本帖最後由 花園仔 於 2010-9-28 21:46 編輯
回復 13165# muitau
老師早各位早!
妹頭及大家好!
你咁有心機問, 我又得閒慢慢答你喇:
回復 13118# 花園仔
而草本植物我就有保留嘞! 因為插枝方式所生出嘅根唔及原生咁濃密,
到植株膨大時根部供水俾枝葉有時會力不從心, 好容易枝軟葉耷起唔翻身架!
============================
請問草本植物係咪都包括埋香草類?即係如果夠耐性,種子種出黎會壯過插支呀?
嗱! 所以我唔鍾意人地體我帖子採取<引用>方式回帖嘅原因之一嘞,
睇帖要逐個字全條睇至得架馬, 你睇全條點講:
小寶好!
嗱! 盡管壇上好多朋友喜歡以插枝方式黎栽種植物,
我認為必須要<合理化>而唔係<可行性>呢!
對於大型植株而言 , 採用插枝法我認為木本植物OK嘅.
而草本植物我就有保留嘞! 因為插枝方式所生出嘅根唔及原生咁濃密,
到植株膨大時根部供水俾枝葉有時會力不從心, 好容易枝軟葉耷起唔翻身架!
我指嘅係<大型植株>吖馬, 啲香草類小型植物點都冇所謂啦!
不過我喜歡用種籽發芽栽種多啲, 覺得棵嘢會長命啲囉!
回復 13133# 花園仔
艾草留一棵夠你種到四圍都係啦
====================
因為我驚問埋啲無聊問題,岩岩上網查,話艾係多年生,請問老師如果我想佢長駐係咪又係搣走啲花就得架喇?
因為我上星期至插支左一盤比朋友,如果一年生,我要通知佢有心理準備啊!
哈哈! 呢個問題問得好喎!
我都冇留意艾草究竟係一年生剩係多年生嘅!
因我嘅艾草未試過種體盤度 -- 多種體地上或牆邊角落位,
年年到種籽枯咗就掹曬佢地走, 遲啲又一地都係嘞, 好似珍珠菜噉唔使理佢地架!
我諗你試吓等花枯後收集完種籽先剪, 試吓囉!
其實用種籽繁殖仲好啦, 你睇街市邊啲婆婆佢地都連根拔起黎賣就知喇!
回復 13132# 花園仔
仲記唔記得先前嘅溫馨提示亞!
9月24日下午落咗啲嘅種籽, 唔夠24小時就發芽嘞!
====================
我牢牢記住呀老師,追月下畫我用紙巾浸住,
第2朝已經咁樣喇 (可惜呢幾日我都超多應酬,而家佢地成1.5cm都仲未移入泥 )
嘩! 使唔使出到紙巾咁激亞?
體屋企用苗盤用泥培苗等苗苗夠大至移種仲方便啦!
仲有老師,
我買種子果日3兄得50日,我問佢同60有咩唔同佢話一樣,雖然我唔係全信不過我又無理據...
其實除左收成多10日外,食味同植株強壯度係咪有分別架? 因為我見你都幾強調60日!
嗱! 佢一啲都冇呃你架! 種籽係一樣嘅!
舉例:
<60日菜心>即從中秋節落種籽到收成大概體11月20日.
<50日菜心>由11月20日收成期反向即國慶節前落種籽.
噉<50日菜心>嘅生長期少咗10日梗係冇<60日菜心>咁好啦!
唔係都唔出溫馨提示啦!
其實只係相差10日左右又點食得出有乜分別吖! 心理嘅啫! 嘻嘻!
<60日菜心>苗苗今早情況:
|