鄰居撒鹽落天台農作物

之前已經試過所有瓜瓜, 花生, 番薯一夜間死晒
以為自己出錯. 事隔一個月終於知道原因

琴晚上天台淋水. 發現全部死晒
泥面有白色晶狀物. 葉面出水. 估係鹽
個下真係好唔開心.
琴晚報左警架啦. 但...無野做到

我們住的是村屋孖屋
我和鄰居關係不好.
自從我多上天台後他們更加不喜歡我
他們在天台擅自建了天台屋
男戶主(已退休)一天花12小時以上在天台屋

他們一直都喜歡在"我家"天台曬被子 甚至底褲胸圍
但其實他們已經用了樓梯的位置放了3條long衫竹--夜晚long衫就不停滴水, 我行上天台個陣無得避lor
自己天台屋外面亦有露天地方
耐唔耐又會係度bbq. 單車.
我上去叫佢地搬番入天台屋仲要卑佢大聲話

今次咁做真係令人好angry. 好mad
我angry得滯發脾氣將2箱瓜瓜連泥倒晒係接近天台屋門口 (但嚴格上還是我邊的位置)
泥中滿是鹽. 我也不知道該怎辦. 當是攤出來曬曬太陽吧
其實預左佢地今朝會黎拍門鬧,平時少少野佢地已經追住我地講
lum 住嘈餐勁 , 點知又無wor. 佢地一d反應都無

我唔會放棄個天台.
但講真. 我種到都唔敢食.
而家lum緊係天台裝眼仔. 但拉電防水好複雜
有建議嗎??

正一死 _ ~~

Support 你 ~

天台裝眼仔 very easy ~ 不過你地 share 同一個門口, 唔可以俾佢有機會干擾你D電線, 所以位置你要自己度一度

所有户外用眼仔都防水, 夜視都係三兩百就可以有交易, 再買埋條長電線用火牛俾電同傳影像, 安好眼仔之後, 買普通燈喉同 D "曲" 呀, "梳杰" 呀 駁好入線

拖到入屋之後接駁錄影機 或 電腦 用 hard disc 錄影 ~ 去鴨寮街近旺角方向 間鋪問下, 佢會教你, 全套一千有找 ~

可否在你的部分加裝圍欄防止他人進入?

支持樓主!! 快d 裝眼仔, 捉到鄰居走入你屋, 即刻報警拉佢!!!

你唔好彩ar...撞嘢...佢唔講道理...要惡...惡到佢怕...仲要吓吓話報警拉佢!...真係有事就真
報警...唔好怕咗佢...佢明洽你啦...

係呀～　人善人欺天不欺！　佢蝦你人善，佢咁衰，連植物都唔放過，你要同佢抗爭到抵呀！

你唔好彩ar...撞嘢...佢唔講道理...要惡...惡到佢怕...仲要吓吓話報警拉佢!...真係有事就真
報警...唔好怕咗佢...佢明洽你啦...

我個晚已經報左警啦
但乜都無做到除左有個case no
佢地一鬧人就3字經出晒
我真係點潑婦都唔夠 (我好少同人argue)

今朝佢報警話我將d泥亂放 (因為有少少泥落左中間路口位)
煩左半個hr
真係好勞氣lor
佢係我天台long衫 .bbq 就得嗎???
我唔係個d鍾意乜事都 call 999 既人
但佢好明顯係玩野.
仲大大聲同 d 差人講我懷疑佢 就係我錯 吹脹 !!!!!!!!!!!!!!!!!!!!!
又話我放狗咬佢

事實係之前我開左木門做家務
點知隔離屋有人番, 我其中一隻狗竟然係鐵閘中間d罅隙捐到出去吠
我已經即刻出去帶番隻狗回家,亦有say sorry
平時帶狗上天台都係零晨, 2個人睇住3隻狗
盡量唔好騷擾佢地
但佢老公自此見親我d狗唔理3 7 21 第一時間ling野打我d狗, 真打. 唔係扮打
你ling野打, d狗反應實大
佢屋企 24小時都有人出入. 3am 都有. 有時真係撞到都無計
講真我住有天台開頭都係為狗狗. 而家好似做賊咁 要夜麻麻放狗
我 自己都立刻係鐵閘加左圍欄. 做得既我都做晒
佢地d思想真係好難明lor
但佢打我d狗 我真係唔忍得佢. 所以之後就交惡啦~
屋企個2個男人一個乜都無所謂. 死左咪再種過個隻
另一個卑人鬧會企定唔還口. 我一個女仔....

