呵呵種花記（12月29日：cut佐頭嘅沙漠玫瑰）

原帖由 呵呵笑 於 2007-12-7 09:45 發表
金蓮花

這樣有荷葉田田的味道嗎

唔知用來做荷葉飯好唔好食呢
呵呵笑:你啲菜盆盆都好肥壯喲!

咩咩：金蓮有好強嘅向光性，所以我經常會轉方向，等佢生長方向勻循啲。

原帖由 jade_a 於 2007-12-8 13:49 發表

唔知用來做荷葉飯好唔好食呢
呵呵笑:你啲菜盆盆都好肥壯喲!

jade：聽“談天說地”嘅水母講，金蓮嘅葉真係可以用嚟沖茶飲哦，不過一定要有機種植果只，我未試過嘎。
          希望啲菜生生性性，快啲開花啦，因為播種時懶得用名牌，依家有乜品種同顏色都唔知，好心急啊！
         

12月9日

花友jade分享嘅“猴面花”開始有第一對真葉。
以前羊咩咩都有分享過俾我，不過我太過心急即刻播，可能天氣太熱，顆粒無收，sorry啊咩咩，辜負你一番心意。


[ 本帖最後由 呵呵笑 於 2007-12-9 09:05 編輯 ]

六倍利

生長得好慢，不過啲花都幾堪開，一朵開幾日。
見個花槽仔仲有位，索性再移植多兩棵小苗落去，一排種四棵，會唔會密得滯？

這是第二次播種嘅六倍利，住大屋啦，咁舒服，好快啲長大啦！

石竹

第二朵石竹，顏色開始紅潤啲啦。佢哋中意一朵朵咁開，一朵可以開成個禮拜都唔謝哦。
請有種過呢只嘅朋友幫我同佢正名啊（唔知係乜品種或者產地嘅石竹）。Monse，種子係你嘎，你知唔知品種啊？

呵呵，佢都係石竹，但係size大不相同。呢個大盆有三棵，花店買番嚟嘎。好可愛嘅花仔。

紅色迷你玫瑰開始第二輪花啦，好開心啊！

之前啲花開哂之後被我修剪過（種過玫瑰嘅前輩如伯爺婆等花友都提醒我要修剪），果然啲花芽都在修剪處標出嚟！肥水與陽光，佢依家有好多花蕾啊！

紫葉酢醬草
越開花越密啊！我剪走佐一點葉，以免嘅花被葉遮住

路過花店，買佐棵蒜香藤，想佢攀附在西面牆，夏天時可以消暑降溫，秋冬天又有花睇。周六去嘉道理農場，見到佢哋俾蒜香藤一個圓開拱門去攀爬，又覺得好靚哦。

呢個係備忘錄，12月7日播佐：
                           黃色香雪球
                           矮牽牛（混色）
                           蜀葵
                           黑種草
                           細香蔥
                           夢幻草（耬斗菜）
                           銀葉松蟲草
                           福祿考（第三次播啦，再唔成功，就唔再播啦，因為冇種子啦）
全部浸水一晚然後落土。

原帖由 呵呵笑 於 2007-12-9 09:48 發表
呢個係備忘錄，12月7日播佐：
                           黃色香雪球
                           矮牽牛（混色）
                           蜀葵
                           黑種草
                           細香蔥
...

12月12日

最先出齊苗嘅係黃色香雪球。（細香蔥都有露出白色小腿，但是仲頂著種皮果頂黑色帽子，太幼細我又唔敢幫佢脫帽，驚折斷佢，睇落都幾驚險）

習慣每日清晨起身就要去睇啲花草，然後靚嘎就影相。

白雪花，雖然未成規模，但以阡插嚟講，佢嘅生長速度算係快嘎啦，全靠Monse嘅基礎打得好哦。

同時開放嘅仲有懶人嘅紅色龍吐珠，等佢嘅花等到頸都長埋。

今日可能會開嘅係呢只我唔名乜名嘅酢醬草（同時有三只唔名名嘅種緊，我以2#來識別佢）
應該係白色花仔，但又咁得意哦，未有葉先開花

呢只海棠開嘅粉色花仔，在清晨嘅陽光下有閃閃嘅光，好靚。
（係叫海棠嗎？）因為佢係自己係花盆邊生出嚟，我見佢啲葉似海棠，所以俾間獨立屋佢住，跟住呢幾年佢就不停開花，然後被我不停強剪）
太多葉啦，我要間中幫佢疏葉，等下面啲葉仔可以有空間生上嚟。

等極都唔開嘅長壽花（由有花蕾到依家差唔多一個月啦）

以三色堇波浪嘅小苗做今日貼圖嘅結束啦
幾批種子，最後只得三幾棵小苗，呢棵算係比較見得人嘎啦