前輩個天台好靚，我台都都整個魚池，但係唔知點拉電制供電俾水泵同過濾器，請問前輩個泵嘅供電點整先防水, ...

天台在建造之初己經四周裝有膠喉內通電線供照明用，建魚池後在適當地方（第一篇第一二圖）安裝電箱，電箱約１０吋ｘ１０吋ｘ５吋，底部鑽兩個約一吋孔，安裝兩個喉嘴（喉嘴的作用是保謢電線免被弄傷漏電）。電線由電源穿入膠喉，引至電箱，由底部穿上。電箱裝上一排接電排，分配到fuse，時間掣，再由底部另一喉嘴引出到潛水泵。所有電線接駁都在電箱內，電箱除了底部電線進出外，蓋上面版就應該完令防水。
１．電線由底部進出是為了避免電箱入水。
２．所有電箱，接電排，fuse座，喉嘴等都可到上海街或觀塘鴻圖道的水電器材店買到。
３．電箱宜裝在較高的地方。
４．電箱宜大不宜小，因為日後可因需要加裝氣泵，繼電器，時間掣等器材。
５．電箱有膠製，有不銹鋼造。各有長短，膠箱易安裝，不傳電。不銹鋼箱安裝配件困難，價高，耐用，美觀。

mikecho----用电首重安全,一定要有漏电斷路器
完全同意。一般來說現在應該所有電插蘇都接有水氣跳掣，祇要接電線時正確連接地線，火線和水線就安全了。

tclau 發表於 2014-2-11 21:00
天台在建造之初己經四周裝有膠喉內通電線供照明用，建魚池後在適當地方（第一篇第一二圖）安裝電箱，電箱 ...

等我去鴻圖道睇下先!
唔該晒,前輩!!!

劉伯你之前提過的豐產黃點樣?

candylpy 發表於 2014-2-12 11:09
劉伯你之前提過的豐產黃點樣?

棵豐產黃瓜到好直，變成一枯枝，連之前剪落嚟插種嘅枝條都唔掂。
你俾我棵燈籠花頂部燶咗，不過底部開出唔少新枝。
棵布蘭瑞克落哂葉，有兩個綠芽，遲下應該會長出新葉。

朋友從澳洲帶回來的枝條比較老，仲未見有乜進展。阿Ｍｉｋｅ話枝條長得滯，會遇份蒸發水份，所以截短成兩枝插種。

從團購分到三棵威海青皮，一棵分咗俾花友，兩棵都己經長出新葉。

我好鐘意你個花園呀,同埋你好好心機打理盆栽

我媽都係,外家有幾塊田種菜,種果樹,例如龍眼,荔枝,黃皮,檸檬,都是精神寄託的一種,哈哈

有嗰天台用嚟拈花惹草係人生一大樂趣,羨慕.

春天的花卉開得爛，因為没有持別處理，一切順應自然，所以緋桃現在才盛放。
士多啤梨也結果了。

tclau 發表於 2014-2-28 21:28
春天的花卉開得爛，因為没有持別處理，一切順應自然，所以緋桃現在才盛放。
士多啤梨也結果了。

惠蘭，杜娟，桃花及士多啤梨花，淨土出產全都開得燦爛，刘伯伯好叻叻！