乜都種吓嘅花園仔

回復 11179# JodieC
回復 11175# 花園仔
     老師早晨.. 唔好唔開心啦..
近排就黎31/3.. 好多公司都攪盤點... 可能因為咁.. 大家咪少左時間上黎傾計lor...
咁等我繼續煩住老師先啦... 其他同學仔.. 做完野.. 得閒d要上黎多d唷..
=======================================

大家好!
JodieC, 哈哈, 我點會唔開心喎! 你真係一D咁多都唔了解我啵!

種體花槽及牆邊嘅<甜豆>   

係啊, 老師我都做到氣喘, 財政年度終結嘛......

回復 11180# 邦妮
老師，想請教你鑽地老鼠要種幾耐先可以掘出來呢？
我果棵種左差不多一年了，是黃花的。
我見你棵鑽地老鼠係紅花，其實除左花既顏色唔同外，佢地既功效有冇分別呢？
==============================================

邦妮好!

你如果去街市買<鑽地老鼠>點知佢開乜嘢顏色嘅花啵!
總之係清熱毒, 對身體有益係勿庸贅言喇, 我飲咗好多年囉!

你留心睇帖我紅黄白花都有, 紅黄花開緊, 功效各有各話, 未能証實!


種咗差不多一年, 掘得啦,
挖開泥睇吓, 夠大就挖, 唔夠大咪冚翻泥繼續賞花啦!

露地上剛掹咗雜草嘅紅白花 <鑽地老鼠>種植地,
唔使好耐就一叢叢花海架罅!



體番蕃苗堆中開緊紅花嘅 <鑽地老鼠>

回復 11182# 惡姨
係啊, 老師我都做到氣喘, 財政年度終結嘛......
==========================

惡姨好!
唔使喊瓦!
你都唔知我做乜嘢嘅, 唔怪你, 嘻嘻!

舊(紅)薯都標芽啦! -- 放咗落泥好耐囉!

插枝體角落口嘅桑樹枝條, 9吋高就....

老師真係高山仰止呀,,,超級高樓,,,我爬爬爬....爬爬爬...爬左一個多星期先到170頁咋~

老師真係高山仰止呀,,,超級高樓,,,我爬爬爬....爬爬爬...爬左一個多星期先到170頁咋~ ...
小詹 發表於 2010-3-30 21:30

    努力爬爬爬呀.....老師有好多野睇, 我都努力再爬爬先

老師真係高山仰止呀,,,超級高樓,,,我爬爬爬....爬爬爬...爬左一個多星期先到170頁咋~ ...
小詹 發表於 2010-3-30 21:30

    我都仲爬緊....未睇完未敢亂發問add4icon

回復 11183# 花園仔


    老師: 你知唔知D花有咩用呀? 有行山既山友, 問我地收集花花 (最好話係白花), 但又故作神秘唔肯講有咩用add3icon

鏏霖, hellokitty_971, KitKit及大家晚上好!

慢慢睇啦, 唔趕吖馬!
幾年前出過一帖幾十篇 X 八百幾頁, 仲分分鐘口水多過茶添,
而家就曬你地架罅! 嘻嘻!  

仲有, 回帖唔該請勿用<引用>呀!


睡蓮瞓醒咗嘞, D冧上緊水啦!



有好多魚魚架, 有D成2呎長添(鯉魚)!

用葉芽繁殖嘅睡蓮生咗好多葉囉!

注意睇圖請多手體張圖上點擊一下, 放大D清楚好多架!



攞開D布袋蓮及水芙蓉先, 剩係睇吓睡蓮與魚魚點樣互動啦!

爬山(貼)係需要勇氣架,特別係對我呢d懒人來講,我之前都係呢個貼前面徘徊左好多次,見呢排得閒先諗住一次過爬曬佢~yeah~~但岩岩我見老師話呢排呢樹靜左,有d驚老師唔知有我地呢d爬緊貼,未爬完唔敢出聲ge潛水客係度學緊野,先冒昧咁出下聲 老師要努力加油~我預左有排睇架

回復 11192# 小詹

爬山(貼)係需要勇氣架,特別係對我呢d懒人來講,我之前都係呢個貼前面徘徊左好多次,
見呢排得閒先諗住一次過爬曬佢~yeah~~但岩岩我見老師話呢排呢樹靜左,有d驚老師唔知有我地呢d爬緊貼,
未爬完唔敢出聲ge潛水客係度學緊野,先冒昧咁出下聲 老師要努力加油~我預左有排睇架
===========================================

唔使客氣啵, 其實冇乜嘢學嘅啫, 鍾意咪繼續睇囉!
我知有人睇格, 呢個帖唔係蝦佬帖, 就算有廢話都唔會係我UP嘅,
總之大家識做, 唔好浪費網絡資源, 唔好整到個帖冇嘢睇夾悶悶悶至得架! 嘻嘻!

順便睇吓韮菜啦:

沙葛

體龍缸度種嘅<海南糯米粟>分好位置嘞!

枸杞又食得洛!

<長條南瓜>全女班! -- 唯有 -- 黐黐地等....

乜嘢菜黎架? 等我揾翻佢後生張相先!

今年<龍眼>會好容!

番薯苗真係快大到你唔信架!