鬧市中的一角淨土

嘩!好犀呀!厨餘桶都係自己整!我都有幾個桶想自己整,但係唔識整!

小蘭子 發表於 2014-5-16 21:16
劉伯伯好主意，太曬又可以加多個遮光網。我去年頭搬到西貢有個天台仔種多D花，好開心，可惜去年連場大雨浸C ...

我會再整過，多謝你的指點

芝士寶寶 發表於 2014-5-16 23:49
嘩!好犀呀!厨餘桶都係自己整!我都有幾個桶想自己整,但係唔識整!

唔難整。在桶下最低位開一個插得入水喉閘嘅孔，插個開關閘入去，用金剛泥塗實就搞掂（要四週塗勻，確保唔會偏漏水，大約二三小時就乾）。內部於高於出水口處加一個網隔住啲廚餘同泥。令全部材料都可以在五金鋪買到。（金剛泥真係好好用，啲膠嘅或瓦嘅花盆爛咗都可以黏番好，細罐嘅大概賣＄３５－３８一套兩緒罐。）

tclau 發表於 2014-5-17 09:36
唔難整。在桶下最低位開一個插得入水喉閘嘅孔，插個開關閘入去，用金剛泥塗實就搞掂（要四週塗勻，確保唔 ...

candylpy－－－我唧玻璃膠咋

－－－原來你都鍾意自己整野。玻璃膠一樣啫。不過拾幾廿蚊一枝膠，如果有多野整就經濟啲，如果剩係整一個廚餘桶，剩番啲膠就會浪費咗。金剛泥如果唔混埋，擺一年都冇問題。都係睇唔同環境同需要，各有優點。

tclau 發表於 2014-5-17 09:36
唔難整。在桶下最低位開一個插得入水喉閘嘅孔，插個開關閘入去，用金剛泥塗實就搞掂（要四週塗勻，確保唔 ...

謝謝!

上次大廈維修，換咸水喉，啲工人喺地下掘一條槽放水喉，事後又冇補好，於是大雨水去唔切，流到槽。搞到水浸䢂。
由於我用天台，大廈委員會主席話請我負責維修。搞咗一輪，卒之搞掂，希望以後唔駛冇

tclau 發表於 2014-5-26 20:17
上次大廈維修，換咸水喉，啲工人喺地下掘一條槽放水喉，事後又冇補好，於是大雨水去唔切，流到槽。搞到水浸 ...

咁架电梯整好未呀？  你真係能幹，大小工程都難不到你！

cylau0910 發表於 2014-5-27 00:03
咁架电梯整好未呀？  你真係能幹，大小工程都難不到你！

電梯其實冇壞到，祇係積水，電梯公司避免意外而熄機，星期六清理咗積水就開番。大廈揾人出標，要好幾千蚊，自己做祇需幾十蚊材料錢同幾小時工夫，唔駛等招標等程序費時，快快脆開番

無花果生長情况不算差，祇有中紫和波姬紅結了幾個疏落的果，其他的就是不結果。
農友說要施紅牛鉀肥，我祇施厨餘液和魚肥，看來要試一試紅牛鉀了。

中紫有十來個果

波姬紅的果比較大，但稀疏，祇有六七個

其他祇見長葉不長果

係唔係趁呢啲時候摘頂芽，摧生橫枝？


順帶一提，雀鳥猖獗，桃剛熟，雖然用網保蘐咗，仲係俾雀搞成咁

好多果喎! 你试吓喺個架出面同入面掛啲CD,我厔後有樹林都有好多雀 ,我都係掛CD同插啲竹係頭到插啲空嘅膠水樽都成功趕雀。

芝士寶寶 發表於 2014-6-13 21:48
好多果喎! 你试吓喺個架出面同入面掛啲CD,我厔後有樹林都有好多雀 ,我都係掛CD同插啲竹係頭到插啲空嘅膠水 ...

多謝你的提點。而家俾雀啄嘅係啲桃，啲無花果己經整咗一個網籠罩住，暫時未有事（可能因為啲果未熟）。我曾經掛過CD，不過對面大廈向管理處投訴，話有啲光照過去令佢哋好唔舒服咁話。

tclau 發表於 2014-6-13 22:57
多謝你的提點。而家俾雀啄嘅係啲桃，啲無花果己經整咗一個網籠罩住，暫時未有事（可能因為啲果未熟）。我 ...

可以試吓養隻貓, 不過係12蚊店黑色嗰隻, 好似幾有用

試下用大既裝袋啦

candylpy 發表於 2014-6-14 08:42
試下用大既裝袋啦

啲雀真係又惡又聰明，亦有試過用大袋裝住，結果都係搞成咁。

而家試下用大嘅尼龍網成棵樹縷住，睇下有冇效。
改良過嘅網好似有效，不過要隻隻果都咁搞法應該唔可能。

tclau 發表於 2014-3-22 21:36
啲魚肥擺左三個月，而家唔係好難睇，有啲似腐乳同酒味。

lola－－－－我的魚肥太臭，已經全部棄置了！(>﹏<)  發表於 10 分鐘前

－－－－唔知係唔係你冇加糖？我嗰啲臭一两個禮拜左右，之後就好似腐乳咁味，或者話茅台酒味。

tclau 發表於 2014-6-13 22:57
多謝你的提點。而家俾雀啄嘅係啲桃，啲無花果己經整咗一個網籠罩住，暫時未有事（可能因為啲果未熟）。我 ...

芝士寶寶 －－－試試掛風車，我用新年嗰D!或用竹支扎十字掛件舊衫加頂帽整稻草人

－－－掛風車都係好主意噃。
           世事有時都幾矛盾，一邊品茶一邊聰雀仔唱歌，都係一件樂事，佢哋食我啲四季桔、蕃茄、枇杷、洛神花冇問題，我淨係唔想佢地偷食我啲桃同無花果。

tclau 發表於 2014-5-17 09:36
唔難整。在桶下最低位開一個插得入水喉閘嘅孔，插個開關閘入去，用金剛泥塗實就搞掂（要四週塗勻，確保唔 ...

劉伯， 我都有膠同瓦盆想補。你提到既金剛泥係點用？

yukyo 發表於 2014-6-16 02:57
劉伯， 我都有膠同瓦盆想補。你提到既金剛泥係點用？

金剛泥一盒有AB两瓶，因住所需份量，每瓶取大約相同份量，搓勻塗補在須要處，待三两小時乾透即可。有時可沾些少水，令混合泥軟些，至適度塗抹，或要令表面光滑點，亦可用水輕抹。金剛泥喺五金鋪或鸭寮街有售，價錢大約三十五至三十八左右。

我係內地有人請我吃一隻生果，有鵝蛋咁大，果肉黄色，好似黃心熟蕃薯咁味，仲帶有芒果香，當地人都唔知佢叫乜。粒核有一蚊銀咁大，我攞番嚟種，有冇人知佢係乜？

tclau 發表於 2014-6-27 18:47
我係內地有人請我吃一隻生果，有鵝蛋咁大，果肉黄色，好似黃心熟蕃薯咁味，仲帶有芒果香，當地人都唔知佢叫 ...

應該係雞蛋果