7542# JicJicmom
老師好 ! 我個粟米都有問題呀 ......
積媽有2棵粟米 , 每棵有2隻. 其中一棵有一隻大d0既 , 粟米尖走左出黎 ..... 隻粟米變左葫蘆身形..... 好奇怪拱樣樣 .....( 我見人地d都唔係咁樣0既....)
我摸下佢個粟米身又實實地咁 .......佢會唔會 side 我米飯架 ? 抑或佢只係醜怪左d呢?
雄花早雌花成十日開 , 積媽怕授唔到粉, 於是用手抹左d雄花一粒粒0既野, 用手塞入剛吐出黎0既鬚度 ....-__-""
麻煩老師解答 ~~ ^.^""
==============================================
積媽及大家好!
首先講俾你地知:
粟米雄花係用爆炸力將塵粉狀(極細小粒粒)嘅花粉體唔同時間散放架,
肉眼望埋去就似煙霧飄落黎咁黏住每條雌花蕊架(粟米鬚)!
並唔係D粒粒嘅野瀋落D鬚鬚度就OK架!
當然D粒粒嘅野都帶有花粉, 粘咗落鬚鬚度都授到粉,
但唔均勻吖馬, 咪有得有唔得好似崩牙佬咁囉,
甚至好似<悠悠草>嗰D泰國粟米咁得幾隻牙仔添呀!
所以咪要種多幾棵囉, 等佢地D雌雄花體唔同時差開花時,
都互相傳授到花粉吖馬, 起碼成功授粉嘅基率好高啦!
同時種植條件令雌雄花同步綻放有好又嘅關係,
棵嘢健康强壯表現體主莖同葉子上, 莖粗葉大顏色深亮咪好嘢囉!
如果棵嘢奀瘦(一般盤種唔夠養份)最好唔俾佢生咁多仔, 一個就夠曬數嘞.
多出嘅早早就應剝落黎煲湯, 費事兩條都肉酸酸啦!
我求其貼幾張啦! |