本帖最後由 花園仔 於 2009-4-25 20:57 編輯
6125# 邦妮
真係好多謝老師提供的資料，其實一直以黎我都好想學浸花生麩水，
但聽講會好臭，所以唔敢做，而家老師比左我好大信心呀，我會嘗試的，
不過仲係有D唔明白，煩請老師再次解答以下問題，謝謝!
(1) 咩叫當勞樽
(2) 1:5 係咪指1份花生麩5份水呢
(3) 要浸幾耐先可以用得呢，同埋要溝浠幾多先可以用呢
========================================
邦妮好!
請你耐心睇曬下面故事先:
我從來冇用膠樽浸過花生麩水嘅.
只係用梘粉桶浸過啫.
我體敝帖 P202@4037#
答复 4033# kennis 嘅提問:
老師, 我成日都有睇你個Post架 (不過冇發言之麻 ) 我想請教一個笨問題, d 花生麩浸水後, 花生麩會沉低, 上面D水會清D, 請問施肥時應該只取上面的水, 定係要攬混先落呢?
=================================
唔笨架!
我係咁處理嘅:
揾個可密封嘅桶, 放入花生麩(麩與水嘅比例約為 1:15) , 放滿80%水, 搞勻佢後冚盖密封, 桶上寫上日期.
大約隔两星期打開桶盖搞勻吓佢後冚盖密封翻. -- (重複又重複)
三個月後預算發酵完成, 随時用得....(發酵越耐功效越高氣味越少)
使用: 打開桶盖搞勻麩肥, 將需用份量嘅麩肥加水冲淡(麩肥與水嘅比例約為 1:7)
施肥後即淋翻D水以免有時手重淋多咗燒傷植物.
===================================
嗰日體<當勞詹>嘅帖度, 見佢同花花互動,
結果當勞聽花花話用1:5麩與水嘅比例黎用膠樽浸花生麩水.
我諗你地梗係想慳地方而將麩水濃縮嘞,
再想吓認為只要將來稀釋倍數加大咪OK囉(冲淡1:21)
所以咪將呢個方法提供俾朋友聽囉!
到發現當勞爆樽事件後再翻查佢究竟出咗乜嘢問題
哈哈, 居然俾我體當勞個帖
http://hkplants.com/thread-29120-1-2.html
P5@97#
通常都係花生麩先會用水牛的~
骨粉發酵得冇花生麩咁勁, 可以就咁追都ok,
花生麩同水用1:5開咗佢用膠樽牛,
唔怕爆蓋or個樽變型就寧實個蓋, 聽聞會牛得好d
要牛起碼2-3個月先用得架~好似釀酒咁, 越耐越好~
用得個屎麩水同水1:7份量當水淋就ok了, 淋完要用清水過一過,
冇咁臭之餘都可以緩和下d麩水冇咁易出事燒根!
嘩! 1:5 -- 1:7 大劑呀! (應該 1:15 -- 1:7 呀!)
肯定花花搞錯曬囉!
所以你唔好跟囉!
我整過俾你啦:
預備幾個冇壓摺過嘅2.5L可樂膠樽, 捨得使錢到五金舖買D厚膠樽就更企理啦!
用尺由樽頸下用油性筆平均畫分20等份.
將花生麩放入樽內至1格位(1:15)入水樽內至16格位.
唔好冚蓋住, 用網布冚住樽口以防蒼蠅飛入去生蛋.
擺放一日半日先至冚蓋.
放體陰凉地方.
最初两日擰開樽蓋放吓氣, 搞勻佢再冚翻蓋.
(人體上風位, 個樽口咁細棑出氣迅速被風吹走啦, 臭乜丫!)
然後隔耐D(約1-2星期)擰開樽蓋放吓氣, 搞勻佢再冚翻蓋囉!
D麩水梗係唔好聞格, 放耐D氣味咪少D囉!
浸佢两三個月咪用得啦!
溝水比例 1:7 |
顯身卡
.gif)
.gif)
.jpg)
