鬼故(真人真事)

d小朋友鍾意萬聖節多過聖誕(除了假期多外),可以扮鬼扮馬,又可以夜晚明正言順出去玩,開心死啦

今晚就係啦

猛鬼 出笼。

冇得去呀,金毛仔老豆要上大陸做野,好夜先返

啱啱先發現呢個貼,一次過由一樓睇,睇咗我三個幾鐘,內容好精彩.

嘩！犀利呀！

嘩！犀利呀！
虛宿寶瓶 發表於 2009-3-17 16:48

鬼故我就無,但有兩個自己嚇自己既,唔知你無興趣呢?

講黎聽下啦，呢個 post 好耐冇野睇過啦！

第一個,無乜驚嚇性,仲幾攪笑TIM.
我細佬同佢女朋友去台灣豉油行,夜晚佢地為咗慳錢(留嚟SHOPPING),入住咗一間簡陋既旅館,入到佢女朋友話,呢度好似好恐怖(因為舊呀o麻),夜晚佢兩個背對背咁坐喺張床度,女既喺度睇電視,跟住聽到我細佬喺度講嘢(依然係背對背坐),跟住女既突然好驚咁問我細佬(好大反應嗰種)「你做乜嘢呀!你,你同邊個講嘢?」我細佬俾佢突如其來既反應都嚇咗一跳,兩秒之後,我細佬就講「姐姐呀!我未同你講梗嘢囉!你話我食煙唔好向住你,咁我未背住你囉!」但係女既仲係話驚瞓唔著,結果因為電視無嘢瞓,佢地瞓咗成晚AV嚟等時間過.
第二個,主人係我,前年去泰國,之前成日聽人講嗰度啲酒店好多嗰啲嘢,聽得多所以....
嗰日中午落機,跟住就有行程,所以好夜先返酒店,去到之後咁導遊叫我地CHECK房,咁就CHECK啦!跟住我行到一幅窗簾前面,我打開佢,跟住俾自己喺玻璃窗個反影嚇咗一跳(我初時以為後面係露台).定一定之後見到原來係自己,個人就定咗少少,但接住嚟我就聽到有個女人講嘢,好細聲咁,我同自己講,聽錯姐,唔好自己嚇自己,但係隔咗一陣,我都係仲聽到有人個女人好細聲咁講嘢,開始好驚,我就走去同我老公講呢件事,跟住都幾好笑,我老公話,我都聽到喎!好似喺你身上傳出嚟咁,我先記得我袋住個手提電話,因為我電話壞壞地,佢自己解KEYLOCK,咁就重撥去我自己屋企,咁我聽電話啦!我老媽仲問我做乜係咁打返嚟?今日已經打咗好多次,聽到有人講嘢,但我又唔出聲!真係俾佢激死,電話費平咩!由我聽到有女人講嘢,到我拎起個電話,成六、七分鐘,佢仲係咁喺到「喂」,見我電話不停打返去,又唔講嘢,都應該估到我電話無KEYLOCK啦!呢個電話佢就「喂」六分鐘,之前嗰啲佢又唔知「喂」咗幾耐先收線TIM呀!

哈哈哈哈！第二個好笑 d ！結果你張電話單幾銀呢？

哈哈哈哈！第二個好笑 d ！結果你張電話單幾銀呢？
虛宿寶瓶 發表於 2009-3-17 23:31

咁耐唔記得LU,不過佢都係怕我有事先「喂」咁耐姐.

我都偶然發現左呢個post...係公司間斷咁睇左2日...我真係唔敢係公司睇...

touch wood...我無見到既經驗...但有feel到既經驗

自己既經驗

俾野壓
大約5-6年班時試過有一次全身動彈不得...當時意識清楚...因為原本睇緊赤的疑惑，屋企人未訓...我亦未訓...後尾我好驚...係個心度不停咁唸主禱文...不過又無用...結果真係要講...大佬...唔好攪我...我細路女黎架咋...跟住無幾耐就可以郁返

夜半叫聲
果年我讀緊中學啦...唔記得中幾...有一晚...我訓到半夜...人係半睡狀態，突然聽到阿媽叫我...我好肯定係阿媽把聲...但好似好遠咁...我本能想回應...唔知點解突然諗起...如果有人叫你唔好隨便應會俾野勾左去果d傳言...個人定一定神...當時我地住d好細既公屋...我訓上格...父母訓下格...我就望下阿媽...見佢已經熟睡左...當堂成個人嚇醒左...跟住攬住本聖經好耐好耐先訓返

暗黑影子
年紀細細既我...唔信邪...走去踢人地既地主公...果晚就係屋企騎樓成晚望見有黑影飛黎飛去...第二朝拿拿臨去返個地主公面前講對唔住啦...

銀仙驚魂
呢次真係無妄之災，我又無份玩...係家姐同d同學係屋企玩...我唔知當中發生咩事...但當日所有在場人士...包括我...都有血光之災咯

我果d全部都好零碎...仲有少少...但要收工啦...再post...

post埋呢個先...呢個係我同家姐既事...
當時我都讀緊小學...家姐讀中學...有一年...父母返左鄉下...得我同家姐係屋企...係連續幾晚...我地都係夜晚聽到騎樓 (舊時公屋...廚房係騎樓)傳來ping ping bon bon既聲...好似d煲呀碗呀俾人拎黎撞黎撞去咁...呢件事我好深刻架...因為我地兩個都聽到...同埋真係好驚...最慘係得我地兩個...你眼望我眼...唯有孖舖訓...大家為對方壯膽...

