想租地方，有咩好介紹？

原帖由 ハマナス 於 2008-4-17 22:06 發表


7千係700尺?
我之前係大圍住過, 700尺都係4千幾, 不過係5年前

係呀,700呀,村屋麻!
呢一兩年d租金升覆真係好勁!

7千700尺唔貴喇!

原帖由 ハマナス 於 2008-4-17 10:52 發表


你隻貓個樣好似嬲爆爆咁嘅? 係咪瞓緊覺比你叫醒唔順超呀?

你就好啦, 貓貓咁乖。
我就橙啦! 我兩隻百厭星最鐘意將我d av掟落街, 之前放係廁所, 就每日幫我全部掟落街, 仲要打埋爪印, 佢地好鬼精有人係到唔掟,  ...

係也，佢係比我整醒架，仲有佢個樣係咁架，佢呀媽生成佢咁...口黑面黑勁串 ，但係佢平時好溫柔架，有時又會好man 咁同另外一隻玩。算係咁啦，無咩搞我d 花花，唔係劏鬼左佢呀 ，有一段時間我都係全部野都用白色泥膠黐實，打爛我好多野架啦，不過依家無啦。
我找地方搬，都係為左佢地，下個目標係村屋，三樓連天台，試下過近大自然既生活...希望貓貓佢地過得開開心心。

不過我又住唔定個0的，所以都成日搬！其實我住村屋都係想多些空間同自然環境，如果好密，樓對樓那款又唔想。

原帖由 ハマナス 於 2008-4-17 10:52 發表


你隻貓個樣好似嬲爆爆咁嘅? 係咪瞓緊覺比你叫醒唔順超呀?

你就好啦, 貓貓咁乖。
我就橙啦! 我兩隻百厭星最鐘意將我d av掟落街, 之前放係廁所, 就每日幫我全部掟落街, 仲要打埋爪印, 佢地好鬼精有人係到唔掟,  ...

我無諗過 d 貓會掟花 tim , 我之前果隻養左大幾年都未試過 d 花會失蹤 !   呢排呢 日唔見花 , 係成盤唔見 ........

係屯門有冇全幢有花園,望山或海
附近少屋<家人唔鐘意嘈>

原帖由 kim 於 2008-4-17 09:35 發表


你好似搬無耐喎~ 又搬?

11 月就 2 年啦 !

原帖由 ハマナス 於 2008-4-17 11:48 發表


你想租定買?
你如果住冇大閘嘅村屋第一樣要知嘅係, 會有變態小偷(專偷內衣褲, 校服, 制服...)
又有d無大志嘅小偷, 偷擺係屋外嘅野(如單車, 燒烤爐...)
我住緊o個到好彩只有變態小偷
自從我擺咗個攝錄機係門口 ...

咁危險 ..........我無諗過會咁 tim ...........

我想搵大圍  > 馬安山 , 近 kcr , 車到門口 ,  有官理就更好 ...... 想買 !

岩岩至發現呢個帖,

原來咁多人住青衣
不過我都係住青衣
得閒要開個茶聚啦

我上網見到我隔離再隔離屋放盤,350萬,全幢2層高,共1200呎,另有露台,600呎天台&花園(我估大約800呎)~
屋旁有一條樓梯行落西貢公路,唔使3分鐘,行去滿x食糖水都係5-6分鐘~
不過泊車麻煩d,唔使比錢,但係要同其他鄰居互相遷就,間屋依家租o左比一家外國人,佢地有兩架車,要前後泊~
間屋可以望到遠海,背後係山,假期有好多行山人士出入~
我介紹過一個同事來睇屋,佢地住慣大廈,佢話好似來到鄉下 又多蚊又靜,車路又窄,但係我自己就好鐘意~
其實住村屋好睇個人喜好,我依家呢間,都搵o左好耐

假日西貢會唔會好塞車呢？

假期我唔覺塞車,我放假通常兩三點左右落市中心食晏,交通好順暢(其實行落去都係10分鐘左右,不過我超懶),但好難搵到咪表位泊車~
食完晏多數出城,沿路都唔塞車,夜晚十一二點返屋企,更加冇問題~
我唔知朝早會唔會塞,因為我朝早好少出街

又係我迷茫的鴨仔‥‥‥提出呢個post的鴨仔呀………搵左大半年，都未搵到合心水的……都係錢問題....樓按問題....不過而家都有眉目。
1)買樓唔租樓
2)銷定林村、汀角(荔枝山真係好喜歡，可惜太貴，我會努力搵錢)
3)天台/花園，這個絕不退讓

大家祝福我搵到好屋！！

祝福你成功

荔枝山呢排有新盤, 當然係貴到飛起, 三樓開價都二百八.  依家d 新既村屋都貼住私人樓價錢, 要平d 就要買二手.

荔枝山呢排有新盤, 當然係貴到飛起, 三樓開價都二百八.  依家d 新既村屋都貼住私人樓價錢, 要平d 就要買二手.
藍天使 發表於 2009-1-12 17:03

二百八不如買加D錢買錦繡好過

村屋三樓連天台要二百八？唔係嘛？

二百八不如買加D錢買錦繡好過
貓后 發表於 12-1-2009 17:13

二百八買到錦繡咩 ?!

尋日經過地產見到有間 315
加少少就買到~

村屋做複式, 當正係獨立屋咁賣.