我都係住孖屋,真係好煩,就算唔係共用樓梯,個天台只是一牆之隔,人地都可以撩事鬥非.
我有一次忘記將裝有乾水苔的小花盆收好,半夜吹左落隔離屋,個女主人第二日就鬧到七彩,我己經一連說了三次sorry,佢都係要不停咁鬧.話d水苔整污糟佢天台,又話影晒相,會報警,又話個花盆跌落黎會整死佢隻狗,可以告我"蓄意殺害小動物的罪名"(您睇佢幾誇張,但佢地又將間狗屋放係西斜位,可以想像係幾有愛心),又話自己係原居民,叫我落樓下搵村長,我莫明其妙,咁少事都搵村長,仲有佢地又唔係姓嗰條村的村民姓,我後來先知原來佢地係十萬百千里以外一條村的原居民,嗰個女戶主仲用粗口鬧我亞媽.d人幾冇品,我媽咪話"睇你個樣應該讀過下書,好有教養,點解會用粗口鬧人?"個男人就話我亞媽鬧佢地冇教養,d人就係鐘意扭曲事實.我決定買村屋前,都上網睇過資料,話佢地原村的原居民都幾煩幾霸道,果然係名不虛傳囉.
對於呢d人,我只能理解現今香港人壓力太大,佢地的行為係病態,如果佢地係原居民,點解唔住自己本村,要走去十萬百千里外人地條村買樓居住,好明顯就係佢地係本村已經同人鬧到臭晒,無法住在自己的原村.對於d有病的人,我們只能體諒佢囉!
不過,植物都有生命,他們在您的植物上灑鹽,手法真是很鄙劣,但人在做,天在看,您不用介懷,老天爺一定會幫您處理他們,您不一定會即時見到他們受到懲罰,但這一天一定會出現,縱然到時或者您已經搬家,但又有乜所謂呢?最重要是他們最終都受到上天的懲罰. |