呵呵種花記（12月29日：cut佐頭嘅沙漠玫瑰）

2007.11.15

今年突然迷上迷你玫瑰。不過香港嘅花店除佐我之前買佐嘅粉紅，就只有紅色同黃色。某天行經街市邊嘅鮮花檔，見到呢盆黃色嘅（當時未有開花，只能由花蕾處依稀見到些少黃色），因為有一兩枝折斷佐，店主急於出貨，只要10蚊，拿拿臨俾佐錢走人。 番到屋企，換佐泥，加佐肥，修剪後也煥然一新啦！

種佐幾年嘅金錢樹，幾年前買時只是兩枝，當係小型盆栽咁擺在書枱，幾年後不斷要為佢換盆，真係大個仔啦！
今年幫佢換佐吉之島10元店嘅呢只膠盆。落佐底肥，快高長大！

每年秋天開始就會抽新芽，今年有三大一細

舊年一年好少理佢，差啲搞死佐佢，今年啲葉明顯冇咁靚。今年加倍惜佢，希望回複舊貌啦！

[ 本帖最後由 呵呵笑 於 2007-11-15 22:42 編輯 ]

年初阡插的長壽花開始有花蕾啦，不過唔記得果陣係乜嘢色嘅（咁都好，有驚喜，可以估 ）

孤挺也有花苞仔啦，不過到開花仲有排。我中意嘅反而係盆邊嘅呢啲草。唔知叫乜名呢？

請教：呢只叫乜嘢竹呢？賣花嘅阿叔話叫“女王竹”，我就思疑係佢作出嚟貪好聽嘅。

開到好鬼豔俗嘅孔雀草

秋初播種嘅黑眼蘇珊今日開佐第一朵花。不過未得閑影相，聽日先啦。
矮牽牛苗全部定植到大盆，暫時在陰涼處休息幾日後就可以開始曬太陽啦
今日到此為止，下回再見，大家晚安

[ 本帖最後由 呵呵笑 於 2007-11-15 23:14 編輯 ]

長壽花好強壯啊!
我的葉子很小,怎樣才可咁大塊呢?
謝!

呵呵笑,妳都鍾意睇小說架?我都係呀~

又播了批種子都沒出芽 是否天氣凍呢?
咩咩:櫻花鼠尾草播 2次都不出芽
呵呵笑:黑眼蘇珊可能凍的不發芽,用什麽土播出芽好呢?

原帖由 呵呵笑 於 2007-11-15 22:59 發表
孤挺也有花苞仔啦，不過到開花仲有排。我中意嘅反而係盆邊嘅呢啲草。唔知叫乜名呢？

那草好像叫天胡荽, 真是小巧可愛, 我家也有呢
另外我家的孤挺老是長葉, 請問怎樣才能讓他們開花呢?
PS 那些根球是去年四月在泰國曼谷的翟度翟假日市場買的, 體積比雞蛋大一點

原帖由 呵呵笑 於 2007-11-15 23:12 發表
秋初播種嘅黑眼蘇珊今日開佐第一朵花。不過未得閑影相，聽日先啦。
矮牽牛苗全部定植到大盆，暫時在陰涼處休息幾日後就可以開始曬太陽啦
今日到此為止，下回再見，大家晚安 ...

看到你的矮牽牛咁健康也替你開心, 今年我特地到花墟和台灣買矮牽牛種子都"中伏", 發不了芽 , 最後只可培育園子自動鑽出來的小苗, 其他地方騰出給別的植物吧

原帖由 呵呵笑 於 2007-10-25 08:42 PM 發表

Mones分享的紫葉酢醬草。
酢醬草原本在我嚟講係野草一級嘅，唔使咁隆重其事咁種，合適的水分、溫度它就會自動冒出嚟，然後長成一片，開花。後來到球根版一睇，先知自己的膚淺。原來它的家庭咁大，品種同花色如此之多，令我咋舌。 ...

這不是種子呀,,,,亦是球根的一種呀

原帖由 soy 於 2007-11-16 00:25 發表
長壽花好強壯啊!
我的葉子很小,怎樣才可咁大塊呢?
謝!

2007.11.16
soy：可能係唔夠肥呱？我其實都冇乜點理佢嘎。除佐初初阡插時會陪住小心咁侍候，到佢出佐根生出新葉就只是間中淋水（好輕嘅肥水）。
唔同時期仲阡插佐其它兩盆，依家都係好細葉咋。


[ 本帖最後由 呵呵笑 於 2007-11-16 23:21 編輯 ]

大約十日前阡插佐呢盆，依家長出新葉啦
不過唔知幾時有花睇

原帖由 羊咩咩 於 2007-11-16 00:32 發表
呵呵笑,妳都鍾意睇小說架?我都係呀~

咩咩：我係亦舒嘅“粉絲”啊
呢只蘇珊小姐送俾你個女啊！

仲有好多花蕾啊！

[ 本帖最後由 呵呵笑 於 2007-11-16 23:35 編輯 ]

如果冇錯，呢只係橙黑眼蘇珊嘅，亦都開始有花苞，可惜幾粒種子只播到一棵。

[ 本帖最後由 呵呵笑 於 2007-11-16 23:36 編輯 ]