可否在你的部分加裝圍欄防止他人進入?我們租住的. 加裝圍欄不是不可以. 但有火警就不好了. 他那邊已經鎖死了.
如果圍攔唔鎖死. 佢一樣可以再入黎倒搗亂


加眼仔個度我會今個 weekend 去做.

正一死 _ ~~

Support 你 ~

天台裝眼仔 very easy ~ 不過你地 share 同一個門口, 唔可以俾佢有機會干擾你D電線, 所以位置你要自己度一度

所有户外用眼仔都防水, 夜視都係三兩百就可以有交易, 再買埋條長電線用火牛 ...
avery 發表於 2009-9-24 08:06

之前已經叫過 bf 問. 點知佢無左件事.
件事發生前2日 我仲追緊佢問成點
佢又唔記得

到真係出事啦. 我真系好好好好唔開心.
上次d野死晒我都同自己講 呢個世界唔會有咁多衰人既
講真我已經好就佢地. 係因為 bbq 個次鬧過一次 (唔計佢打狗狗個d)
我係唔信佢地係有心謀殺我d 植物 lor

sorry. 講左去第2度.
有無邊間鋪頭特別介紹??
我要唔要度d乜數 量下長度先去買?
我lum 住唔行樓梯上.
係窗拉線直接上天台. 可唔可以. 怕唔怕打風落雨漏電之類架??

個圍欄用密碼lock就方便ｄ啦，應該走火警都無問題既．　
佢咁無聊連泥都同警察投訴，你更加唔洗手軟．每次見佢ｄ野放左係你個邊，你幫佢拿去警局當報失，你鄰居問起，你就話拿左去警局．

最近唔好種野住，把自己的東西收好先，幫個天台影定事前相，要小心保護狗仔，千萬唔好俾狗仔地食阳生的東西，鄰居走入你家範圍攪你ｄ野甚至打你ｄ狗就報警，千萬唔好手軟．
記得，不用同佢地吵的，佢地過左晚上11pm 吵，你就靜悄悄報警．
咁攪法，你地個業主實要出來調停的．
佢地要爛，你唔好同佢地爭爛，我地係斯文人，要諗計抗爭，抗爭形式要佢地估唔到既～　

裝眼仔有兩個 approaches
1. 打鑼打鼓俾佢知你裝咗cctv, 報咗警, 希望嚇怕佢
2. 靜雞雞裝唔俾佢知, 裝到佢睇唔到, 錄到佢就告到佢甩褲 + 賠償

我以前衰到教朋友放大頭釘係個boundary 位，又教佢地幫人地門口key hole　加香口膠，仲有等鄰居入左屋就幫佢地叫外賣，甚至加一兩條鐵綫係 boundary 位，然後放電....

不過現在科學化ｄ，你可以用電眼．

記得，保護自己家園，抗爭到抵～

個圍欄用密碼lock就方便ｄ啦，應該走火警都無問題既．　
佢咁無聊連泥都同警察投訴，你更加唔洗手軟．每次見佢ｄ野放左係你個邊，你幫佢拿去警局當報失，你鄰居問起，你就話拿左去警局．

最近唔好種野住，把自己的 ...
jellyfishy 發表於 2009-9-24 10:15

哈哈...咁攪笑????

佢買既. 我租既.
話左卑業主知架啦. 不過作用有限啦.

d差人話我放d泥係度可以落簿 charge 我. 我真係激到想死
當然佢唔係真係想charge我, 佢一路好想我同意 "小事化無. 同鄰居修補關係". 但我唔采佢.

