回復 11861# 花園仔
回復 11858# JodieC
老師您好... 晚安/早晨..
近排忙d.. 少左上黎.. 不過一有時間會即刻上黎追番d帖啦... 係呢.. 有d問題想請教一下老師... 麻煩O西.. ^^
Q1 : 通菜 : 唔知點解.. 我d通菜梗有細刺既? 係咪我種得唔好攪到佢咁呢? 唔夠泥會有影響嗎? 係咪老呢?
種子 : 陳正記 / 4月1日落種 / 綠色苗盤
你好!
青骨通菜好可憐, 噉大棵仲用苗盤種! 塵正記有大型菜盤賣吖!
細刺問題唔係咁清楚, 我啲青骨通菜種籽都係塵正記買嘅,
啲菜麻麻哋好食啫, 都係鍾意白骨水蕹菜洛!
Q2 : 蜜糖豆 :
a. 今朝見開左兩朵花, 會唔會太早/ 太遲呢?
b. 算唔算有白粉病呢?
c. 點解頂部有d葉燶左邊既.. 無啦啦.. 乜都無落過..
種子 : 黃三兄 / 4月1日落種 / 發泡膠箱
a. 冇話早或遲嘅, 開花受天氣, 水份, 肥料及種籽質量影響....
b. 相片唔清楚.
c. 水多或棑水唔好引至吽爛啲根, 或吸收唔到.
缺水或肥多肥少(例如氮多鉀少), 乾風都會架.
Q3 : 糯米栗 : 上星期換盤時都好綠.. 係有2棵乾過水.. 枯黃左1片葉.. 今朝見佢地好似黃左d..但係高左.. 係咪有問題呢? 我而家應該點做呀?
種子 : 黃三兄 / 4月14 & 28日落種 / 1"x1" 苗盤發苗 / 用吽肥泥 (15/3開始吽)
換盤後未適應啫, 啲根都未生穩有肥泥都吸收唔到格, 欠陽光....
又, 粟米係大種嘢1"x1" 苗盤有幾多空間俾佢生多啲根亞!!! -- 我用3吋軟盤!
Q4 : 生菜 : 食得未呢 ?
種子 : 陳萬合 / 3月22日落種
你覺得夠大棵咪食得囉! 種咗幾耐冇關係格!
--------------------------------------------------------------------------
老師您好... 晚安..
麻煩O西老師呀.. ^^
青骨通菜 : 因為第一次種.. 下次我會轉大盤架啦... 唔知老師d白骨水蕹菜係邊樹買呢?
蜜糖豆 : 嗯.. 老師睇下呢張會唔會好d? 算唔算有白粉病呢?
另外氮多鉀少.. 係咪即係無花開.. 佢而家有花開.. 係咪即係夠鉀呀?
糯米栗 : 嗯.. 原本如此.. 咁睇定d先..
生菜 : 嗯.. 知道.. |