本帖最後由 比得大帝 於 2011-11-23 11:12 編輯
講到擺酒人情, 又講個老年故事
話說好耐之前, 一圍酒約三四百, 公價人情約50. 果時公司有條例, 員工結婚擺酒請同事, 收到帖的可以向公司claim番50. 因此好多人結婚都有請同事, 同事又可以免費食一餐, 後來就變咗質, 唔係好熟都發帖, 唔嚟都可以照收50嘛.
有條友入咗公司冇耐, 人都唔識多個, 結婚居然全公司發帖, 好多人收到都唔知佢係乜水, 佢諗住人地唔識佢, 一定唔去飲, 但人情可以照收.
點知果次有幾十人玩佢, 每人夾50, 買咗個幾千蚊大屏風做人情, 幾十人一齊去飲. 終於要開多好幾圍, 錢又冇得收, 得物又無所用, 果時又貨物出門概不退換.
最後搞寸咗, 公司取消哩條例. |