喂，講完未架？下集呢？

第一個,無乜驚嚇性,仲幾攪笑TIM.
我細佬同佢女朋友去台灣豉油行,夜晚佢地為咗慳錢(留嚟SHOPPING),入住咗一間簡陋既旅館,入到佢女朋友話,呢度好似好恐怖(因為舊呀o麻),夜晚佢兩個背對背咁坐喺張床度,女既喺度睇電視, ...
cotychan 發表於 2009-3-17 20:20

妳咁好笑既 !

呵呵...黎緊...其實我果D無追看性既...話說我既EX...據佢自己講...佢細時有陰陽眼...由細見到大...後尾屋企人搵師傅幫佢封左...就見唔到只感覺到...果時同佢拍拖...唔係俾野嚇親...係俾佢嚇死...搭搭下LIFT又叫人地唔好企邊個位...話有野係果個位...行行下街又突然自言自語...直到今日...我都覺得...可能佢係拎住呢D野黎呃一D無知少女...(好不幸...當年我都係其一)

不過..有一次...同佢 & 我既朋友去露營...果次...都有D野發生...

我地一行5人...2男3女...係一個打緊三號風球但風和日麗既日子決定出發去露營...仲要去左一個幾山KA LA既地方...要係西貢包船去既...果時預定行程係3日2夜...就叫左船家隔日去接我地...

去到...就經過一D丟空左既村屋...都有少少居民見到...咁...我地繼續行去一d可以紮營既地方...終於搵下搵...搵下搵...傍晚時份就紮好左營...點知...

我地無一個人發現到...紮營既地方...附近原來有好幾座山墳...已經心裡面打個突...加埋我個陰陽眼ex又再次神神化化咁...大家都有d不安...但一黎已經天黑...二黎...真係累啦...咁當時已經決定左...第二朝要拔營換地方...我個ex就四周行一圈...一路口中唸唸有詞咁...

夜晚...個風打到黎...我地都匿晒入個營度...又唔出得去...d風聲好大...都幾驚架...我個ex...話佢隻腳脂係咁自己郁...肯定附近有野喎...(之但係...會腳脂郁架咩？)大家都唔敢訓...我個ex又話聽到出面有咩腳步聲...但我又咩都聽唔到...其他人亦不置可否咁...由於我已經習慣左佢既神化野...我又累啦...就訓左...咩都無理...

天矇光...ex就叫醒我話要快d拔營走...好趕急咁...其實當時出面仲落緊雨...我一d都唔明白...點解唔等真係天光先？但我地book架船明明要再一日先黎接我地...結果我地去左果d丟空既村屋度過左第二晚...

後尾大家坐底傾返...先至發現...同行我地5個人...有3個都聽到有軍boot聲成晚圍住我地個camp行黎行去...死...而家我自己講返都有少少毛管洞...但礙於大家都唔敢係當時講太多...我同另一個女仔又好似咩感覺都無...所以...去左安全地方佢地先拎返出黎傾...

呢單野...由始至終我係咩感覺都無...只係身邊有幾個人都聽到腳步聲...

睇唔到、聽唔到係褔氣黎o既！

咁自從你鬧完之後就再冇事發生?

有日某人不經意行經一間舊書店, 反正有空就入去看一下, 心目中也沒有甚麼買的, 看到一本殘舊的書, 書名為: 一百種招鬼的方法
好奇心驅使下, 他拿了上來看, 看了數頁, 覺得也很有趣, 突然一陣涼風吹在他後腦, 一隻手從後伸過來拿著他那本書, 他轉頭一看, 完來是一個老怕
老伯瞪著眼, 對他說: 這裏不可以看書的, 你要看就買回來去看
他於是就拿了書去櫃枱付款, 是另一個老伯收錢的, 他問多少錢, 這個老伯說100元, 他覺得太貴, 就和他議價, 但老伯一分錢不肯減, 不知為何, 他被這書吸引著, 就用100元把書買下來.
老伯一邊把書包好, 一邊望著他, 想了一回, 才對他說: 你給我聽好, 這本書, 你千萬不要看最後一頁, 看了會有很不愉快的事情發生.

他拿了書回家, 一直在想最看了最後一頁會有甚麼事情發生, 但又不敢看, 當看書時也用手壓著最後數頁以免不小心看到了.  如是者幾個月也沒甚麼事情發生, 不過有一次, 他看書時睡倒了, 當他醒來時, 窗外打起風來, 把書一頁一頁的吹開來, 他馬上撲過去, 一手按著書, 當他從指縫看過去, 啊! 竟然是最後一頁.  他想, 可能是天固然安排他看到這一頁, 反正是大白天, 有甚麼事發生也可以大叫找人幫手.

於是他慢慢把手於開, 一看之下, 驚叫了出來, 出現在他眼前的是.................
...................................................................................
...................................................................................
...................................................................................
...................................................................................
...................................................................................

你地想唔想我講出嚟呀??

我估呢個係笑話多個係鬼故囉！首領你耍人嘅~~~~