我們都是這樣長大的 (又再加相)

原帖由 羊咩咩 於 2008-5-5 09:52 發表
我(0係街度)想變都冇得變呀~

有不同程度
街有那種帶著幾塊布初成一團的感覺

你地就係咁樣長大, 我地邊有你咁幸福吖, 我地玩荷蘭水蓋咋.

註: 荷蘭水蓋 = 樽裝汽水瓶蓋

不過講開以前細過,d人生活的確係比而家d人辛苦同知足好多
而前細個(80年代)d郵差送信要每坐樓每一層,每一戶咁送
我地d小朋友就鍾意跟住0係後面
個郵差仲敎我地唱兩句,到而家仲記得
"郵差叔叔住木屋~郵差叔叔食白粥"

郵差叔叔住木屋

因為佢成日上樓派信, 番屋企唔想再行樓梯, 所以要住木屋.

所以我地做後輩要對長輩尊敬,體諒,唔識個d都要,見佢地攞重野,做後生咪主動幫下手攞.....好多方法

呢d 係咪叫'此起彼落'?
環境越好, EQ越低??
唔辛苦過如何懂珍惜?!

[ 本帖最後由 kim 於 2008-5-5 11:24 編輯 ]

未經歷過,所以................

原帖由 羊咩咩 於 2008-5-5 10:55 發表
未經歷過,所以................

哈~ 你意思係未試生活唔艱辛???

原帖由 kim 於 2008-5-5 11:24 AM 發表


哈~ 你意思係未試生活唔艱辛???

我唔係講我,90年代$20一日0既日子都試過

雖然打仗時我冇份, 不過我相信經歷得最多艱辛係我.  

我地細果時以為住間屋好大, 一共住咗18伙共四十幾人, 係來睇番只係得六七百呎,

人地話屋企太細, 唔夠牀要瞓地下, 我地係地下唔夠大, 要瞓人地貨車尾, 試過有個同屋主瞓過輪俾人車咗唔知去邊.

細個雖然未至於要行乞, 不過有時有d"哈佬" 見我地向街玩會俾錢我地,
第一次哈佬俾咗十蚊, 馬上拿回家給亞媽, 重俾佢打, 以為我地去偷錢.

有時d哈佬要同我地影相, 我地死都唔制, 人地話d哈佬影咗你張相給賣家看的

[ 本帖最後由 Peter 於 2008-5-5 12:19 編輯 ]

好笑呀 ！ Peter 講親都好正！

我細个 冇玩具，冇贴紙玩，玩 香鷄。 你地有冇玩过。

香鷄點玩?細個個陣都好似有,但唔記得

香鷄？
我細個都有玩過，屋企無錢，什麼都可以玩一餐。

香鷄?! 細個見哥哥玩人地插係香座d香鷄, 第日訓醒兩腳'魚'左十幾達, 但摸上去又唔痛, 老人家話我哥比鬼'meat'喎~

原帖由 八王爺 於 2008-5-5 12:17 發表
好笑呀 ！ Peter 講親都好正！

我細个 冇玩具，冇贴紙玩，玩 香鷄。 你地有冇玩过。

香鷄緊係玩過啦, 我重好叻添,

1. 將支香鷄屈成 W 形 (兩邊很短, 中間個 ^ 好長), 一個個W掛下去, 掛到高過人都得

2. 用香鷄編織草蓆

仲可以鬥多！
屋邨 每家人門口都有个 香爐，通常都有几支插係豎。
而屋主(通常係C9)，唔鈡意冇晒 香雞，d小朋友就係要抢。
於是鬥大膽，攞最惡果個 C9 d 香雞 ..... 睇吓一手攞到几多支！

另外可以玩 「挑簽」，好似人地用竹簽玩咁样，晒一把在地上，然后輪流攞，d香雞 郁咗，咪輪到下一個。

記得細個唔知點解,d食品公司(或者其他商品)會叫d員工每戶門口信箱都會派一包小食
咁我地小朋友就會每戶門口收集返黎,之後再分黎食

果時細路仔一般唔夠營養, 有慈善機構下午派一杯牛奶同兩片餅乾, 飲完之後自己洗杯, 佢地可能救咗好多細路條小命, 不過到今日都唔知係邊個慈善機構  (我記得唔係敎會, 因為不用唸經的)  

如果知道要捐番d錢俾佢

原帖由 Peter 於 2008-5-5 12:13 發表
雖然打仗時我冇份, 不過我相信經歷得最多艱辛係我.  

