本帖最後由 花園仔 於 2010-5-7 23:17 編輯
回復 11798# maggieklliu
老師 , 想請問有咩係要"人工授粉ka??我見你多數都係d瓜類 , 咁生果果d...例如西瓜, 密瓜有要唔要呢?
終於追到老~一半嘅post
原本就乜嘢都唔使人工授粉, 因為要對應某啲種植條件先要做此多餘動作咋!
嗱, 大部份瓜果都係異花授粉嘅, 呢啲工作主要係蜂蜂所做,
噉你嗰度又冇蜂蜂或者植株係體防蟲網室入邊生長, 邊個去做授粉動作亞!!
又或者要防果蠅拮拮, 唔可以長時間等候蜂蜂幫手而急於將乸花用防蟲網袋包紥時, 又邊個去做授粉動作亞!!
回復 11799# maggieklliu
老師 , 上次你話芒果同普通樹木差唔多, 深秋同佢落混合肥, 咁平時落肥只係落雞屎夠唔夠呢? 同埋如果我平時用開有機泥種野, 我仲應該加D咩介質比佢等佢蔬水D??
我用普通泥!!
回復 11800# maggieklliu
老師 , 我每日幾問, 希望你唔會嫌我煩LA
想請教一下如果D種子唔啱"造" , 留下年先用要點保存呀?會唔會放得太耐發唔到芽KA?
種籽無論啱唔啱造要保留至下季播種就要妥善擺放架喇, 一般擺放體乾燥陰凉嘅地方, 雪櫃入邊都得....
種籽擺放得太耐梗係唔好啦!!
回復 11801# maggieklliu
老師 , 今晚發現我棵黃皮樹已經有好多果, 想請問黃皮D果要唔要用不織布包KA??
随便你嘅啫! 唔包有蟲, 噴農藥又....
包就辛苦, 我有包架!
其實你問嘅嘢舊帖都講過架罅!
煩唔煩? 冇所謂啦!
不過體人未回復你首條帖子問題時, 再加嘅問題就唔使另出新帖喇!!
利用<編輯>帖子追加咪得囉!
我嘅帖子只係分享栽種經驗嘅帖咋!
唔係教學帖, 唔係吹水帖, 唔想要分....嘻嘻!![](static/image/smiley/default/sweat.gif) |