花園建圍牆 - 求意見!! (決定用花架)

原帖由 野薔薇 於 2008-5-19 15:32 發表
如果佢係住我隔鄰的  我一早就走去查地有無過界  如果過1cm  我都一定要佢折牆  大家做隔鄰的 都係你對我好  我對你好的  佢係甘過份的 咪睇下到最後邊個衰d  我都係住村屋 開頭搬過來 個阿婆都好多野講  之後我好不 ...

你又咁不幸都有個咁煩既 -鄰居 !!!!!

真係好靚喎~
你隔離屋真係好難頂噃,好影響人心情
不如有機會就搬啦...事關有排對

我遷入兩年咋, 裝修左好多 $$, 雖然 樓價升左, 無理由為佢搬姐!!! 我 E+ 要學惡D先得, 邊個惡人可以教我丫  

其實點解唔可以高過佢幅牆呀?
個架係自己屋企範圍內點到佢話事呀
自己屋企仲意做咩就做咩
仲意起幾高就幾高
點到佢話唔可以高過佢幅牆
自己係屋企起野關佢咩事呀
唔通裝修又話唔可以令過佢間屋喇wo
真係講到佛都有火

道理係自己果邊
可以同佢搞大佢 ( 阿媽教 )

搞大咩呀??  比你笑死.....
最可惡都唔記得同你地講, 佢地居然教埋我 D花應該放邊放邊, 你地話係咪好可笑...  我屋企D野要佢話事. 真係激到我 ----- 瞓低

梗係報警啦
唔係您以為係咩呀
同埋點解佢地成日出現ge
真係咁得閒?

原帖由 jacky 於 2008-5-19 07:30 PM 發表
梗係報警啦
唔係您以為係咩呀
同埋點解佢地成日出現ge
真係咁得閒?

報警冇咩用,都唔做野

佢地兩個老人家係好得閒, 之前有個case, 有個鄰居放狗, 狗狗唔生性係佢閘門前便便, 鄰居都即時清理, 仍比佢地見到, 兩老個仔追出來連人家祖宗十八代都罵出來....  這事擾攘了好幾天, 附近鄰居都知.....  咁麻煩既人真是....... 唔知點講啦!!!!

好惡por!  

係我就一於好少理啦~
佢咪罵囉... 我入屋關門,
佢自己罵飽佢~!

真係好靚呀個架, 2千抵丫.

不過聽到你個鄰居咁講真係好嬲,比我即時鬧佢祖宗廿九代,
喂間屋係我既,個架幾高關你差事,咁巴閉你咪加高你度死人牆囉,不過你要"指導"佢你起時起,啲灰塵千祈唔好過界!!!

你當時鬧番佢咩?
你上一手都唔知係咪因為佢搬走!

我唔係鬧佢, 而係駁佢 (內容大約是 : 我 E+ 無點你幅牆, 我用自已個花架, 高過你幅牆又點, 我自己地方做野要問過你, 要係鍾意??)
我家係新屋... 無上手,   我家附近十多幢全是新的, 發展商都話起屋時佢地一家都好麻煩!!

原帖由 carmen 於 2008-5-20 09:49 發表
係我就一於好少理啦~
佢咪罵囉... 我入屋關門,
佢自己罵飽佢~!

我老公都係咁同我講, 佢兩老用客家話, 我明明地咋....  意會到佢係鬧我 lo.

原帖由 maymay靚 於 2008-5-20 11:34 發表
我唔係鬧佢, 而係駁佢 (內容大約是 : 我 E+ 無點你幅牆, 我用自已個花架, 高過你幅牆又點, 我自己地方做野要問過你, 要係鍾意??)
我家係新屋... 無上手,   我家附近十多幢全是新的, 發展商都話起屋時佢地一家都好麻 ...

之後佢點答呀?

我唔識聽呀! (客家話)  知道叫我個籬笆唔好整高 lo...

原帖由 maymay靚 於 2008-5-20 23:22 發表
我唔識聽呀! (客家話)  知道叫我個籬笆唔好整高 lo...

咪理佢啦,起幾高,自己鍾意......
其實如果係我,我一早就攞D油漆,油咗佢塊牆,佢奈得我何?我鍾意呀,吹咩! 塊牆係我個邊,我話之佢呀

其實我都唔理佢地, 不過個心唔服 lo, e+造左個花架, 真係采佢都傻, 用個花架隔住幅牆, 又可能掛起 d 花花, 開心晒.....

好靚啊個花架
不過我而家呢度係租既
一年後都要搬
如果唔係我都想整返個啊~

有D咁既惡鄰居真係麻煩
而家我住個度又係好多麻煩人
不過如果佢係用客家話話你既
你扮聽唔到算啦~唔好嘈喇~
佢係老人家一日廿四小時可以係屋企
如果你要返工早出晚歸既
D花花草草再高D時
佢真係大把時間可以整你屋企D野
小心小心

放心 !!我唔會同佢嘈, 成日嬲住人, 計住人, 好辛苦ga..  個人都唔會靚
話時話, 個花架 愈睇愈靚   , 你租地方都可以造既, 造細個 d又平d, 搬都用得番嘛..