裝眼仔有兩個 approaches
1. 打鑼打鼓俾佢知你裝咗cctv, 報咗警, 希望嚇怕佢
2. 靜雞雞裝唔俾佢知, 裝到佢睇唔到, 錄到佢就告到佢甩褲 + 賠償
Peter 發表於 2009-9-24 10:16

呢個問題我都lum過
我估我會係後者啦.
不過都係問下屋企人lor

裝眼仔有兩個 approaches
1. 打鑼打鼓俾佢知你裝咗cctv, 報咗警, 希望嚇怕佢
2. 靜雞雞裝唔俾佢知, 裝到佢睇唔到, 錄到佢就告到佢甩褲 + 賠償
Peter 發表於 2009-9-24 10:16

I prefer no.2 ~~~ (捉到正既感覺好爽架～）

之前已經叫過 bf 問. 點知佢無左件事.
件事發生前2日 我仲追緊佢問成點
佢又唔記得

到真係出事啦. 我真系好好好好唔開心.
上次d野死晒我都同自己講 呢個世界唔會有咁多衰人既
講真我已經好就佢地. 係因為 bbq 個 ...
coacoa 發表於 2009-9-24 10:11

唔怕會漏電 ~ 電壓好低 ~ 其實就算唔入喉都 Ok, 入喉只係耐用 D ~

我以前衰到教朋友放大頭釘係個boundary 位，又教佢地幫人地門口key hole　加香口膠，仲有等鄰居入左屋就幫佢地叫外賣，甚至加一兩條鐵綫係 boundary 位，然後放電....

不過現在科學化ｄ，你可以用電眼．

記得，保 ...
jellyfishy 發表於 2009-9-24 10:22

你d方法好好笑
我都想自己可以絕d
但我係個d做左會訓唔著既人......我不知幾想倒番d鹽水落佢天台屋門口d植物度....

我以前衰到教朋友放大頭釘係個boundary 位，又教佢地幫人地門口key hole　加香口膠，仲有等鄰居入左屋就幫佢地叫外賣，甚至加一兩條鐵綫係 boundary 位，然後放電....

不過現在科學化ｄ，你可以用電眼．

記得，保 ...
jellyfishy 發表於 2009-9-24 10:22

嘩~ 呢 D 係刑事毀壞，另外人地就算响你果邊受傷都可以民事索償架！ O.O"

哈哈...咁攪笑????

佢買既. 我租既.
話左卑業主知架啦. 不過作用有限啦.

d差人話我放d泥係度可以落簿 charge 我. 我真係激到想死
當然佢唔係真係想charge我, 佢一路好想我同意 "小事化無. 同鄰居修補關係". 但 ...
coacoa 發表於 2009-9-24 10:24

下次你要冷靜ｄ，同police話，ｄ泥係你的，但你回到家就發現俾人將泥擺晒出來，仲放晒鹽，你都好傷唔知點好，仲發現有人偷入你屋攪你ｄ野，最好所有野都落晒警個薄度，有證有據．
唉～　你太好人喇，對住ｄ惡人，要一哭二鬧的．

話時話，你鄰居係買的，好似佢惡ｄ．但如果佢整爛你業主ｄ野，咁你就要拉埋你業主落水喇．
仲有，你既然係rent，你大可以同佢講，你住得唔開心可以搬，佢無得搬喎．你唔肯搬係咁同佢玩野，佢仲煩啦．不如大家關係好ｄ，仲無咁煩，但佢唔合作的話，咁你都唔介意煩多少少保安既．（千萬別被佢知你點玩野～）

你d方法好好笑
我都想自己可以絕d
但我係個d做左會訓唔著既人......我不知幾想倒番d鹽水落佢天台屋門口d植物度....
coacoa 發表於 2009-9-24 10:33

唔需要 ~ 你有更絕既方法係咪 ~ 加油 ~~

嘩~ 呢 D 係刑事毀壞，另外人地就算响你果邊受傷都可以民事索償架！ O.O"
marcuslee 發表於 2009-9-24 10:33

佢無問準入我屋，已經可以報警拉佢，佢偷入我屋整傷左，咪試下民事索償囉．
嘻～　香口膠呢ｄ提議當然唔係咁好啦，容易出事．