回復 13138# 糖不甩
老師: 請你教下我種野啦,我因為有PAUL指天椒苗苗駕崩了,好傷心啊!
人人都話佢易種,我好有心機甘種到有5,6块真葉了,移了盘,本來還很健康,但過了個多星期就DUM了,
系咪過早移呢?另外,椒椒系咪怕日照呢?我發現晒的時間稍長(個多小時)佢地就DUM頭DUM腦,好心疼啊!
=========================================================
你好!
指天椒真係好易種架!
我一般會等苗苗啲根生得濃密(最喜根纏滿土塊)先至移種嘅!
無論移到地上或盤中都完全唔係問題因為根本冇傷過啲根.
即係話移苗後可以正常進行一般栽種工作如澆水, 施肥及曬太陽....
假如移種前棵嘢唔夠壯健, 挖出苗苗移位時又傷到根部, 嗱, 又唔係噉講囉,
因為傷過根原故, 移位後就唔可以俾佢曬住嘞, 亦不能淋得太多水, 啲泥太濕架!
尤其是體曝露情況下被雨水浸透後出大太陽狂曬, 好容易頭耷耷起唔翻身架!
日曬後枝軟葉耷係正常反應, 但如果根部發育健全主莖又夠粗壯,
加上泥土供水正常, 噉嘅情況就會減輕, 肯定唔會搞到耷頭耷腦起唔翻身嘅!![](static/image/smiley/default/sweat.gif) |