我地細果時以為住間屋好大, 一共住咗18伙共四十幾人, 係來睇番只係得六七百呎,

人地話屋企太細, 唔夠牀要瞓地下, 我地係地下唔夠大, 要瞓人地貨車尾, 試過有 ...

old version

點解會有old version既

一代不同一代了
之後我轉出幾個結論:

- 一代比一代幸福, 其實是好事, 上一代(好似我地感)生活得不太好, 都希望下一代好
好似而家D朋友仔們會要求比我們或再老一輩高, 其實是很正面的事, 難道我們還要他們有online xbox GTA吾玩, 玩紅白既熱血系列?
玩荷蘭水蓋, 玻璃線界紙妖, 彈波子, 跳橡根繩, 拍貼紙, 玩我D無麼打兩蚊隻既爛x發泡膠飛機?
當然我同意經歷過苦楚會較懂得珍惜, 但可以這樣說, 這一代的年輕人甚至小朋友(4-5歲果D)又另後現代苦楚...而係我地呢 D後輩或再後輩不懂亦難以體諒的
兩文三語不在話下, 父母有錢了, 父母要求高, 要學巴雷舞, 精心算, 台拳道, 外語, 創意思維, 加上x禁大個書包, 上課書+課外書加活動教學教材,老豆老母都癲 (因為好多父母都會為子女咩書包)
中學了, 我地以前初中邊有話用電腦架, 而家新一代就等於…

um可以用打仗尼形容

以前打仗講陣, 講武將秋吾秋得, 兵器夠吾夠利, 軍師腦汁夠不夠

我地既年代不但用刀還用槍, 炮, 戰機, 隱形戰機, 遙控導彈

下一代針對玩heck國防部, 干擾, 越尼越abstract

而家既軍人都需要過體能, 但你叫佢囉把青龍咩月刀fing兩野我古尿都出埋

但相反叫阿夏候將軍heck人地部腦真係power制都穩唔倒

當然某D年輕人真係過份幸福, 有時講D說話都幾頂癮

但其實年輕人要面對的, 比我們要面對的又是另一挑戰

我看他們的壓力比我們一眾老餅乾或更老餅乾的"無得吃"更可憐

所以聽過D長輩話: 我以前無得吃都未見我跳樓喇, 而加D靚妹會考唔得又話自殺又話燒炭..."

我個人覺得未免太不體諒了, 毛生話落經歷最緊要嘛, 前輩們(我都係了)跟本沒有機會面對新一代的生活壓力+會考等, um.....

相反地, 年輕人們要多了解現在擁有的幸福,
例如有米的18 22 姐妹們以999左右買件beamsbxx T, 9成著不過半年, 因為上年熱黑白, 今年都熱hi end大紅大金超彩, 超底腰牛又差不多說再見, 收腳可能依然但原色開始又變熱洗水多尾袋detail....

你地有無唸過買條千x幾甚至幾k既evisu或levis都要買big e幾朋友, 有無唸過上一代有條新既(唔好理咩褲)褲都已經開心到彈穿頂?

我覺得兩代溝通非常重要, 如果唔係某D年輕人因為讀書唔好跳樓就大事不妙了
如果知道peter仔既故事奮都無訂奮就無禁易唔開心喇

又或者, 各位老餅如果知道而家D卷幾題先合體成一分, 份卷好似yellowpage禁厚
老師又為新一代K形教育壓而直接逼轉嫁於學生仔, 老一輩就唔會成日將無飯吃無訂奮掛係嘴脣邊

原帖由 gtrnismo 於 2008-5-5 15:09 發表



old version

點解會有old version既

一代不同一代了
之後我轉出幾個結論:

- 一代比一代幸福, 其實是好事, 上一代(好似我地感)生活得不太好, 都希望下一代好
好似而家D朋友仔們會要求比我們或再老一輩高, ...

咁又唔好咁講, 我地都冇把冇嘢食冇定瞓掛向咀邊, 只不過見個主題向度, 又將自己的經歷拎出嚟自我懷舊吓啫, 冇人話呢家d細路有嘢玩唔係好事, 我個仔有嘢玩, 都係我呢個 old biscuit 長進啫,

點解有 old version, 因為好明顯我講緊嘅version同地嘅version好唔同, 所以分一分, 如果你覺得有冒犯, 我搬佢走冇問題, 你說一聲就是了.

不過我又唔覺呢一代讀書慘過我地果代, 果時只得兩間大學, 亞蛇話如果你地呢班有兩個入到u已經高過平均, 果時一樣有好多人讀書讀到跌樓 (好似多過依家添), 甚麼黃頁咁厚?  我果時兩年內親手計的算題疊起來由地面疊到台面, 未計其他科, 我地開通宵好閒事, 有時同學間研究就係點樣可以瞓少d, 呢家讀書唔係冇壓力, 不過以前的不會比依家小.

[ 本帖最後由 Peter 於 2008-5-5 15:38 編輯 ]