回復 1# BanbieChan
依個配方應該都好多人講過.....好似係慈禧太后古方....
N年前我都整過黎食,不過唔知係咪我打得唔夠醉,覺得D渣好難食,好似茶葉渣咁,我諗應該打到芝麻糊咁先對。
阿膠係滋陰既,照理唔會好燥,燥其實係因為新製阿膠既關係。據講新製阿膠因為製作過程既關係,會有火氣,所以一般老人家會吃老阿膠。據網上資料,阿膠製好最少存放3年才吃,存放5年火氣減半,能放10就最正。當然10年真係好難,一來要時間,二來存放10又要保存得好無虫蛀喎。
根據依個講法,我走去問過相熟藥材舖老闆,係老人家黎既,佢話係真架,但依家乜野都講保質期,所以大家買到既阿膠大多係新製阿膠,佢話就算佢地有老阿膠都留番自己食,唔賣喎....一來就算賣價錢會貴D,買既人覺得太貴,賣既人覺賺左唔夠蝕倉租同心機錢,而且費事比唔識既人話佢地賣過期野,所以你想買老阿膠真係唔易。
佢話唯有我自己買番屋企存放,但要唔受潮唔比虫蛀,要自己諗惦佢囉。
阿膠對更年期婦女都好架,有番咁上下日子既朋友或者諗諗佢買定D番黎擺下啦,我自己果D係今年開始買咋,放左半年,有排先食得。
我用密實箱加防潮珠係底,個面放花椒八角,真係好怕佢生虫。
|