花園建圍牆 - 求意見!! (決定用花架)

本人花園有一側牆於入住時,已是與隔鄰共用, 而隔鄰之家經常因此牆與我家起紛爭, (說牆是他們建的) 我已盡量不用此塊牆壁, 只放花盆於地上, 無奈花草之生長很難控制, 前天他們又罵, 說我的花草 (點)住佢塊牆,  好激氣 , 我忍夠啦!! 決定加建圍牆. 有無好主意點起牆呀......  求求我!!!!!



[ 本帖最後由 maymay靚 於 2008-5-18 23:03 編輯 ]

咁野蠻的鄰居都有？查下他有沒過界先啦，
通常分隔圍牆都會建於界線上。好似大廈咁。
一人管一個面。花花唔好過牆就得。
如果他咁野蠻，建於界線上都要他折牆。
如果他不是建於界線上，咁就自已再建一牆，
總之是看圖為準，唔洗努氣。鄰居都是以和為貴。
不過你這種情況，(點)住是唔會有問提的。

[ 本帖最後由 alextang 於 2008-4-18 12:33 編輯 ]

原帖由 maymay靚 於 2008-4-18 12:00 發表
本人花園有一側牆於入住時,已是與隔鄰共用, 而隔鄰之家經常因此牆與我家起紛爭, (說牆是他們建的) 我已盡量不用此塊牆壁, 只放花盆於地上, 無奈花草之生長很難控制, 前天他們又罵, 說我的花草 (點)住佢塊牆,  好激氣 ...

如果你起幅牆壁，你家的實用面積咪少了。
有無查過業權或其它資料，如果牆壁是公家的就不要理隔鄰。

牆確實是他家建的 (睇佢係舊款建築應有十多年了) , 到發展商起我家時, 佢地都好麻煩 (聽地產講), 到我買下時我都諗住唔會用到那面牆, 最多種下花(如圖) ,唔會建玻璃屋既, 都係個句左鄰右舍,和睦D好, 無諗過佢地愈來愈 黑人憎. + 成日 (裝) 過黎睇, 好困擾呀

甘鬼計較咪唔好起響公共地方law!
加個鏡頭 錄影佢愉睇你地既情景~

[ 本帖最後由 蛀米虫 於 2008-4-18 12:55 編輯 ]

都唔關邊個建的問題，是界線問題呀。

(裝) 過黎睇？：有咩好睇啊。
下次再(裝) 過黎，打個招呼，
請他過去你家飲茶，慢慢看，
咁就和氣生財啦。

[ 本帖最後由 alextang 於 2008-4-18 12:58 編輯 ]

我個花園地係入契ga..  所以我建牆無問題, 只係少左面積用lo, 不過我好(亞Q), 如建左塊牆我可以整得個花園 靚D... 唔駛再比人罵....

建塊鐵網得唔得啊。
沒道理、唔洗理他啦！

原帖由 alextang 於 2008-4-18 12:56 發表
都唔關邊個建的問題，是界線問題呀。

(裝) 過黎睇？：有咩好睇啊。
下次再(裝) 過黎，打個招呼，
請他過去你家飲茶，慢慢看，
咁就和氣生財啦。 ...

關事ga, 佢話係佢地起既, 唔通搵 (則師) 去量咩!! 塊牆變左係佢地針對既導火線, 我地 (後生) 唔想同d老人家 嘈, 請佢飲茶無所謂ga.. 所以 (最終) 都係起塊牆黎 解決吧. 不過 講開又講 佢地 一家唔只 老人家 麻煩, (後生) 個d都係咁, 有時係佢 3樓 倒d水 落我花園.  好煩........

我覺得你起塊牆，唔可以解決到這個問題，
返而問題會再加深，因為你起牆時，
一定會貼到現有的牆。如果唔貼、
會有好多甲由，等等在牆(La)中生存，
到時嘈趟得仲勁。

係.. 所以好頭痛, 起一幅一樣高既, 會好易倒塌, 因唔可以跟他的牆作依靠, (中間要留空位) 無支撐位....  點算呀!!!

鄰居是一家深山野人，真慘。

倒塌就唔會，
不過中間要留空位會好煩架。
又會有裝水，又有虫虫。
都是個句、唔起牆最好。

請他飲多D茶，了解多D，
你又知唔知他對有咩野看不過眼呢？
日久見人心啊。

[ 本帖最後由 alextang 於 2008-4-18 13:43 編輯 ]

佢唔彩我地 ga...  係路見到 我老公同亞伯 打招呼 佢當睇唔到... .

咁就算啦。
對那些，不可理喻的人，
就是，不要理喻，唔好理他。
不過我勸你，唔好起牆，令問題惡化。
花就照並貼牆種，唔貼得就叫他報警，
話你非禮他的(牆)。哈哈。

我已經係你所講唔理佢到 e+ . 種左d成果又比d佢, (如: 辣椒 等). 改善關係. 點知有日佢無端端 剪左 已長到 1呎高既木瓜, (因種在屋外泥地)之後我就無彩佢地啦. 至前日又罵我菲菲, 我好遷就佢地啦, 相入面棵 雞蛋果 昨晚 已 移離 幅牆...
好多 枝葉 拆斷左. 好心痛,  所以 上黎 求 建牆意見 lo.

佢哋係唔係原居民啊?

可以用室外木起  又美觀又唔係好占地方

佢地唔係原居民, 十幾年前買地買丁 起既,
我同老公都有諗過 用 花園木 or 纖維板, 不過都係無支撐位呀, 可唔可以 起半牆呢, 3呎高, 上面用 木or板....

如果對方o甘野蠻,而花園又係入契既,我覺得建牆都係可行既方法~
記得睇清楚張契,唔好起過界,最緊要同佢地講聲,你地打算起牆,睇o下佢地有乜反應,如果喊打喊殺,咁就要諗過~
我同男友o架車2星期前一齊比人爆玻璃,我都懷疑係我地裝修時得罪o左人而不自知
所以千祈要小心,爆車事小,驚下次爆屋就大鑊