7474# peggykyw
花老師好! 老師真是: 種花種種種, 種種種得靚!
好高興有緣認識您, 無意中search到你的帖, 一看就不能自拔, 像當年追看金鏞小說情節般, 每天追帖睇下老師種各種植物的進展, 睇下各類問題的回應, 一有時間就睇, 冇時間都要抽時間去睇, 一路睇一邊佩服老師, 一路又mark notes, 真是獲益良多, 得益不少。 花了20多日, 終於今日追貼#374帖, 對老師無私的分享, 博學多才, 專業及科學的種植.......真是十分敬佩!
我已吽基肥20日, 準備種食得的果菜, 以後種植時遇有問題, 請老師多多指教, 謝謝!
===============================================
你好!
咁你又講得幾啱啵, 我種花雖然唔係粽糉種啫, 但都好多種類架,
唔講得上粽糉種得靚, 總係種得靚過D食得嘅農作物嘅!
你咁好心機睇曬我個帖子, 又話我<無私的分享, 博學多才, 專業及科學的種植.......>
(邊係吖! -- 不過讚人點都好過得罪人嘅!)
唔好話指教, 分享先至係正道喎! 多D上黎玩啦!
你將第一帖送俾我, 咁我都識做嘅....
講個新發現你知喇:
一般浸花生麩水係好臭架,
我體月初用<衫兄>嘅花生麩粉(壓粒狀)浸咗大桶肥料,
琴日打開攪拌時 -- 哈哈, 好靚啵! 仲冇臭味添! |